Templates by BIGtheme NET

Author Archives: Marwaan

Heshiis hor dhac ah oo Kismaayo ay ku gaareen Madaxda Maamul Gobolleedyada”Akhriso”

Kismaayo–KNN– Warar lagu kalsoon yahay oo ay heshay Idaacadda Kulmiye ayaa sheegaya in Madaxda Maamul Gobolleedyada Xubnaha ka ah Dowladda Federaalka Soomaaliya ee Labadii Maalin Ee la soo dhaafay ku shirayay Magaalada Kismaayo ay heshiis hor-dhac ah isla gaareen.

Xubno ka mida Mas’uuliyiinta ka qeyb galaya Shirka Madaxda Maamul Gobolleedyada ayaa KNN u Xaqiijiyay in ay jiraan Qodobo dhowr ah oo ay isku raaceen Hogaamiyaasha ku shirsan Kismaayo islamarkaana ay jiraan Qodobo aan weli la isku Afgaran oo ka doodistoodu socoto.

Qodobada Qaar ee Madaxda Maamul Gobolleedyadu isku raaceen oo ay heshay KNN waxaa ka mida.

1- in la aas aaso Gole ay ku mideysan yihiin Madaxda Maamul Gobolleedyada

2- in Sanadkiiba ay mar kulmaan Madaxweyneyaasha Maamul Gobolleedyada,iyadoo Kulankaas lagu qaban doono Magaalo uu ka taliyo mid kamida Maamulada.

3- in Madaxda maamul Gobolleedyada ay iska dhex doortaan Hogaan,Hogaankaas oo aan weli la caddeyn,balse Qodobkaas ay weli doodiisu socoto.

4- Qodobka Afraad waxaa uu sheegayaa in Golaha ay ku mideysan yihiin Madaxda Maamul Gobolleedyada uu u taagan yahay Xalinta Khilaafaadka oo Madashaas ay xalin doonto haddii Labo Maamul uu Khilaaf soo kala dhex galo.

5- Qodobka Shanaad ee ay isku Afgarteen Hogaamiyaasha Maamul Gobolleedyada waxaa ka mida in Qodobada ka soo baxa Shirkooda ay la wadaagaan Dowladda Dhexe oo Muqdisho loogu keeno iyo in sidoo kale loo bandhigo Baarlamaanka Maamul Gobolleedyada.

6- Qodobka Lixaad ayey isku raaceen in Guddi ay u saaraan Khilaafka Xoogan ee ka dhex jira Madaxda Maamulka Galmudug.

Maanta ayaa la filayaa in Madaxda Maamul Gobolleedyada ee ku shirsan Kismaayo ay soo gaba gabeeyaan Shirkooda,kana soo saaraan War-murtiyeed ay ku heshiiyeen.

 

Dhageyso:- Maamulka Gobolka Shabellaha Hoose oo ka hadlay Weerar lagu dilay Rag ka tirsan Al-shabaab

Afgooye–KNN-– Guddoomiye Kuxigeenka Gobolka Shabellaha Hoose Cali Nuur Maxamed oo Xalay lagu Wareystay Barnaamijka Xogwareysi ee KNN Muqdisho Soomaaliya ay qabato ayaa Faah-faahin ka bixiyay Weerar Dagaalameyaal ka tirsan Al-shabaab ay ku dileen Saddex Qof oo Labo ka mida ay yihiin Odayaal oo ka dhacay Degaanka Caawo-Cabdi ee Gobolka Shabellaha Hoose.

Cali Nuur Maxamed ayaa sheegay in Ciidamada Xoogga Dalka ay Dileen Saddex kamida Raggii ka tirsanaa Al-shabaab ee Degaanka Xaawo Cabdi ku dilay Odayaasha,waxaana uu xusay in Raggaas lagu Toogtay Howlgal Ciidamada Milatariga ay ka fuliyeen Duleedka Degmada Afgooye ee Gobolka Shabellaha Hoose.

Halkaan Hoose ka dhageyso Wareysiga

Cali Nuur     

Ciidamo ka tirsan Puntland oo lagu Weeraray Magaalada Boosaaso Ee Gobolka Bari

Boosaaso–KNN– Wararka ka imaanaya Magaalada Boosaaso Ee xarunta Gobolka Bari ayaa sheegaya in Weerar lagu qaaday Bar-koontorool oo Ciidamada Puntland ay ku leeyihiin Magaalada Boosaaso Ee xarunta Ganacsiga Puntland.

Weerarka ayaa la sheegay in ay ku dhinteen Saddex Askari oo ka tirsan Ciidamada Maamulka Puntland islamarkaana ay ku dhaawacmeen illaa 10 kale.

Goobjoogeyaal ayaa sheegay in Koox Hubeysan ay Weerar ku soo qaadeen Kontorool ay joogeen Ciidamada Puntland,waxaana halkaas ka dhacay Dagaal Mudo Saacado ah qaatay.

Magaalada Boosaaso ee Gobolka bari ayaa Dhowr jeer waxaa Weeraro ka geystay Al-shabaab iyo Daacish,balse weli ma jirto cid si rasmi ah u sheegatay Weerarka Xalay lagu qaaday Ciidamada Puntland.

