Templates by BIGtheme NET

Author Archives: admin

WARKA HABEEN EE RADIO KULMIYE 8:00PM (16=10=2017)

Muqdisho–KNN:–Dhageystayaasha Radio Kulmiye ee ku xiran Webkeena www.Radiokulmiye.com waxaan idin soo gudbineynaa Warkii Caawa ee Radio Kulmiye waxaa wada aqrinayay:–Cali Ibraahim Cabdullahi  iyo  Cabdiwahaab Xuseen Muxudiin:-

Farsamadii:-Shariif Cabdulle Maxamed:-

Halkan  ka Dhageeso Warka Habeen Ee Radio kulmiye:–

DHAGEYSO:-Barnaamijka Galab Wanagsan {5:05PM}{16-10-2017}

Muqdisho:-KNN:-Akhristeyaasheena ku Xiran Bogga Radiokulmiye.net,waxaan halkaan idin kugu soo gudbin doonaa barnaamijka:-Galab Wanag san ee Maalin kasta ka baxa KNN waxaana halkaan ka soo jeediya:-Cabdiwili Abuukar Cabdullahi iyo Farxiyo Xuseen Cali:-

Farsamadii:-Shariif Cabdulle Maxamed:-

Halkaan  ka dhageyso Barnaamijka Galab Wanagsan:-

DHAGEYSO:-Barnaamijka Kulanka KNN{3:00PM}{16-10-2017}

Muqdisho:-KNN:-Akhristeyaasheena ku Xiran Bogga Radiokulmiye.net,waxaan halkaan idin kugu soo gudbin doonaa barnaamijka:-Kulanka KNN ee Maalin kasta ka baxa KNN marka laga reebo Jimcaha,waxaana halkaan ka soo jeediya:-Burhaan Diini Faarax:

Farsamadii:-Shariif Cabdulle Maxamed

Halkaan ka dhageyso Barnaamijka Kulanka KNN oo Dhameystiran:-

Madaxweyne Farmaajo “waxa aad noqoteen dalkii ugu horreeyey ee si dhaw noola qaybsada musiibada dhacday”

Muqdisho-KNN-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa booqday Xarunta Gurmad Qaran oo ay ka socdaan hawlaha gurmadka iyo baadigoobka dadka lagu la’yahay qaraxii argagixisanimada ahaa ee Soobe.

Madaxweynaha ayaa khadka teleefanka kula hadlay dad la soo wacay xarunta oo baadi goobaaya dad ay ilaa haatan ku la’yihiin qarixii, waxa uuna u sheegay Madaxweynuhu in dowladdu ay samaynayso dadaal kasta oo wax loogu qabanaayo dadka ay dhibaatadu soo gaartay.

Madaxweyne Farmaajo ayaa la kulmay dhallinyarada iskood isu xilqaamay ee howl-wadeenada ka ah barnaamijka Gurmad Qaran, waxa uuna ku bogaadiyey wadaniyadda ay muujiyeen iyo sida hagrasho la’aanta ah ee ay isu abaabuleen si ay dhibka ula qaybsadaan dadkooda.

Dhinaca kale, Madaxweynahu waxa uu tagay garoonka diyaardaha ee Aadan Cade halkaas oo uu ku saagootiyey qaar ka mid ah dhaawacyada oo loo qaadaay dalka Turkiga.

Madaxweynaha Jamhuuriyaddu waxa uu halkaas kaga guddoomay Wasiirka caafimaadka Dalka Turkiga Mudane Axmed Demirkaan tacsi uu ka siday Madaxweynaha iyo Raiisul Wasaaraha dalkiisa.

Wasiirka ayaa yiri “Mudane Madaxweyne, waxa aan dhambaal tacsi ah idiin ka sidaa Madaxweynaha Turkiga Mudane Rajab Dayib Ordogaan iyo Raiisul Wasaaraha Xukuumadda Bin Cali Yildirim. Waxa aan halkan u imaanay si aan idiin la qaybsanno murugada, markastana waa idiin muujinnaa in aan idin garab taagannahay.”

