Templates by BIGtheme NET

Author Archives: Marwaan

Munaasabad lagu Weyneeynayo Dhalashada Nabigeena Muxamed(NNKH) oo Maanta lagu qabanayo Muqdisho

Muqdisho–KNN– Maanta oo ah 12-ka Mowliid waxaa Wadamo Badan oo Islaam ah ka socota Munaasabado loogu dabaaldagayo Dhalashada Nabigeena Muxamed {NNKH}waxaana Maanta Magaalada Muqdisho ka dhici doona Munaasabad lagu weyneeynayo Suubanaheena Muxamed {NNKH}.

Xafladda lagu weyneynayo Xabeebkeena Muxamed {NNKH}ayaa lagu wadaa in ay ka qeyb galaan Madax ka tirsan Dowladda Federaalka Soomaaliya oo uu ka mid yahay Guddoomiyaha Golaha Shacabka Prof Maxamed Sheekh Cismaan Jawaari.

Wadooyinka Magaalada Muqdisho ayaa lagu Arkayaa Boorar waa-weyn oo lagu Xardhay Erayo kala duwan oo Muujinaya Xuska Dhalashada NNKH.

 

Dhageyso:-Ra’iisul Wasaare Kheyrre oo Xalay Kormeeray Saldhigyo ku yaalla Muqdisho

Muqdisho–KNN– Ra’iisul Wasaaraha Soomaaliya Xasan Cali Kheyrre iyo Wasiirka Amniga Xukumadda Maxamed Abuukar Islow ayaa Xalay Kormeero kala duwan ku bixiyay Saldhigyo ku yaalla Magaalada Muqdisho oo ay degen yihiin Ciidamada Dowladda si loogu kuurgalo Shaqadda ka socota.

Xasan Cali Kheyrre Ra’iisul Wasaaraha Xukumadda Soomaaliya oo Warbaahinta la hadlay ayaa sheegay inuu arkay Ciidamada Ammaanka oo Dhaxanta Taagan,kuwaas oo u Adeegaya Shacabka Soomaaliyeed,waxaana uu ugu baaqay in ay Shaqada ay Shacabka u hayaan ay siiwadaan.

Ra’iisul Wasaaraha Soomaaliya ayaa sheegay in Xalay la Tusay Rag ka tirsan Shabaab oo Qabashadooda ay Gacan ka geysteen Shacabka Soomaaliya,waxaana uu shacabka ugu baaqay in ay sii wadaan la shaqeynta Ciidamada.

Halkaan Riix si aad u dhageysato Codka

 

Wasaaradda Shaqadda iyo Shaqaalaha oo Amartay in la Fasaxo Shaqaalaha Maanta si ay uga qeyb galaan Xuska Dhalashada Nabigeena Muxamed(NNKH)

Muqdisho–KNN–Wasaaradda Shaqada iyo Shaqaalaha ee xukuumadda Federaalka Soomaaliya, ayaa sheegtay in Maanta  oo ay taariikhda Hijriyadu ku beegantahay  12-ka Mowliid ay shaqaalaha rayidka ah ee dowladdu fasax ka yihiin shaqada.

Agaasimaha guud ee wasaaraddaasi, Maxamed Cadde Mukhtaar, ayaa Warbaahinta Dowladda u sheegay  in munaasabadda xuska dhalashada Nabigeenna Muxamed (NNKH) darteed loo fasaxay shaqaalaha dowladda.

Wuxuu tilmaamay in ummadda Soomaaliyeed iyo dhamaan shucuubta muslimiinta ah ay dhalashada nabageennu u tahay maalin farxadeed oo ay aad u weyneyaan islamarkaana ay ka nastaan shaqooyinka kale.

Wuxuu u ku boorriyay shaqaalaha iyo bulshada inteeda kale iney weyneeyaan munaasabadda xuska dhalashadii Nabigeenna Muxamed NNKH.

