Templates by BIGtheme NET

Author Archives: Marwaan

Wafdi uu hogaaminayo Wasiir Cabdi Xoosh oo gaaray Koonfur Afrika

Wasiirka Wasaaradda Arrimaha Dastuurka Mudane Cabdiraxmaan Xoosh Jibriil iyo wafdi uu hogaaminayo oo isugu jira xubno Wasaaradda ka tirsan iyo Guddiga La-socodka dib-u-eegista Dastuurka ee Baarlamaanka ayaa gaaray magaalada Johannesburg ee dalka Koonfur Afrika.

Wafdiga ayaa waxaa qaybta VIPda ee Garoonka diyaaradaha ee Johannesburg ku soo dhaweeyay Safiirka Soomaaliya ee Koonfur Afrika, Amb Jamal Barrow.

Safarkan shaqo ee qaadan doona muddo isbuuc ah ayaa daaran in Wasaaradda ay la tashi la sameeyso jaaliyadda Soomaaliyeed ee ku dhaqan Koonfur Afrika iyo sidoo kale in wax laga ogaado qibradda dalka Koonfur Afrika ee ku aaddan arrimaha Dastuurka.

Wasiir Cabdi Xoosh oo Muuqaal Baahiyaha Qaranka Soomaaliya la
hadlay ayaa ka mahadceliyay sida wanaagsan ee Safiir Jamaal Barrow iyo shaqaalaha Safaaradda ay u soo dhaweeyeen, waxa uuna sheegay in maalmaha soo socda ay kulan wadatashi ah oo ku saabsan Geedi-socdoka dib-u-eegista Dastuurka la qaadan doonaan Jaaliyadda Soomaaliyeed.

Ugu dambayn, safarkan ayaa waxa uu biloow u yahay safaro ay Wasaaradda ku kala bixin doonto wadamo dhawr ah si dadka Soomaaliyeed ee ku nool dalka dibadiisa ay aragtidooda ugu darsadaan dib-u-eegista Dastuurka.

—–DHAMAAD—–

Sheekh Maxamed Shaakir”waa in Gobollada Dhexe laga helaa Maamul Mideysan”

Nairobi–KNN–Madaxweynaha Maamulka Ahlusunna Sheekh Maxamed Shaakir Cali Xasan oo asagoo ku sugan Magaalada Nairobi ee Caasimadda Kenya Wareysi siiyay Laanta Afka Soomaaliga Ee BBC ayaa ka hadlay wada-hadal ay dhawaan ku yeesheen Magaalada Nairobi Ahlusunna iyo Galmudug.

Hogaamiyaha Ahlusunna Sheekh Maxamed Shaakir Cali Xasan ayaa sheegay in Madax ka tirsan Urur Gobolleedka IGAD ay si Goon Gooni ah ula kulmeen Madax ka socota Maamulada Galmudug iyo Ahlusunna Islamarkaana dhankasta lagala hadlay sidii loo Xalin lahaa Khilaafka u dhexeeya Galmudug iyo Ahlusunna,waxaana uu sheekh Maxamed Shaakir intaas ku daray in hadda ay Rajadu ay tahah mid aad u sareysa.

Madaxweynaha Maamulka Gobollada Dhexe ee Ahlusunna Sheekh Shaakir ayaa sidoo kale sheegay in Madaxda Ahlusunna ay doonayaan in la mideeyo Awoodda Galmudug iyo Ahlusunna si meesha looga saaro kala Qob-qobnaanta hadda ka dhex jirta.

“Waxaan dooneynaa in la mideeyo Calanka Dastuurka,Baarlamaanka iyo Ciidamada,intaas haddii ay dhacdo waxaa Sahlanaaneysa in laga Adkaado Al-shabaab oo laga saaro Goobaha ay ka joogaan Gobollada Dhexe ee Bartamaha Soomaaliya”ayuu yiri Madaxweyne Shaakir.

Dabayaaqada Bishaan ayaa lagu wadaa in Galmudug iyo Ahlusunna ay Heshiis ku kala Saxiixdaan Magaalada Jabuuti Ee Caasimadda Wadanka Jabuuti.