Madaxwyne Maxamed Cabdullaahi Farmaajo ayaa ku tilmaamay garab istaagga Turkiga ay u sameeyeen Soomaaliya mid ay ka filaayeen, maadaama labada dal ay ka dhaxeeyso xirriir qoto dheer iyo iskaashi walaaltinimo.

“Turkiya shacab iyo dowlad, waa ku mahadsantihiin sida aad ugu damqateen walaalihiina Soomaaliyeed, waxa aad noqoteen dalkii ugu horreeyey ee si dhaw noola qaybsada musiibada dhacday.”

Dagaal culus oo ka socda duleedka degmada Balcad.

Balcad-KNN-Dagaal culus oo u dhaxeeya Ciidamada Soomaaliya iyo Dagaalmayaasha Al-Shabaab ayaa saakay ilaa hadda ka socda Duleedka degmada Balcad ee gobalak Shabeelaha dhexe kadib markii ay Milatariag Soomaaliya ay weerar ku qaadeyn Fariisan ay Al-Shabaab ay daganaayeen.

Dagaalkan ayaa bilowday kadib markii ay maleeshiyaad ka tirsan Alshabaab ay fariisimo ka sameysteen deegaan ka xiga dhinaca galbeed ee degmada Balcad.Rasaata la isu adeegsanayo dagaalkan ayaa laga maqlayaa magaalada Balcad iyo deegaanada u dhow dhow.

Wararka ayaa waxa ay sheegaya in dagaalka uu ka bilowday kadib markii ciidamo uu hogaaminayo Abaanduulaha Ciidamada xoogga dalka Jen. Caanood ay weerareen fariisimaha ay ka sameysteen deegaana Daniga maleeshiyaad ka tirsan Alshabaab.

Khasaare Dhimasho iyo Dhaawac ayaa la soo sheegaya in uu dagaalkaasi ka dhashay waxaana hada la soo sheegaya in uu wali socdo dagaalka, Labada dhinac ee dagaalamaya ayaa wali kala jooga goobihii ay ku dagaalameyn.

 

La soco wixii ku soo kordha.

War deg deg ah: Dowladda Jabuuti Diyaarad iyo Dhaqaatiir ay soo dirtay oo Muqdisho soo gaaray

Muqdisho-KNN-Diyaarad laga leeyahay Dalka Jabuuti oo ay soo dirtay Dowladda Dalkaasi ayaa goor-dhaw soo caga-dhigatay Garoonka Diyaaradaha ee magaalada Muqdisho waxayna wadaa Dhaqaatiir iyo Daawooyinka Caafimaadka.

Saraakiisha Garoonka Diyaaradaha ee magaalada Muqdisho ayaa KNN u xaqiijiyay in diyaaradda ay goor-dhaw soo gaartay Garoonka Aadan cadee ee Muqdisho waxaana la socda Dhaqaatiir caafimaad kuwaas oo ka qeyb qaadan doono Howlaha Gurmadka ee ka socda magaalada Muqdisho.

Sidoo kale diyaaradda ayaa sida Qalab Caafimaad iyo Daawooyin tira badan taas oo loo qeybin doono Xarumaha Caafimaadka magaalada Muqdisho oo la ciir ciiraya Khasaarihii ka dhashay Qaraxii xooganaa ee ka dhacay Zoobe ee magaalada Muqdisho.

Wararka ay heshay Idaacadda Kulmiye ayaa Sidoo kale sheegaya in Diyaarada ay soo dirtay Dowladda Jabuuti uu la socdo Wasiirka Caafimaadka Dalkaasi waxana uu kormeer ku tagi doonaa Isbitaalada magaalada Muqdisho.

 

Muqdisho oo maanta marti gilineysa Banaanbaxyo Xoog leh.

