Templates by BIGtheme NET

Author Archives: admin

Weerar lagu qaaday Ciidamo ka tirsan Xasilinta oo fariisin ka sameestay Xaafadda Ceymiska ee D/Yaaqshiid.

Muqdisho-KNN-Weerar ku bilaawday Qaraxyo Bam-Baanooyin ah ayaa xalay koox hubeysan waxa ay ku qaadeen Fariisin ay Ciidanka Xasilinta dhawaan ka sameestay Xaafadda Ceymiska ee degmada Yaaqshiid waxaana kadib xigay dagaal socday ku dhawaad 30 Daqiiqo.

Goob joogayaal ayaa Idaacadda Kulmiye u sheegay in dagaalka uu dhacay xalay Fiidkii hore waxaana la weeraray Ciidan ka tirsan kuwa Xasilinta Muqdisho oo lagu badalay Ciidan kale oo mudo dheer dagaanaa Saraha Ceymiska waana weerarkii 3aad oo lagu qaado Isbuuc gudihiis.

Ilaa hadda lama oga Khasaaraha dhimashada iyo dhaawaca ka dhashay dagaalkaasi, balse dadka ku nool Saraha Ceymiska ee degmada yaaqshiid ayaa is weydiinaya waxa soo kordhiyay Weerarada Xaafadaasi markii la badalay Ciidankii halkaasi daganaa mudo dhowr sano ah Islamarkaana ay u taalay Isbaaro gaadiidka B.L.-ka lacago looga qaado.

Dagaalka kadib ayaa Ciidanka waxa ay ku soo faafeen Xaafadaha waxayna halkaasi ka sameeyeen baaritaano xoog leh oo dhalinyaro lagu soo qab qabtay in kastoo qaarkood la sii daayay.

Maamulka Degmada Yaaqshiid iyo Saraakiisha Ciidanka oo aan la hadlanay ayaa ka gaabsaday in ay faah faahin ka bixiyaan Weerarkaasi iyo Hadii uu jiro Khasaaro ka dhashay.

Madaxda ugu Sareyso Galmudug oo xalay kulamo ku yeeshay Madaxtooyada Cadaado.

Cadaado-KNN-Madaxweynaha Maamulka Galmudug Axmed Ducaalle Geelle, Madaxweyne Ku xigeenka maamulkaasi Maxamed Xaashi Carabey iyo Gudoomiyaha Baarlamaanka Cali Gacal Casir iyo Labada Gudoomiye ku xigeen ee Baarlamaanka Maamulkaasi ayaa xalay kulan gaar ah ku yeeshay Xarunta Madaxtooyada Galmudug iyagoo ka hadlay Khilaafka siyaasadeed ee ka dhaxtaagan kaas oo saameeyay Shaqadii iyo Xasiloonadii maamulkaasi.

Xaaf oo marti qaaday Dhinacyada ka soo horjeedo oo kala ah Gudoomiyaha Baarlamaanka iyo Gudoomiye ku xigeenka 2aad Baarlamaanka iyo ku xigeenkiisa ayaa la sheegay in ay banaanka ka joogeen Xubnaha kale ee Maamulkaasi waxa uuna kulankooda qaatay wax ka bada Saddex  Sacaadood oo xariir ah.

Warar ay heshay Idaacadda Kulmiye ayaa sheegaya in Madaxweyne Xaaf uu raali gilin ka bixiyay hadal uu jeediyay Markii uu joogay Imaaraadka kaas oo ahaa in Madaxweyne ku xigeenka Galmudug iyo Gudoomiyaha Baarlamaanka murankooda uu salka ku haayo Arimo qabiil isagoo yiri “Waxay la safan yihiin Madaxweynaha iyo Ra’iisal Wasaaraha oo ay qaraabo yihiin” taas sii kicisay Xiisadda Galmudug.

Sidoo kale wararka ay heshay Idaacadda kulmiye ayaa sheegaya in Madaxweyne Xaaf uu dalbaday in la soo afjaro Xiisadda Islamarkaana uu balan qaaday in aysan dib u soo laaban doonin  go’aan uu iska gaaro la tashiyo la’aan waxa uuna ku nuux nuuxsaday Muhiimadda ay leedahay in aan la bur burin Maamulkaasi.

Ma jirto ilaa hadda wax la isku afgartay oo ka soo baxay kulankaasi waxa uuna gaaray ilaa Saqdii dhexe ee Xalay, Xariiro aan la sameynay dhinacyadii kulanka ka qeyb galay ayaa noo suurta galin in aan wax ka weydiino kulankoodii xalay.