Ciidamada Puntland oo Xeebta Magaalada Garacad ku qabtay Ajaanib looga Shakisan yahay Al-shabaab

Garacad–KNN– Saraakiisha Ciidamada Badda Ee Maamul Gobolleedka Puntland ayaa sheegay in Degaanka Garacad Ee Gobolka Mudug lagu qabtay Saddex Ruux oo kala ah Labo Ajaanib ah iyo Nin Soomaali ah oo la socday Ajaanibta lagu qabtay Magaalo Xeebeedka Garacad ee Maamulka Puntland.

Ciidamada Badda Maamulka Puntland ayaa sheegay in Saddexdaan Qof oo looga shakisan yahay Al-shabaab lagu qabtay Xeebta Degaanka Garacad islamarkaana ay sheegeen in ay yihiin Kaluumeysato  Doontii ay wateen ay ka Ciladowday.

“Saddexdaan Qof Labo waa Ajaanib midna waa Soomaali waxaan uga Shakisan nahay in ay yihiin Al-shabaab ama ay la shaqeeyaan Baaritaan ayaan ku wadnaa oo wixii ka soo baxa Saxaafadda waan la wadaagi doonaa”ayuu u sheegay Warbaahinta Puntland Sargaal ka tirsan Ciidamada Badda Puntland.

Puntland ayaa Shalay Ciidamo badan geysay Magaalada Garacad ee Gobolka Mudug kadib markii ay sheegeen in ay heleen Xog muujineysa in Al-shabaab ay doonayaan in ay isku Fidiyaan Magaalo Xeebeedka Garacad oo ay Weeraro ka soo qaadaan.

Hayeeshee Dhowr jeer ayaa Ciidamada Puntland ay Xeebaha Puntland ku qabteen Dad Ajaanib ah oo u badnaa Kaluumeysato lagu Eedeeyay in ay si sharci daro kuga Jilaabanayay Degaanada Puntland.

 

Ciidanka Milatariga oo Saakay Baaritaano ka wada qeybo ka mida Gobolka Shabellaha Dhexe

Cali-fooldheere–KNN– Wararka ka imaanaya Gobolka Shabellaha Dhexe gaar ahaan Tuulooyin Hoos yimaada Degaanka Cali-fooldheere ee Gobolka Shabellaha Dhexe ayaa sheegaya in Saakay Ciidamada Xoogga Dalka Soomaaliya ay ka wadaan Baaritaano lagu xaqiijinayo Ammaanka Tuulooyinkaasi oo Al-shabaab ay u galaan Ciidamada Dowladda.

Saraakiil ka tirsan Milatariga Soomaaliya oo la hadlay KNN ayaaa sheegay in Goobaha Howlgallada laga fulinayo ay tahay Tuulooyin dhowr ah oo u dhexeeya Degmada Mahaddaay iyo Cali-Fooldheere oo ay Al-shabaab ku dhuuntaan islamarkaana ay ku dhibaateeyaan Ciidamada Dowladda iyo Dadka Shacabka ah sida ay hadalka u dhigeen Saraakiisha Ciidamada Xoogga Dalka.

Al-shabaab ayaa inta u dhaxeysa Degmada Mahaddaay Ee Gobolka Shabellaha Dhexe iyo Degaanka Cali-fooldheere waxaa ay dhowr jeer ku Weerareen Ciidamo ka tirsan Milatariga Soomaaliya,iyadoo Howlgalka ay hadda wadaan Ciidamada Xoogga Dalka looga golleeyahay in ay Al-shabaab lagula Dagaalamo Aaggaas si ay u yaraato Weerarada ay geystaan Shabaabku.

Madaxweyne Waare”dhawaan ayaan bilaabeynaa dhismaha garoonka ugaas Khaliif”

Baledweyne__KNN__ Madaxweynaha maamulka hirshabelle maxamed cabdi waare shalay tagay magaalada baledweyne ee xarunta gobolka hiiraan ayaa sheegay in dhawaan ay bilaabi doonaan dhismaha garoonka diyaaradaha ugaas khaliif ee magaalada baledweyne

Garoonka diyaaradaha baledweye ayaa waxaa saameyn ku yeeshay Roobkii deyrta oo ka da ay Magaalada Baledweyne waxaana Madaxweyne Waare uu xusay in garoonka Ugaas khaliif goor dhow la guda geli doono iyadoo uu tilmaamay in QM ay soo dhameysay daraasad ay ku sameysay Garoonka Diyaaradaha Magaalada Baledweyne.