Muqdisho-KNN-Boqolaal Shacab ah ayaa maanta Banaanbax aan cidna soo Abaabulin ka dhigaya Wadooyinka Gobalka Banaadir kuwaas oo ka damqaday Musiibadii ka dhacay Soomaaliya 14-kii Bishaan.

Banaanbaxayaasha ayaa wato maryo Gadoodan waxayna ku dhawaaqayaan Eryo diini ah oo loogu duceynayo dadkii dhibka gaaray ee dhintay iyo Kuwa dhaawaca ah.

Dadka dibad-baxa dhigayay ayaa isugu soo baxay Wadada Makka Al-Mukarama gaar ahaan Nawaaxiga Madaxtooyada Soomaaliya iyo Daljirka Daahsoon waxayna sidoo kale socod ku marayaan Xaafado ka mid ah Muqdisho.

Shacabka ayaa dalbanaya in ay muujiyaan Isku duubnaan iyo in ay ka jawaab celiyaan Falkii dhacay iyadoo la taageerayo Dowlada Soomaaliya qaarkood ayaa ku baaqaya in lala dagaalo Al-Shabaab.

 

Shiikh Mukhtaar Roobow oo maanta dhiigiisa ugu deeqay dadkii ku dhaawacmay Qaraxii Zoobe.

Muqdsiho-KNN-Sheekh Mukhtaar Roobow Cali Abuu Mansuur ayaa ka mid noqday dadka dhiiggooda ugu deeqay dhibbanayaasha ay dhaawacyada ka soo gaareen weerarkii 14kii Bishan ka dhacay magaalada Muqdisho kaas oo ay ku dhinteen in kabadan 300 oo qof.

Abuu Mansuur waxaa uu booqday Xarunta Gurmadka Qaran ee Hargaha iyo Saamaha,halkaas oo howlaha gurmadka ah ee Ehellada Raadinaya dadkooda isku xirkoodu ka socdo waxa uuna halkaasi ka jeediyay Khubad uu kaga hadlaayo wixii halkaasi ka dhacay.

“Al-Shabaab intii aan ku jiray dhowr jeer ayaa isku dagaalnay waana kala hadli jiray qaraxyada Ismiidaaminta oo ah danbi culus, wiilsha Soomaaliyeed ee is Qarxinaya waxaan ka codsanayaa in ay iska joojiyaan qaraxyada waa danbi Culus oo aan marna la isku cafin doonin” ayuu yiri Abuu Mansuur.

Sidoo kale Shiikh Mansuur ayaa ugu baaqay Dagaalamayaasha Shabaab in ay joojiyaan dilalka dadka rayidka ah.

“wiilasha is qarxinaya ee naftooda haligaya waxaan u sheegaya waxa aad sameyneysaan waa danbi janno ku gali meysaaan ee Alle ka cabsada, hogaamiyaha Shabaab ee idin soo diray hadii janno lagu helayo isagaa is qarxin lahaa waalidkiinana arintaan raali kama ahan” ayuu mar kale yiri Abuu Mansuur.

Madaxda ugu sarreysa Dowladda Soomaaliya ayaa iyaguna shalay shubayay dhiiggooda,waxaana sidoo kale Dadweynaha Soomaaliyeed ay iyana ka qeyb qaadanayeen dhiig bixinta.

 

Madaxweeynaha oo Maanta ka Jawaabaya Tilifoonadda Xarunta Gurmad Qaran ee lagu Baadi goobayo dadkii lagu wayay Qaraxii Soobe.

Muqdisho-KNN-Madaxweeynaha Soomaaliya Maxamed Cabdullahi farmaajo ayaa Maanta Fadhiya Xarunta Hargaha iyo saamaha oo uu ku shaqaynayo Guddiga loo xilsaaray Baadi goobka Dadka Raq iyo Ruux la’ayahay ee lagu waayay Qaraxii soobe.