Ra’iisul Wasaaraha oo ka qeyb galay Kulan looga hadlayay Taakuleynta Ciidamada”Sawiro”

Muqdisho–KNN–Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa xalay  ka qeyb galay munaasabad lagu soo bandhigeyey waxii u qabsoomay Guddiga Taakuleynta Ciidanka qalabka sida, ee dhawaan uu magacaabay Madaxweyne JFS Mudane Maxamed Cabdullaahi Farmaajo.

Guddiga ayaa sheegay iney diyaariyeen dariiq ay Shacabka Soomaaliyeed ku soo gaar siin karaan kaalmada ay ugu talagaleen in lagu caawiyo ciidankooda.

Ra’iisul Wasaare Khayre ayaa xusay muhiimadda ay Ciidamadu u leeyihiin dal kasta iyo sida Soomaaliya ay maanta ugu baahan tahay soo celinta karaamadii ay lahaayeen ciidankeenu. Isagoona baaq ku aaddan iney ciidamadooda taageeraan u diray bulshada Soomaaliyeed, ay garab istaagaan hawlaha lagu horumarinayo dhismaha dawladnimada.

Mudane Khayre ayaa balan qaaday in Xukuumaddu ay 20 kun dollar siin doonto gudiga taakuleynta Ciidamada si loo dar-dargeliyo hawlaha gudiga.

Munaasabadan ayaa waxaa sidoo kale ka soo qeyb galay masuuliyiin ka tirsan labada gole ee dawladda, maamulka gobolka Banaadir, saraakiil iyo siyaasiyiin.

Imaaraadka Carabta oo Door muhiim ah ku leh Doorashada Somaliland

Hargeysa–KNN–Guddiga doorashooyinka Somaliland ayaa  ku dhawaaqay in dhammaan waraaqihii lagu codeynaayay iyo agabkii kale ee lagama maarmaanka u ahaa doorashada madaxtooyada Somaliland ay soo gaareen magaalada Hargeysa.

Afhayeenka guddiga doorashooyiinka Soomaliland Saciid Cali Muuse , ayaa sheegay in qalabkani doorashada laga keenay dalka Imaaraadka carabta.

Afhayeenka ayaa intaa ku daray in qalabkani oo warqadaha codaynta iyo foomamka ay ka mid yihiin ay soo gaareen Hargeysa .

“Waxa aan u xaqiijinayaa dadka Somaliland in wax alaale iyo wixii la doonayay in doorasho lagu galo guddiga doorashooyiinka qaranka wax ka maqan haba yaraatee ma jirto ” ayuu yri mr Saciid.

Afhayeenka guddiga doorashooyiinka Soomaliland Saciid Cali Muuse ,oo waraysi siinayay BBC ayaa sheegay in qandaraaska daabacaada warqadaha codeynta ay siiyeen shirkada Al Qureyr ee fadhigeedu yahay dalka Imaraadka Carabta.

Mr Saciid ayaa intaa ku daray in ay sugi doonaan ammaanka qalabka doorashada islamarkana ay wax waliba hubiyeen.

Doorashada Somaliland ayaa lagu wadaa in ay dhacdo 13 Nofembar 2017.

Shirka Madaxda Maamul Gobolleedyada oo Xalay ka furmay Magaalada Kismaayo”Sawiro”

Kismaayo–KNN–Madaxweynaha Dowlad Goboleedka Jubbaland Mudane Axmed Maxamed Islaam ayaa Xalay si rasmi ah u furay shirka Nabada iyo wadatashiga ee Dowlad Goboleedyada xubnaha ka ah Dowlada dhexe ee Soomaaliya.

Munaasabada furitaanka shirkan waxaa goobjoog ka ahaa Madaxweynaha Puntland Mudane Cabdiweli Maxamed Cali Gaas Madaxweynaha Koonfur Galbeed Mudane Shariif Xasan Sheekh Aadan Madaxweynaha Galmudug Mudane Axmed Ducaale Geele Xaaf Madaxweynaha Hirshabeelle Mudane Maxamed Cabdi Waare Xildhibaano iyo Wasiiro katirsan Dowlad Goboleedyada dalka xubno kasocday labada Aqal ee Baarlamaanka Federaalka ah iyo Masuuliyiin kala duwan.

Madaxweynaha Jubbaland Mudane Axmed Maxamed Islaam oo furay shirka ayaa sheegay in uu rajaynayo in wax wanaagsan oo Soomaaliya Anfaca shirkan ay kasoo baxaan isagoo u rajeeyay umada Midnimo iyo wadajir.

Madaxweynahu wuxuu ka sheekeyay marxaladii kala duwanaa ee dalkan uu soo maray iyo waxyabahii sababay in la qaato nidaamka Federaalka ah isagoo xusay in mar walba oo talaabo hore la qaado Dowladnimada loo sii dhawaanayo.

Madaxweyne Axmed Maxamed Islaam wuxuu sheegay in Dowlada Federaalka ah iyo Dowladaha xubnaha ka ah looga baahan yahay in ay nidaam Dowladnimo ahaan iskula falgalaan oo la tashiyada iyo iska warqabka la badiyo si ay u yaraadaan khilaafyada sababi kara in wadankeenu uu dib u dhac kale la kulmo.