Galmudug ayaa wajaheysa Jahwareer siyaasadeed oo gaaray meel sare waxaana sidoo kale la soo saaray Awaamiir looga Mamnuucayo Cadaado iyo Guud ahaan Galmudug shirarka looga soo horjeedo Madaxweyne Xaaf.

,

Ra’iisal Wasaare Kheyrre oo xalay la kulmay Jaaliyadda Soomaalida ee Virginia.

Virginia-KNN-Ra’iisal Wasaaraha Xukumadda Soomaaliya Xasan Cali Kheyrre iyo Xubno ka tirsan Golahiisa Wasiirada oo ku sugan Dalka Maraykanka oo ay kaga qeyb galeen Shirkii Golaha Guud ee Q.M. ayaa Xalay la kulmay Jaaliyadda Soomaalida ee Ku nool Gobalka Virginia Isagoo kala hadlay Xaaladda Soomaaliya.

Ra’iisal Wasaare Kheyrre ayaa Jaaliyadda Soomaalida u sheegay in Soomaaliya ay soo kabaneyso dhinacyada amaanka Dhaqaalaha iyo Dhismaha Ciidanka balse ay jiraan Culeesyo kale oo ay wajaheyso kuwaas oo u baahan in wadajir looga Gudbo isagoo ka codsaday Jaaliyadda Soomaalida in ay taageeraan Soomaaliya.

“Somalia waa soo kabaneysaa waxaana sameynay Ciidanka Xasilinta oo waxbadan ka qabtay amaanka muqdisho, waxaan ku guda jirnaa dhismaha Ciidan Qaran, waxaana sidoo kale bixinay dhamaan Mushaaraadka Ciidanka iyo Shaqaalaha rayidka ah” ayuu u sheegay in Ra’iisal Kheyrre.

Sidoo kale Ra’iisal Wasaaraha Soomaaliya ayaa cod dheer ugu qeyla dhaamiyay Jaaliyadda Soomaalida ee Maraykanka in ay dalka ku taageeraan, Dhaqaalo, Maskax iyo Xoog Ciddii aan taageeri karaine aysan ka qeyb qaadan Duminta qaranka oo ay ka aamusto.

Dhinaca Kale Banaanbaxayaal Careysan ayaa ku hor banaanbaxay Xaruntii uu ku sugnaa Kheyrre kuwaas oo waqti kooban hakad giliyay Khudbadii Ra’iisal Soomaaliya.

Banaanbaxayaasha ayaa watay Boorar ay kaga soo horjeedaan Ra’iisal Wasaare Kheyrre sida ay Baahisay Idaacada VOA kuwaas oo markii danbe gudaha u soo galay Halkii uu ka hadlaayay Ra’iisal Wasaaraha kadibna ay buuq ka dhax-dhaliyeen inkastoo markii danbe la xaliyay.

VOA-da oo aan warkana ka soo xiganay ma sheegin waxa ay dadka ka banaanbaxayeen ama ay ka cabanayaan balse waarar kale ayaa sheegaya in Banaanbaxayaasha ay ka soo horjeedeen go’aankii ay xukumadda C/kariin Shiikh Muuse “Qalbi dhagax” ugu Gacan gilisay Itoobiya.

 

Axmed Madoobe oo Fariin Canaan ah u diray Madaxda Maamul Gobaleedyada iyo Madaxda Dowladda.

Kismaayo-KNN- Axmed Maxamed Islaam “Axmed Madoobe” Madaxweynaha Maamulka Jubbaland oo Shalay Galab dib ugu soo laabtay Magaalada Kismaayo ee Xarunta Gobalka Jubada Hoose ayaa markii ugu horeysay ka hadlay Khilaafka ka soo dhax Cusboonaaday Madaxda Maamul Gobaleedyada iyo Kuwa Dowladda dhexe.

Axmed Madoobe ayaa sheegay in dalka uusan ka bixi karin Khilaaf siyaasadeed Islamarkaana wadahal iyo isfahamsan lagu dhameeyo kala aragti duwanaanshiyaha ku saleysan Arimaha Khaliijka kaas oo Khilaaf siyaasadeed ka dhax Abuuray Madaxda Dowlad Gobaleedyada dhaxdooda iyo Madaxda Qaranka.