Cayaarihii Gobollada ee lagu qaban lahaa Kismaayo oo Muqdisho loo soo Wareejiyay

Kismaayo–KNN– Sida lagu sheegay War ka soo baxay Wasaaradda Dhalinyarada iyo Cayaaraha Dowladda Federaalka Soomaaliya iyo Wasiiradda Cayaaraha Maamul Gobolleedyada ayaa lagu sheegay in Cayaarihii  Gobollada ee horay loo qorsheeyay in ay ka dhacaan Magaalada Kismaayo laga soo Wareejiyay oo lagu qaban doono Magaalada Muqdisho.

Sababta ayaa lagu sheegay in ay tahay Dhanka Garoonka Kubadda Cagta Waamo Ee Magaalada Kismaayo oo weli sidii loogu talo galay aan loo diyaarin,waxaana Wasaaradda Dhalinyarada iyo Ciyaaraha Xukumadda Soomaaliya iyo kuwa Maamul Gobolleedyada ay isla garteen in Magaalada Muqdisho loo soo Wareejiyo Marti gelinta Cayaaraha Gobollada.

Warsaxaafadeedka ka soo baxay Wasaaradda Cayaaraha Dowladda Soomaaliya iyo kuwa Maamul Gobolleedyada ayaa lagu sheegay in 7-da Bisha December ay ka bilaaban doonaan Gobolka Banaadir Cayaaraha Gobollada .

Cabsi Saakay ka jirta Degaanka Ceel-cadde Ee Gobolka Hiiraan

Ceel-Cadde– Iyadoo Shalay ay la Wareegeen Dagaalameyaasha Al-shabaab Degaanka Ceel-Cadde Ee Gobolka Hiiraan ayaa Wararka naga soo gaaraya Degaankaas waxey sheegayaan in Saakay ay ka jirto Cabsi Xoog leh oo ay qabaan Dadka Rayidka ah ee ku sugan Degaanka Ceel-Cadde.

Cabsida ayaa timid ka dib markii Magaalada Banaankeeda ay isku Aruursadeen Maleeshiyo Degaanka ah oo doonaya in ay Dagaal uga saaraan Al-shabaab Degaanka Ceel-Cadde oo Shalay Shabaabku ay la Wareegeen.

Dadka Degaanka ayaa ka cabsi qaba in ay ku Dul dagaalamaan Al-shabaab iyo Maleeshiyada Degaanka ah,iyadoo Xaaladda ka jirta Saakay Degaanka uu yahay mid ka badalan sidii hore.

Al-shabaab ayaa Difaacyo ka sameystay Hareeraha Degaanka,waxaana sidoo kale Degaanka Ceel-Cadde ku sugan Maleeshiyaadkii ka soo horjeeday Shabaab ee Shalay laga qabsaday Degaankaas.

Maamulka Gobolka Hiiraan weli kama hadlin la Wareegidda Al-shabaab ay la Wareegeen Degaanka Ceel-Cadde kadib markii ay halkaas kula Dagaalameen Dad Shacab ah oo Taageero ka helaya Maleeshiyo Degaanka ah.

 

Maraykanka oo beeniyay in dadkii lagu diley weerarkii Bariire ay ahaayeen rayid

Dowladda Maraykanka ayaa beenisay in dad rayid ah lagu diley howlgalo laga fuliyay beer ku dhow deegaanka Bariire ee gobolka Sh/hoose 25kii August ee sanadkan.

War rasmi ah oo ay Milatariga Maraykanka soo saareen ayaa lagu sheegay in dadka howlgalkaa lagu diley ay ahaayeen “Kuwo hubeysan oo cadow ah”.

Warbixin kooban oo ay soo saareen ciidamada Maraykanka gaar ahaan qeybta Afrika ayaa  cinwaan loogaga dhigay “Qiimeynta Eedeymaha Dad Rayid Ah Oo La Diley 25kii August Oo La Soo Saaray.”

“Kadib qiimeyn iyo baaritaano laga sameeyay howlgalo ay horkacayeen ciidamada Milatariga Soomaaliya iyo eedeymaha la xiriiray in dad rayid ah lagu diley,Taliska Gaarka ah ee Maraykanka u qaabilsan Howlgalada  Africa (SOCAF) ayaa waxaa uu ku soo gunaanuday in dadka halkaa lagu diley ay ahaayeen cadow  hubeysnaa.”ayaa lagu yiri warbixinta.