Madaxweeynaha ayaa ku shaqaynaya Xarunta Guddiga Gurmad qaran isagoo ka Jawaabaya Tilifoono loo sameeyay in ay soo wacaan Dadka Ehelkoodu ka maqanyahay waxuuna Madaxweeynuhu Diiwaan galinayay Dadka Lasoo xiriiray ee Soo wacay Tilifoonadda loo sameeyay .

Qofkasta oo soo waca Tilifoonadda Guddiga Gurmad Qaran ayaa fursad u helay in Madaxweeynaha Jamhuuriyadda Soomaaliya uu u diiwaan galiyo Magaca Qofka ka maqan iyo Tilmaaha lagu Baadi goobi karo ee lagama Marmaanka ah.

Wararka aan ka heleyno Xarunta uu ku shaqaynayo Gudigga Gurmad qaran aya sheegaya in Dad badan ay la soo xiriireen Xafiiska Gurmad qaran ee hargaha iyo saamaha kuwaas oo Raadinaya Dad ka maqan.

Dhinaca kale Guddiga gurmad qaran ayaa war uu soo saaray ku ogeeysiiyay Dhamaan isbitaaladda la geeyay Dadka Dhaawaca ah in aysan Lacag ka qaadin Bukaanka, Qoysaska Dadka Bukaanka ahna wuxuu guddigu u sheegay  in Doowladdu Bixin Doonto Qarashka lagu daweeynayo dadka Dhibaatadu kasoo gaartay Qaxii soobe.

Guddigu wuxuu sidoo kale soo saaray in Diyaaradaha dalka u imaanaya Gurmadka aan la weeydiin Karin Ruqsad iyo Fiisaha dadka la Socda

Dad badan ayaa quus ka taaqan Dadka Ka maqan Sabatoo ah Qaraxii Soobe waxaa uu sababay in ay gubtaan Dadkii uu haleelay islamarkaan lakala garan waayo Meeydadka Waxaana la’aasay Dad badan oo aan la aqoonsan.

Banaabax Looga soo horjeedo Qaraxii ka dhacay Zoobe oo ka dhacay Gobalka Mudug.

Muqdisho-KNN-Boqolaal  dadweyne ah ayaa Maanta waxaa ay banaanbax ay kaga soo horjeedaan Qaraxii ka dhacay isgoyska Zoobe ee Magaalada Muqdisho ay ka dhigeen Degmada Galdugub ee Gobalka Mudug .

Dadkan Banaanbaxa ka qeyb galayay ayaa waxaa laga dareemayay wejiyadooda inay aad ugu xunyihiin Wixii ka dhacay Isgoyska Zoobe,Waxaana qaarkooda ay ku baaqayeen in dadka loo Gurmado.

Qaar ka mid ah Boqolaalkii ka qeyb galay Banaanbaxa oo la hadlay warbaahinta ayaa waxaa ay Sheegeen in Dowlada Soomaliya looga baahan yahay sidii ay Wax ugu qaban laheyd Dhacdooyinka noocan oo kale ee lagu xasuuqayo Shacabka Soomaaliyeed.

Sidoo kale waxaa ay walaac ka muujiyeen Qaraxii ka dhacay isgoyska Zoobe,islamarkaana lagu dhibaateeyay dadkan  Rayidka ah,iyagoona u duceeyay Dadkii ku dhintay qaraxaas iyo kuwii ku dhaawacmay.

14 Bishan ayay aheyd markii gaari laga soo buuxiyay waxyaabaha qarxa uu ku Qarxay isgoyska Zoobe,islamarkaana lagu xasuuqay shacabka soomaaliyeed.

Waxaana Marba marka ka dambeysay ay sii kordhaya khasaaraha ka dhashay Qaraxaasi,Waxaana Dowlada Soomaaliya ay Xaqiijiyay inay ku dhinteen 276 Qof,islamarkaana ay ku dhaawcmeen 300 qof oo kale.

Balse warar madax banaan ayaa sheegaya in khasaaraha ka dhashay qaraxaas uu gaarayo 300 qof,dhaawacuna uu intaasi ka badan yahay.