Madaxweynaha Jubbaland ayaa sheegay in Madaxda Maamul Gobaleedyada go’aanka ay ka qaateen Xiisadda Khaliijka ay ku qaldanyihiin Islamarkaana lagu xad-gudbay Dastuurka KMG ah ee Soomaaliya, sidoo kale Axmed madoobe ayaa Madaxda Dowladda ku dhaliilay in ay dagaal u muujinin Dowlad Gobaleedyada halkii ay sixi lahaayeen qaladaadka dhacay.

Axmed Madoobe Madaxweynaha Jubbaland ayaa Khudbadiisa aheyd mid Nabadoonimo ah waxa uuna Madaxda Qaranka iyo Kuwa maamul Gobaleedyada mid walba ku dhaliilay Qaladaadka ay ku jiraan isagoo sheegay in loo baahan yahay in dib u habeyn lagu sameeyo Qadobada 53-aad iyo 54-aad oo iska hor imaanayo kuwaas oo sabab u noqday in ay go’aan Khaldan qaataan Maamul Gobaleedyada Dalka.

Ugu danbeyntii waxa uu Iclaamiyay Shir Kismaayo lagu qaban doono Kaas oo marka hore yeelan doonaan Madaxda Maamul Gobaleedyada islamarkaana ay isku sheegi doonaan waxybaaha ay ku qaldan yihiin kadibna ay soo qoran doonaan Waxyaabaha ay kaga qaldan tahay Dowaldda Soomaaliya kadibna wadahal iyo Isfaham ku dhameyn doonaan.

kulanka Madaxda Maamulada Kadib ayuu sheegay in ay la kulmi doonaan Madaxda Qaranka isagoo Carab ku adkeeyay in Dowladda Soomaaliya looga danbeeyo Go’aanada Arimaha Dibadda halka Dowladana looga baahan yahay in ay qanciso Maamul Gobaleedyada Dalka.

 

Galmudug oo sheegtay in aan Degaanadeeda lagu qaban karin Shir Siyaasadda la Xiriira”Akhriso”

Cadaado–KNN– Wareegto ka soo baxday Madaxtooyada Galmudug oo uu ku Saxiixan yahay Madaxweynaha Galmudug Axmed Ducaalle Geelle Xaaf ayaa lagu Amray in  Degaanada Maamulkaas aan lagu qaban karin Shir la Xiriira Arrimaha Siyaasadda,waxaana uu Amarkaan imaanayaa Xilli Khilaaf Xoog leh uu u dhexeeyo Madaxda Maamulkaasi.

Halkaan Hoose ka Akhriso Warsaxaafadeedka ka soo baxay Madaxtooyada Galmudug

Saciid Dani”Hubka lagu qabtay Magaalada Boosaaso Lug kuma lihi”

Dubia–KNN– Siyaasiga lagu Magacaabo Saciid C/llaahi Dani oo ka mid ahaa Musharaxiintii u Tartamay Xilka Madaxweynaha Soomaaliya Bishii February Ee Sanadkaan islamarkaana ka mida Siyaasiinta sida weyn looga yaqaano Koofurta iyo Bartamaha Soomaaliya ayaa Been abuur ku tilmaamay Warar sheegayay in Hubkii lagu qabtay Magaalada Boosaaso ee Xarunta Gobolka Bari uu lahaa Siyaasiga lagu Magacaabo Saciid C/llaahi Dani.

Saciid C/llaahi Dani oo ku sugan Wadanka Imaaraadka Carabta ayaa KNN u sheegay in Warka laga Faafiyay uu yahay Been abuur iyo mid la soo dhoob dhoobay islamarkaana uusan laheyn Hubka la sheegay in lagu qabtay Magaalada Boosaaso.

“Waxaan si cad u sheegayaa in aanan Lug ku la heyn Hubka la sheegay in lagu qabtay Magaalada Boosaaso ee la yiri waxaa leh Saciid Dani,Warkaas waa been iyo waxba kama jiraan,waxaana Warkaas Faafiyay Dad doonaya in ay Magaceyga Wasaqeeyaan oo ay Waxyeello gaarsiiyaan”ayuu yiri Dani.

Saciid C/llaahi Dani oo ah Siyaasi Ganacsade ah ayaa ka mida Musharaxiinta u Sharaxan qabashada Xilka Madaxweynaha Puntland ee 2019.

 

Madaxweyne Farmaajo oo Kulan la yeeshay Ururada Bulshada Rayidka”Sawiro”

Muqdisho–KNN–Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa kulan talo-wadaag ah la qaatay qaar kamid ah Ururrada Bulshada Rayidka ah ee dalka.