 

Shirka Madaxda Dowladda iyo kuwa Maamul Gobolleedyada oo Maalintii 2-aad galay

Muqdisho–KNN– Iyadoo Shalay Madaxtooyada Soomaaliya uu ka furmay Shirka u dhexeeya Madaxda Dowladda Federaalka Soomaaliya iyo Madaxweyneyaasha Maamul Gobolleedyada Xubnaha ka ah Dowladda Federaalka ayaa Maanta Shirkaas wuxuu galayaa Maalintii Labaad.

Shirka Shalay ayaa looga hadlay Arrimo dhowr ah oo ay ka mid yihiin in Xal laga gaaro Khilaafka u dhexeeya Madaxda Dowladda iyo Dowlad Gobolleedyada,waxaana Hogaamiyaasha Maamul Gobolleedyada la sheegay in mid kasta uu ka hadlay waxa keenay Khilaafka iyo in Madaxda Maamul Gobolleedyada ay Kismaayo ku shiraan iyo Go’aanada ay ka qaateen Khilaafka wadamada Khaliijka.

Sidoo kale waxaa la sheegay in Hogaamiyaasha Maamul Gobolleedyada ay shirka ka sheegeen in Dowladda Dhexe aysan wax la tashiyo ah kala sameyn Arrimaha Siyaasadda,waxaana sidoo kale ay dhaliileen Door ay sheegeen in Dowladda dhexe ay ka qaadatay Maamul Gobolleedyada qaar oo Khilaaf uu hareeyay.

Shirka ayaa lagu wadaa in Berri la soo gaba gabeeyo islamarkaana Dhimacyada Shirsan ay soo saaraan War-murtiyeed ay ku heshiiyeen,iyadoo marka laga soo tago Khilaafka Madaxda Dowladda iyo kuwa Maamul Gobolleedyada ay tahay Arrinta kale ee ugu weyn ee laga hadlayo sidii la iskaga kaashan lahaa Dagaalka ka dhanka ah Al-shabaab.

Ra’iisul Wasaaraha Soomaaliya oo Hambalyo u diray Dowladda Turkiga

Muqdisho–KNN– Ra’iisul Wasaaraha Xukumadda Soomaaliya Xasan Cali Kheyrre ayaa Shalay Gelinkii dambe ka qeyb galay Munaasabad loogu Dabaaldagayay Maalinta Xoriyadda Dalka Turkiga oo lagu qabtay Safaaradda Turkigu uu ku leeyahay Magaalada Muqdisho Ee Caasimadda Dalka.

Xasan Cali Kheyrre Ra’iisul Wasaaraha Xukumadda Soomaaliya ayaa Hambalyo u diray Shacabka iyo Dowladda Turkiga oo Shalay u Dabaaldagay Maalinta Xoriyadda Dowladda Turkiga,waxaana uu sheegay in asagoo Wakiil ka ah Madaxweynaha Soomaaliya uu Hambalyo u dirayo Dowladda aan walaalaha nahay ee Dalka Turkiga.

Munaasabadda lagu qabtay Safaaradda Turkiga Ee Magaalada Muqdisho ayaa sidoo kale waxaa ka soo qeyb galay Madaxweyneyaasha Maamulada Puntland,Galmudug,Hirshabelle,Jubbaland iyo Koofur Galbeed,iyadoo sidoo kale uu Goobjoog ka ahaa Guddoomiyaha Gobolka Banaadir.

Hogaamiyihii Catalonia oo dacwad lagu soo oogayo

Dacwad oogayaasha dalka Spain ayaa sheegay in ay diyaarinayaan dacwad ka dhan ah hogaamiyihii xilka laga qaaday ee Catalonia, Carlos Puigdemont,.

Xafiiska madaxa dacwad soo oogaha Spain ayaa sheegay in dacwadaha ka dhanka ah Mr Puigdemont lagu wado in la soo bandhigo maanta oo isniin ah.