Sidoo kale warbixinta ayaa lagu sheegay in kahor inta aysan ciidamada gaarka ah ee Maraykanka kana howlgala Afrika si wadajir ah u fulin saaxibadood ay sameeyaan qorshe ballaaran oo loogaga feejignaanayo in dad rayid ah ay howlgaladaa wax ku noqdaan.

Hase yeeshee dadkii lagu diley 25kii August sanadkan deegaanka Bariire xilli aroor hore ayaa baaritaano ay dowlada Soomaaliyeed sameeyeen waxaa lagu sheegay in dadkaas ay ahaayeen dad rayid ah isla markaana ay oggolaatay in dowlada ay ka bixiso magdhow.

Taliyihii ciidamada Xoogga dalka ee xilligaas General Cirfiid ayaa sidoo kale sheegay in dadka lagu diley Bariire ay ahaayeen dad rayid ah.

Inkastoo Dowladda Soomaaliya ay sheegtay in Dadkaasi ay ahaayeen Rayid islamarkaana ay ka bixineyso Magdhaw ayaa waxaan la ogeyn waxa Xilligaan ku so beegay Hadalka Dowladda Mareykanka.

Madaxweyne Farmaajo oo ka qeyb-galaya Shirka 5aad ee Madasha Iskaashiga Midowga Afrika iyo Midowga Yurub

Abidjan, Nofeembar, 2017; Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa kaga qayb galaya magaalada Abidjan ee dalka Ivory Coast shirka 5aad ee madasha iskaashiga waddamada Midowga Afrika iyo Midowga Yurub.

Madaxweynaha iyo wafdigiisa waxaa si heer sare ah ugu soo dhaweeyey Garoonka Diyaaradaha ee Félix Houphouët-Boigny ee Abidjan Madaxweyne Ku Xigeenka dalkaas Mudane Daniel Kablan, Wasiirka Arrimaha Dibadda Mudane Marcel Amon Tanoh iyo Masuuliyiin kale oo ka tirsan Xukuumadda dalkaas.

Shirwaynaha hoggaamiyeyaasha Midowga Afrika iyo Midowga Yurub oo labo maalmlood socon doona waxaa lagaga wada hadli doonaa mustaqbalka xiriirka labada dhinac, kor u qaadista iskaashiga ee dhinacyada amniga, socdaalka, horumarinta xirfadaha, shaqo abuurka, xuquuqul iinsaanka, dimuqraadiyadda, dhaqaalaha iyo maalgashiga.

Inta uu shirkani socdo, Madaxweyne Farmaajo ayaa kulamo gooni gooni ah waxa uu la yeelan doonaa qaar kamid ah madaxda halkan isugu yimid si loo sii xoojiyo xiriirka iskaashi ee ay Soomaaliya la wadaagto dalalkaas.

Wafdiga Madaxweynaha waxaa ka mid ah Wasiirka Arrimaha Dibedda iyo Iskaashiga Caalamiga ah Mudane Yuusuf Garaad Cumar, Xildhibaanno ka tirsan Labada Aqal ee Baarlamaanka, Safiirrada Soomaaliya ee Midowga Yurub iyo Midowga Afrika iyo La-taliyeyaal.

-DHAMMAAD-

Madaxweyne Farmaajo oo Maanta ka qeyb galaya Caleemasaarka M/weynaha Kenya

Nairobi–KNN– Maanta oo Talaado ah Magaalada Nairobi ee Caasimadda Wadanka Kenya waxaa ka dhaceysa Xafladda Caleemasaarka Madaxweynaha Kenya  Uhuru Kenyatta,waxaana ka qeyb galaya Caleemasaarka Madaxweynaha Wadanka Kenya Madax badan oo Afrikaan ah iyo Safiiro kala duwan.

Madaxweynaha Dowladda Federaalka Soomaaliya Maxamed C/llaahi Farmaajo iyo Wafdi la socda ayaa ka qeyb galaya Caleemasaarka Madaxweynaha Wadanka Kenya  Uhuru Kenyatta.