Kulankan oo lagu xoojinaayey xiriirka wada shaqayneed ee Urrurada Bulshada iyo dowladda ayaa xubnaha ka socday Bulshada Rayidka ah waxa ay u soo gudbiyeen Madaxweynaha talooyinkooda ku aaddan dib-u-habaynta garsoorka, dib-u-eegista dastuurka, la dagaallanka musuqmaasuqa, horumarinta dhaqaalaha iyo arrimo kale oo muhiim u ah dowlad dhisidda Soomaaliya.

Madaxweyne Farmaajo ayaa sheegay in dowladdu ay siinayso Bulshada Rayidka ah fursado ay kaga qayb qaataan talada dalka maadama dowladda haatan jirta ay tahay mid ka tarjumaysa rabitaanka Shacabka.

Madaxweynaha ayaa yiri “Kaalin muhiim ah ayaad ku leedihiin in aad nala wadaagtaan dhaliisha iyo bogaadinta arrimaha noo qabsooma iyo in aad u soo bandhigtaan bulshada caqabad kasta oo ka hor imaanaysa dowladnimada.”

Raiisul Wasaare Ku Xigeenka Xukuumadda Federaalka Soomaaliya Mudane Mahdi Maxamed Guuleed ayaa madasha ku soo bandhigay warbixin ku saabsan wada shaqaynta xukuumadda iyo Ururrada Rayidka ah, gaar ahaan gurmadkii abaaraha iyo dib-u-hanashadii saxiixa deeqaha caalamiga ah.

Kulankan waxa uu qayb ka yahay kulamo joogta ah oo Madaxweyne Maxamed Cabdullaahi Farmaajo uu la yeesho qeybaha kala duwan ee bulshada si uu u dhagaysto talooyinkooda.

Maxay yihiin caqabadaha ka dhalan kara duulimaadyada habeenkii ee garoonka Muqdisho?

Markii ugu horeysay muddo ka badan 25 sano, waxaa garoonka diyaaradaha Aadan Cabdulle Cusmaan ka degtay diyaarad rakaab sidda xili habeen ah, waxayna diyaaradaas ka timid dalka Sucuudiga oo ay ka keentay dad soo gutay waajibaadkii xajka.

Balse uma ahan guul weyn soo hoyatay sida ay u shanqarayso arrinta, waxaa jira caqabado durba muuqanaya in duulimaadyada habeenkii ay si caadi ah u socdaan.

Garoonka diyaaradaha ee Muqdisho waxaa albaabada loo laabi jiray 5ta galabnimo maalin kasta, Waxaana la sheegay in ay sabab u ahayd “arrimo la xiriira amniga oo ay adkayd in habeenkii la sugo”, iyo sidoo kale garoonka oo aanan lahayn adeegyadii loogu talagalay in habeenkii ay diyaaradaha ka dagi karaan.

Sida uu sheegay wasiirka gaadiidka cirka iyo dhulka Maxamed Cabdullaahi Salaad, in garoonka uu habeenkii shaqeeyo ayaa waxa ay ka dhigantahay in uu soo hagaagay amnigii guud ee caasimadda.

“Garoonka amnigiisa AMISOM ayaa gacanta ku haysa, laakiin ciidamo badan oo boolis iyo NISA ah ayaa sidoo kale ku sugan, garoonka iyaga ha maamuleen, balse xili kasta oo aan doono ayaan furnaa” ayuu yiri wasiirka oo BBC-da la hadlay.

Ka sokoow AMISOM, garoonka waxaa la sheegaa in ay degganyihiin ciidamo kale oo shisheeye oo Soomaaliya caawiya, waxayna inta badan garoonka isticmaalaan habeenkii, iyada oo dadka reer Muqdisho ay soo sheegaan in habeen kasta ay arkaan diyaarado militari oo ka duulaya ama ka daganaya eelaboorka.

Markii aan wasiirka hordhignay su’aasha ah waxa ay ka ogyihiin arrintaas ayuu yiri “Waan ognahay inta loo baahanyahay in aan ogaano, si qeyb ahaan ah, dowlaha hay’adaheeda kalana waxa ay ka warhayaan inta kale, aniga duulimaadyada rayidka waxa ku saabsan ayaa i quseeya, waanan ka warhayaa”.

