Templates by BIGtheme NET

Author Archives: admin

War Deg Deg ah:- Ra’iisul Wasaare Kheyrre oo ku dhawaaqay Dagaal ka dhan ah Al-shabaab

Muqdisho–KNN– Ra’iisul wasaaraha Xukumadda Soomaaliya Xasan Cali Kheyrre oo Galabta kula hadlay Magaalada Muqdisho Boqolaal Dhalinyaro ah oo u badan kuwii ka qeyb qaatay Gurmadkii loo fidiyay Dadkii Qaraxii Musiibada ahaa uu ku Haleelay Isgoyska 14-October  Ex-Zoobe ayaa sheegay in Dowladda Soomaaliya oo kaashaneysa Shacabkeeda ay bilaabi doonto Dagaal ka dhan ah Al-shabaab oo Dalka oo dhan looga saari doono.

Ra’iisul Wasaaraha ayaa sheegay in Dagaalkaas uu bilaaban  doono Sabtida soo socota islamarkaana uu noqon doono midkii Dalka oo dhan looga saari lahaa Al-shabaab oo lagu soo Afjari lahaa Dagaalka lagula jiro Al-shabaab.

Hadalka Ra’iisul Wasaaraha ayaa imaanaya Xilli Qaraxii Musiibada ahaa ee ka dhacay Magaalada Muqdisho ee Galaaftay Nolosha in ka badan 300 oo Qof ay Dadka ku nool Muqdisho Dareenkooda sida ay uga Xun yihiin ay Muujiyeen.

Madaxweyne Waare oo Xilkii ka qaaday Guddoomiyihii Degmada Balcad Ee G/Sh/Dhexe

Muqdisho–KNN–Madaxweynaha Hirshabeelle Maxamed Cabdi Waare ayaa xil ka qaadis ku sameeyay Guddoomiyihii degmada Balcad Cusmaan Maxamed Maxamuud (Xaadoole), kaasoo bilo ka hor xilkaan loo magacaabay.

Wareegto ka soo baxday Madaxtooyada Hirshabeelle oo ay heshay Warbaahinta ayaa lagu sheegay in xilka Guddoomiyaha degmada Balcad loo magacaabay Qaasim Cali Nuur oo horay u soo noqday Xildhibaan ka tirsanaa Baarlamaankii 9aad.

Madaxweynaha Hirshabeelle oo aan wali la caleema saarin Maxamed Cabdi Waare ayaa tan iyo markii bishii la soo dhaafay loo doortay xilka waxaa uu durba bilaabay xil ka qaadis uu ku sameeyay Guddoomiyaha Gobolka Hiiraan, isagoo soo celiyay Guddoomiyihii hore Cali Jeyte Cusmaan.

DHAGEYSO:-Barnaamijka Kulanka KNN{3:00PM}{19-10-2017}

Muqdisho–KNN:–Waxaan idiin soo gudbineynaa Barnaamijka Kulanka Wariyaha oo ad maalinta Jimcaha sido kale si ku celis ah habeenka sabtiga ay soo Galeyso ka dhageysataan idaacada Kulmiye Ee Magaalada Muqdisho.

Barnaamijka Kulanka Wariyaha waxaa Soo jeediya Burhaan Diini Faarax:-

Farsamadii :- Maxamed Dalal Maxamuud:-

Halkaan ka dhageyso Barnaamijka oo dhameystiran:-

Dhageyso:-Casharka Tafsiirka Qur’aanka ee ka baxay Radio Kulmiye{19-10-2017}

Muqdisho–KNN:–Akhristeyaasheena ku Xiran Bogga Radiokulmiye.net,waxaan maanta halkaan idinkugu soo gudbineynaa Casharka Tafsiirka Qur’aanka Kariimka,waxaana halkaan ka soo jeedinaya Sheekh Maxamuud Aw-Cabdulle Cariif Ajar aan la soo koobi karin Alle ha ka siiyee.

Halkaan ka dhageyso Casharka Tafsiirka Qur’aanka Kariimka:-

Wasaarada gar-gar oo Sheegtay in Sharciga Maareenta masiibooyinka si deg deg ah loo horgeyn doono golaha Wasiirada

Muqdisho-KNN-Xilli maanta gudiga gurmadka qaraxii ka dhacay muqdisho ay warbaahinta u soo bandhigayeen Akoono ay bulshada somaaliyeed ku taageeri karaan dadkii uu saameeyay qaraxii weynaa ee ka dhacay ayaa wasaarada gargaarka ee xukuumada Somalia waxaa ay sheegtay in ay wadaan qorshe looga hortagayo masiibooyinka iyo qaran iyo sidii loogu gurmadi lahaa.