Uhuru Kenyatta Madaxweynaha Kenya ayaa ku soo baxay mar kale Doorashadii ku Celiska aheyd ee lagu qabtay Kenya,waxaana Doorashada ku Celiska ah qaadacay Xisbiga Mucaaradka ee uu Hogaamiyo Ra’iisul Wasaarihii hore ee Kenya Raila Odinga.

Sidoo kale Caleemasaarka Madaxweynaha Kenya waxaan Maanta ka qeyb galeyn Hogaamiyaha Mucaaradka Kenya Raila Odinga iyo Saaxiibadiis.

Madaxweynaha Faransiiska oo booqanaya galbeedka Afrika

Madaxweynaha dalka Faransiiska Emmanuel Macron ayaa booqashadiisii ugu horreysay ee waddaamda galbeedka Afrika ku tahay dalka Burkina Faso.

Booqashadiisa ayaa ka billaabaneysa gobolka saxaraha ah ee Saaxel, halkaasi oo Faransiisku uu geeyay ciidamo ka dhan ah kooxaha xiriirka la leh ururka Al-Qaacidda.

Ammaanka ayaa aad loo adkeeyay, waxaana albaabada loo laabay dhammaan iskuulada ku yaalla caasimadda dalkaasi ee waga-dhugu.

Caasimadda waga-dhugu ayaa tan iyo sanadkii 2016-kii waxaa ka dhacay labo weerar oo argagixiso.

Balse madaxweynaha Faransiiska ayaa doonaya in uu muujiyo arrintaasi, waxaana dowladdiisa la daalaa dhaceysaa sidii ay dhaqaalo ugu heli lahayd dedaallada ka dhanka ah argagixisada ee loogu magac daray G5 Saaxel.

Waa booqashadii ugu horreysay oo muddo 31 sano ah uu madaxweyne Faransiis ah ku tago dalkaasi Burkina Faso.

Khudbad la filayo in uu ka jeediyo jaamacad ku taalla dalkaasi ayaa loo arkaa in ay astaan u tahay in uu doonayo in uu ka weecdo xirxirnaantii Faransiiska uu ula dhaqmi jiray waddamadii uu horey u soo gummeystay.

Kooxaha ururada bulshada rayidka ee waddamada sida Chad, Congo-Brazzaville, Gabon, Guinea iyo Togo ayaa xukuumadda Paris ku eedeynaya in ay dul qaad badan u muujiso madaxweyneyaasha gobolka ee xilka isaga dheggan isla markaana musuqa uu hareeyay.

Macron ayaa arbacada soo socota u duuli doono dalka Ivory Coast halkaa oo uu ka dhici hoono shirka midowga Yurub iyo Afrika, waxa uuna booqashadiisa ku soo gebagabayn doonaa dalka Ghana, arrintaa oo muujineysa in Faransiisku uu sidoo kale doonayo in uu ganacsi la yeesho waddamada ka baxsan kuwii uu gumeystay.

Faah-faahin Haweeney Waayeel ah oo lagu dilay Duleedka Magaalada Muqdisho

Garasbaaley–KNN– Labo Wiil oo la sheegay in ay wateen Bastoolado ayaa Degaanka Garasbaaley Ee Duleedka Magaalada Muqdisho ku dilay Haweeney Da’ ah oo ka mid aheyd Dadka ku nool Degaankaasi Garasbaaley.

Goobjoogeyaal ku sugan Degaanka ayaa KNN u sheegay in Gurigeeda oo ku yaalla Garasbaaley lagu dhex Toogtay Alle ha u naxariistee  Siteey Maxamed Aadan oo la sheegay in ay jirtay 70 Sano kana mid aheyd Dadka ku nool Garasbaaley.

Sidoo kale Mas’uuliyiinta Garasbaaley oo aan la Xariirnay ayaa Xaqiijiyay Dilka Marxuumadda,waxeyna sheegeen in Ciidamada Ammaanka ay Baariraano ka wadaan Degaanka Gudihiisa si Gacanta loogu soo dhigo Dadkii Dilka ka dambeeyay.

Magaalada Muqdisho waxaa Caadi ka noqday in Dilal Naxariis daro ah loo geysto Dadka Birmageydada ah, sida Waayeelada iyo Haweenka Uurka leh.