Garoonka Aadan Cabdulle Cusmaan wuxuu ka mid yahay bartilmaameedyada ugu sareeya dalka ee ay beegsadaan kooxaha hubeysan ee dowladda kasoo horjeeda, wuxuuna had iyo jeer halis ugu jiraa weerar lagu qaado, sababta ugu weyna waxaa lagu sheegay in ay tahay ciidamada AMISOM iyo kuwa kale ee deggan.

Garoonka waxa uu isugu jiraa mid loo isticmaalo labo siyaabood oo kala ah rayid iyo ciidanba, waxaana si joogto ah uga wada dega diyaaradaha shacabka iyo kuwa militariga.

Jeneraal Maxamed Ibraahim Guubir oo ah xeeldheere xagga amniga ah oo BBC la hadlay ayaa sheegay in aysan isku haboonayn diyaaraha militariga iyo kuwa rayidka ah “Aad iyo aad ayay arrintaas u dhib badantahay, garoon militari iyo garoon shibil ah ismaba qaataan adduunka, haddii la heli kari lahaa, lagama wada maamuleen hal meel”.

Garoonka Aadan Cadde waxaa lagu tilmaamaa in uu yahay halka ay ka jiraan dhaqdhaqaaqyada ciidan ee ugu badan gudaha dalka, iyadoo saanadaha iyo ciidamada nabad illaaliyeyeyaasha ee la’isku badalo ay halkaas kawada degaan.

Sidaasi si la mid ah waa garoonka ugu mashquulka badan Soomaaliya ee xagga duulimaadyada rayidka ah. Waxayna ka degaan garoonka xilli maalin ah.

Balse caqabadda jirto ayaa ah in garoonka uu leeyahay hal dhabbo oo aanan sidaas u weyneyn oo ay diyaaradaha ku ordaan, mana la oga sida la’isu waafajin karo diyaaradaha tirada badan ee rayidka ah iyo kuwa militiga.

In hawlo ciidan ay halkaas ka socdaana waxa ay aad u kordhisay halista ku iman karta shacabka isticmaala garoonka oo qaar ka mid ah ay ku waxyeeloobeen weeraro hore oo loo geystay.

Jeneraal Guubir ayaa qaba in la kordhiyo ciidammada hadda ka hawlgala garoonka , wuxuuna yiri “Waa arrin u baahan ciidamo aad u feejigan, aad u tabobaran, garoomada taqasus gaar ah u leh, dhan kastana laga diyaariyo, mar haddii habeen la shaqeynaayo waa in tiradii intii hore ka badataa, diyaaradaha AMISOM iyo kuwa rayidka ah la kala leexiyo, oo kala hago”.

Si uu garoon u shaqeeyo habeenkii waxa uu u baahanyahay tasiilaad badan sida leerarka diyaaradaha lagu hago.

Wasiirka gaadiidka cirka ayaa sheegay in wax kasta oo adeeg ah oo loogu talogalay in habeenkii uu garoonka ku shaqeeyo loo dhamaystiray, wuxuuna intaas ku daray in mustaqbalka uu rajaynayo in dadka ay baabuurtooda garoonka la galaan.

Balse walwalka ugu weyn waxa uu ka taaganyahay dhanka amniga, iyadoo garoonka uu leeyahay taariikh dheer oo ah weeraro isdabojoog ah oo ay ku dhinteen badan.

Weeraradan ayaa waxa ay isugu jireen kuwa ismiidaamin ah, iyo hoobiyeyaal laga soo gamay xaafado ka mid ah magaalada Muqdisho. Balse isbadalo amni oo caasimadda ka dhacay ayaa sare u qaaday rajada.

Illaa iyo hadda ma jiro duulimaad rayid ah oo ka duulay garoonka, marka laga reebo midda keli ah ee ka soo degtay 23-kii bishan.

Garoonka marka laga soo dagayo ayuu amni ahaan ka sahlanyahay marka laga duulayo oo la maro baaritaano aad u badan.

Duulimaadyada ugu badan ee garoonka isticmaala ayaa ah kuwa u duula ama ka yimaado gudaha dalka, halkaas oo garoomada ku yaala aysan lahayn tasiilaad ku filan oo ay habeenkii ku hawlgalaan, sidaasi darteedna muddo dheer ayay qaadan kartaa in garoonka Aadan Cadde uu si buuxda habeenkii u shaqeeyo.