Wasiirka wasaarada arimaha gar-gaarka Marwo Maryan Qaasim Axmed ayaa waxaa ay sheegtay in dhawaan ay golaha wasiirada horgeyn doonaan sharciga maareeynta masiibooyinka qaran oo ay kamid tahay dhisida xarunta gudiga gurmadka qaran iyo furidda sanduuqa maareeynta masiibooyinka qaran.

Dhinaca kale senator jawaahir axmed cilmi oo ka tirsan aqalka sare ee dalka ayaa waxaa ay shacabka somaliyed eek u nool gudaha dalka iyo dibadaba ugu baaqday in ay ka qeybqaataan gurmadka qaran iyo taakuleynta dadka ay saamesay masiibadi ka dhacday muqdisho iyadoo ka dalbatay in ay ku tabarucaan lacago soona marsiiyaan gudiga gurmadka qaran

Qorshaha ay sheegtay wasaarada  arimaha gar-gaarka ayaa hadii la horgeeyo golaha wasiirada iyo baarlamaanka lana meel mariyo waxaa ay in badan wax ka tari doontaa hadii ay dhacdo masiibo in si fudud loogu gurmado oo aysan noqon mid masiibada kadib lagu baraarugo.

Midowga Yurub oo lacag ugu deeqay Somalia si wax loogu qabto dadka ku dhaawacmay Qaraxii Zoobe.

Muqdisho-KNN-Safiirka midowga yurub ufadhiya soomaliya ms foranika lorenza oo shir jaraa,id ku qabatay magaalada muqdisho ayaa sheegay inay ka xuntahay qaraxii dadka badan ay ku dhinteen kaadi oo ka dhacay 14 bishaan isgoyska zoobe ee magaalada nuqdisho.

safiirka oo hadalkeeda wadata ayaa sheegtay inay ugu deeqeyso gudiga gurmadka abaaraha lacag dhan 100,000 Euro  kaasi oo ugu talagaleen in wax loogu qabto xaaladooda caafimaad dakii ku waxyeekoobay musiibadii zoobe ka dhacday.

“Aad ayaan uga xumahay musiibadii zoobe ka dhacday taasi oo gil gishay dhamaan qalbiyadooda dadka dunida ku nool iskabadaay soomalida qalbiyadooda,arintaasi waxey aheyd arin wuxuushnimo ah ficilkii argagaxnimada ahaa ee 14 bishaan octoober dhacday,inagoo arintaasi ka duuleyna waxaan ugu deeqnay hadaan midawga yurub nahay gudiga gurmadka lacag dhan 100,0000 Euro, taasi oo aaan ku dooneyno in lagu dabiibo dadkii wax ay ku gaartay qaraxii zoobe ka dhacay,dowladda soomaliya waxaan ka dalbaneynaa inay dadka ficilkaasi geystay inay soo qabato islamarkaana cadaalada horgeyso si looga gudo ficilkii wuxuushmimada ahaaa ee dhacay islamarkaana lagu waboojiyo dadkii waxyeeladu gaartay walbiyadooda.” Sidaasi Waxaa Sheegtay Safiirka Midowga yurub ee fadhisa Dalka Soomaaliya.

Deeqdan ayaa waxaa ku soo beegmaysaa kadib markii dhawaan 14 bishan uu qarax ka dhacay isgooska zoobe ee magaalada muqdisho,kaasi oo ay ku dhinteen muwaadiniin Soomaaliyeed oo aan waxba galabsan.

Horey Dowlada Soomaaliya Waxaa ay Beesha caalamka ugu baaqday in loo wada gurmado dadkii ku dhaawacmay Qaraxii ka dhacay Isgooska Soobe.

 

Xukuumada Somalia oo ka hadashay Xaalada Dadka Dhaawaca ah ee la geeyay Suudan.