Mr Puigdemont ayaa diiday in uu aqoonsado amarkii xilka looga qaday ee ka soo baxay xukuumadda madrid.

Labada dhinac ee kala ah xukuumadda Spain iyo hogaamiyayaasha Catalonia ayaa waxa ay kala taagan yihiin mowqifyo adadag.

Mar sii horeysay boqolaal kun oo qof ayaa isugu soo baxay magaalada Barcelona iyaga oo ku baaqayay midnimada Spain.

Xukumadda Spain ayaa la wareegtay awoodihii gobolka Catalonia ka dib markii la kala diray baarlamaankii gobolka islamarkanada shaqada laga cayriyay hogaamiyahood.

Al-shabaab oo Madaafiic ku Garaacay Degaanka Buulo-gaduud Ee Gobolka Jubbada Hoose

Buulo-gaduud–KNN– Wararka ka imaanaya Degaanka Buulo-gaduud oo dhanka Waqooyi 30-KM ka jira Magaalada Kismaayo Ee Xarunta KMG Jubbaland ahna Xarunta Gobolka Jubbada Hoose ayaa sheegaya in Al-shabaab ay Madaafiic ku garaaceen Fariisimo Ciidamada Jubbaland ay ku leeyihiin Buulo-gaduud.

Goobjoogeyaal ayaa sheegay in Shabaab ay Dhowr Madfac ku soo tuureen Magaalada islamarkaana ay ku dhaceen Gudaha Magaalada iyo Hareeraheeda intaba.

Ma jirto illaa hadda wax Khasaare ah oo la soo Wariyay in ay geysteen Madaafiicda Shabaabku ay ku Weerareen Degaanka Buulo-gaduud ee Gobolka Jubbada Hoose,waxaana Degaanka Buulo-gaduud Fariisimo ku leh Ciidamada Daraawiishta Jubbaland.

War lagu Faafiyay Websetyada Taageera Al-shabaab ayaa lagu sheegay in Weerarka Madaafiicda ah ay Khasaare ku gaarsiiyeen Ciidamada Jubbaland ee ku sugan Buulo-gaduud.

Degaanka Buulo-gaduud Ee Gobolka Jubbada Hoose ayaa tan iyo markii laga saaray Al-shabaab wuxuu wajahayay Dagaal iyo Duqeymo ay ku soo qaadaan Dagaalameyaasha Al-shabaab.

Axmed Maxamed Islaam Axmed Madoobe Madaxweynaha Jubbaland oo Khamiistii Booqday Degaanka Buulo-gaduud Ee Gobolka Jubbada Hoose ayaa sheegay in Maamulkiisu uu bilaabayo Dagaal ka dhan ah Al-shabaab.

Al-shabaab ayaa Guud ahaan Maamula Gobolka Jubbada Dhexe oo ah Caasimadda Maamul Gobolleedka Jubbaland,waxaana Marar farabadan uu Madaxweyne Axmed Madoobe sheegay inuu Shabaab ka saarayo Gobolada Jubbooyinka.

 

Rai’sul wasaaraha Spain oo kala diray baarlamaankii Catalonia

Rai’sul wasaaraha Spain Mariano Rajoy ayaa kala diray baarlamaankii maamulka Catalonia.

Rai’sul wasaaraha ayaa sidoo kale ku baaqay doorasho waqtigeeda laga soo hormariyay .

Tillaabadan ayaa ka dambeysay ka dib markii baarlamaanka maamulka Catalonia ay u codeeyeen madaxbanaanida gobolka Catalonia.

Rai’sul wasaaraha Spain Mariano Rajoy ayaa sidoo kale xilka ka qaaday oo shaqada ka cayriyay hogaamiyihii Catalonia Carles Puigdemont.

Waxaa sidoo kale shaqada laga cayriyay taliyihii booliiska gobolka Catalonia.

Dhibaatada gobolka Catalonia ayaa bilaabatay ka dib markii gobolkaasi ay ka dhacday afti ay ku tilmaamtay sharci daro maxkamada dastuuriga dalkaasi.

Hogaamiyayaasha maamulka Catalonia ayaa waxay sheegeen in boqolkiiba 90 ay u codeeyeen aftida madaxbanaanida.