Jeneraal Guubir ayaa qaba in xilli dhow aysan garoonka Aadan Cadde kasoo dagi doonin xili habeen ah diyaarad gobolada ka timid “Ilama ahan in diyaarad gobolada kasoo duushay ay Xamar ku dagi karto sababo badan awgood, xag nabad galyo iyo xag kastaba”

Si kastaba ha ahaatee garoonka Muqdisho oo xirnaa muddo aad u dheer kadib burburkii ayaa tan iyo intii dib loo furay sanadkii 2006-dii wuxuu astaan u ahaa dib usoo laabashada nolosha caadiga ah ee Soomaaliya.

Hadda oo la bilaabay in habeenkii la isticmaalana waxa ay iyaduna ka dhigantahay amniga Soomaaliya uu caadi ku soo noqonaya sida uu qabo Jeneraal Guubir.

Xigasho BBC

Senior Somali General Gunned Down in Mogadishu.

A senior Somali military officer was gunned down in Mogadishu Sunday evening, security sources told VOA’s Somali service.

Gunmen armed with pistols fatally shot General Abdullahi Mohamed Sheikh Qururuh and a bodyguard as the two men were walking home from a mosque in the Somali capital, witnesses said.

The attackers walked past General Qururuh and the bodyguard, then turned and shot them from behind, the sources quoted the witnesses as saying.

Both victims died on the spot.

Qururuh was a senior army officer at Somalia’s command and control headquarters in Mogadishu. He served previously as deputy commander of logistics for the Somali army.

There no immediate claim of responsibility for the assassinations. Al-Shabab militants are believed to be involved in most such attacks on government officials.

One week ago a similar shooting in southern Mogadishu killed a senior Somali intelligence officer and his bodyguard. The attackers in that case were in a vehicle that fired on Mohamud Moallim Hassan Qoley and his bodyguard in the capital’s Dharkaynlay district. Al-Shabab claimed responsibility for those killings.

In a separate incident late Sunday, two government soldiers and a civilian were killed in an Al-Shabab ambush in Somalia’s Puntland region, witnesses said.

Hospital officials in Bosaso confirmed to VOA Somali that they had received the bodies of two soldiers and one woman following the attack in Galgala Highlands, 40 kilometers south of Bosaso, a regional commercial center. Sources said five other soldiers were wounded.

Al-Shabab militants said they carried out the attack, targeting a military vehicle carrying soldiers to the Puntland base in Galgala Highlands.

—-VOA

Hindiya oo dalkeeda ka masaafurineysa Muslimiinta Rohingya

Gudaha Myanmar, ma aha goob laga jecelyahay Dadka qowmiyadda Rohingya, waxaana loo diiday dhalasahada dalkaasi,,sidoo kale dibadda inta badan kuma laha saaxib.

Dowlada Hindiya ayaa hadda sheegtay in dadka Rohingya ee ku nool dalkeeda ay halis ku yihiin amniga qaranka.

Markii ugu horeysay ayaa wasiir ka tirsan dowladda Hindiya ku dhawaaqay in la dhoofin doono oo la rari doono dadka Rohingya ee ku sugan dalk

aasi.

Tirada dadka Rohingya ee Hindiya ku nool ayaa gaarayso ku dhawaad 40,000, oo ay ka mid yihiin 16,000 oo ay Qaramada Midoobey qaxooti ahaan u diiwaangalisay.

Dadka Rohingya, oo tiradooda ay tahay ku dhawaad 1 milyan ayaa waxa ay dowladda Myanmar u aragtaa in ay yihiin dad soo galooti ah oo ka yimid Bangladesh.

Markii ugu horeeysay ee ay yimaadeen Hindiya dadka Rohingya ayaa ahayd sanaddii 1970-kii waxayna imika ku nool yihiin guud ahaan daafaha dalkaasi, qaarkoodna waxay ku jiran xeryo qaxooti.

Ku dhawaaqida dowlada Hindiya ee ah in ay dadka Rohingya halis ku yihiin ammaanka ayaa ku soo beegmaysa xilli 400,000 oo Muslimiinta Rohingya ay ka soo qaxeen gobolka Rakhine.

Dood ku saabsanayd qorshaha ay Hindiya ku doonayso in ay ku rarto dadka Rohingya ayey dowladda ka sheegtay inay hayso warar sirdoon oo muujinaya in qaar ka mid ah qoomiyadaha ay xiriir la leeyihiin kooxo argagixiso.

Dowladda Hindiya ayaa sheegtay in “kooxaha qaar ay saldhigyo ku leeyihiin dalka Pakistan”.