Muqdisho-KNN-Yuusuf Garad Cumar Wasiirka Arrimaha Dibadda Soomaaliya oo bartiisa Facebook-ga ku soo Qoray Qoraal kooban uu kaga hadlayay Xaalada Dhaawacyadii loo qaaday Magaalada khartuum ee Dalka Suudan Ayaa waxaa uu Sheegay in Haatan xaaladooda ay tahay Mid Wanaagsan.

Sidoo kale Wasiirka Arimaha Dibada ayaa waxaa Tilmaamay inay Jiraan Cabashooyin fara badan oo Soo gaaray Wasaarada Arimaha Dibada,kaasi oo ku aadan In Wax daryeelah aysan helin Dadka Dhaawac ahaanta loo geeyay Dalka Suudaan.

Balse Yuusuf garaad ayaa waxaa uu Xusay in la xaliyay intii badneynd cabashada dadkaasi ay qabeen Dowladda Soomaaliyana si dhaw ay ula socoto dhaq dhaqaaqa dadkaasi dhaawacyada kala duwan ee xiligan ku sugan Dalka Suudan,Islamarkaana Waxaa uu tilmaamay Inta yar ee hartayna waxaa uu sheegay in qorshuhu yahay in isla maanta la xalliyo.

Shalay ayay Aheyd Markii Cabasho balaaran laga muujiyay goobaha Caafimaad ee la geeyay Dadkii dhaawaca ahaan loogu qaaday Magaalada khartum ee dalka Suudaan.

14 Bishan ayaa isgooska Zoobe waxaa ka dhacay Qarax ay dad badan ku dhinteen,kuwa kalana ay ku dhaawacmeen,iyadoona weli goobtii uu qarax ka dhacay laga soo saarayo Meydad hor leh malinba malinta ka dambeysa.

DHAGEYSO:-WARKA DUHUR EE RADIO KULMIYE(19-10-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye. Warka Maanta Waxaa si wadajir ah u aqrinayay:-Faadumo Abuukar Cabdi iyo  Maryama Muxudiin Gacal:

Farsamadii:-Maxamed Dalal Maxamuud:-

Halkaan  Ka Dhegeyso Warka duhur Ee Radio Kulmiye KNN:–

DHAGEYSO:-Barnaamijka Ciyaaraha (19-10-2017)

Muqdisho-KNN:-Dhegeystayaasha ku xiran Webset-ka Radiokulmiye.net waxaan halkaan idin kugu soo gudbineyna Barnamijka Ciyaaraha waxaana halkana idin ka soo jeedin doono:-Maxamed Shuuriye Nuur:- 

Farsamadii:-Yuusuf Ali Samatar {Yuu Ali}

Halkaan Ka dhageyso Barnaamijka Ciyaaraha oo dhameytiran:-

(Dhageyso) Cumar Cabdi Rashiid oo Ku taliyay in siyaasada meel la iska dhigo oo lala Dagaalamo Al-Shabaab.

Muqdisho-KNN-Ra’iisul wasaarihii hore ee Soomaaliya Cumar Cabdirashiid Cali  Sharmaake oo ka mid ah Xildhibaanada Aqalka Sare ayaa waxaa markii ugu horeysay ka hadlay Qaraxii dadka shacabka ahaa ee lagu laayay,kaasi oo ka dhacay isgooska Zoobe ee Magaalada Muqdisho.

Waxaa tacsi tiiraanyo leh uu u diray dadkii ku dhintay iyo kuwii ku dhaawacmay qaraxii isgooska Zoobe,intaasi kadib ayuu shacabka ugu Baaqay Cumar Cabdi Rashiid in Hal meel loogu soo wada jeesto Dagaalka lagula jiro Dagaalamayaasha Al-Shabaab.

Sidoo kale waxaa Sharmaake  uu Sheegay in Al-Shabaab ay Cadaawad u qabaan Shacabka Soomaliyeed,isagoona Xusay in muhiim ay tahay inay si wadajir ah ay u wada shaqeeyaan Shacabka Soomaaliyeed iyo Ciidamada Dowlada,si buu yiri loogu hortago Al-Shabaab.

Cumar Cabdi rashiid ayaa waxaa ku taliyay In Xiligan laga Fogaado siyaasada,islamarkaana hal meel loogu soo wada jeesto ciribtirka Dagaalamayaasha Al-Shabaab

Halkan ka Codka Cumar Cabdi rashiid Cali Sharmaake:

Cumar Cabdi rashiid Cali Sharmaake