 

Jubbaland oo sheegtay inuu dib u dhacay Shirkii Magaalada Kismaayo

Kismaayo–KNN-– Wararka ka imaanaya Magaalada Kismaayo Ee Xarunta Gobolka Jubbada Hoose ayaa sheegaya in dib u dhac uu ku yimid Shirkii Maanta oo axad ah ka furmi lahaa Magaalada Kismaayo Ee u dhexeeyay Madaxweyneyaasha Maamul Gobolleedyada.

Afhayeen Mamaulka Jubbaland C/naasir Seeraar Maax ayaa Xaqiijiyay in Dib u dhac uu ku yimid Shirkii Maanta oo axad ah Magaalada Kismaayo uga Furmi lahaa Madaxda Maamul Gobolleedyada Dalka ka jira,kuwaada Xubnaha ka ah Dowladda Federaalka.

Afhayeenka ayaa sheegay in Shirku uu u baaqday Madaxdii Maamul Gobolleedyada ee ka qeyb galilahaa oo aan soo dhameystirmin,waxaana uu Xusay inuu Shirku qabsoomi doono Maalmaha soo socda,inkastoo waqti cayiman uusan sheegin.

Magaalada Kismaayo Ee xarunta KMG Jubbaland ahna Xarunta Gobolka Jubbada Hoose waxaa ku sugan Madaxweynaha Koofur Galbeed Shariif Xasan Sheekh Aadan iyo Xubno ka kala socda Maamul Gobolleedyada Xubnaha ka ah Dowladda Dhexe,inakstoo Madaxweyneyaasha Puntland,Galmudug iyo Hirshabelle aysan joogin Kismaayo.

Madaxweynaha Jubbaland Axmed Maxamed Islaam Axmed Madoobe ayaa shirkaan ku dhawaaqay inuu Kismaayo ku qabanayo Ujeedkiisuna yahay in lagu dhex dhexaadiyo Dowladda Dhexe iyo Madaxda Maamul Gobolleedyada,inkastoo Dowladda Federaalka aysan wali cadeyn Mowqifkeeda ku aadan Shirka Kismaayo.

Shirkii Dib-u-eegista Dastuurka oo la shaaciyay inuu Dib u dhacay

Muqdisho–KNN–Shir weynaha qaran ee daah furka dib u eegista Dastuurka Dalka oo lagu waday in Maanta uu si rasmi ah uga furmo Magaalada Muqdisho ayaa la shaaciyey in dib loo dhigay, ka dib markii caqabado dhowr ahi ay ka hor yimaadeen

Wasiirka Wasaaradda Dastuurka Xukuumadda Federaalka Soomaaliya Mudane C/raxmaan Xoosh Jibriil ayaa sheegay in dib loo dhigay furitaanka Shir weynaha qaran ee daah furka dib u eegista Dastuurka kaasi oo qorshihiisu ahaa in uu Maanta  oo ay taariikhdu ku beegan tahay 08da October uu ka furmo Magaalada Muqdisho.

Shir weynahan oo daah fur u ahaa qorshaha dib u eegista Dastuurka Dalka ayaa waxaa mudooyinkan qaban qaabadiisa waday Wasaaradda,waxaana Qorshahu ahaa in ay  ka qeybgalaan ku dhowaad 500 ruux oo qeybaha bulshada,siyaasiyiin iyo qurbo joog isugu jira ayadoo .

Dhinaca kale,  guddiga madaxabanaan ee dib u eegista dastuurka iyo guddiga dastuurka ee baarlamaanka ayaa shir jaraa’id oo si wadajir ah u ugu qabtay  Muqdisho,waxaana ay ka soo horjeesteen in la qabto Shirka Arrimaha Dastuurka.

 

Sidoo kale waxaa Shirkaan inuu furmo ka soo horjeestay Maamul Gobolleedyada Xubnaha ka ah Dowladda federaalka Soomaaliya.

Dhageyso:- Go’aanka Hirshabelle ka qaadatay Shirka Arrimaha Dastuurka ee Maanta lagu waday inuu ka Furmo Muqdisho

Jowhar–KNN– Wasiirka Wasaaradda Dastuurka Ee Maamul Gobolleedka Hirshabelle  Khadar Xasan Maxamed oo lagu Wareystay Barnaamijka looga hadllo Arrimaha Siyaasadda ee Xogwareysi KNN-na ka baxa ayaa Faah-faahin dheeraad ah ka bixiyay Sababta Hirshabelle ay ku qaadaceen Shirka Dib u Eegista Dastuurka KMG ah ee lagu waday in Maanta oo Axad ah uu ka furmo Magaalada Muqdisho ee Caasimadda Dalka.

Wasiir Khadar ayaa sheegay in Labo Arrimood ay ugu waa weyn tahay in ay ka soo horjeestaan Shirka Arrimaha Dastuurka,kuwaas oo kala ah Cabsho ka timid Guddiga Dib u Eegista Dastuurka Baarlamaanka Soomaaliya iyo in aysan la socon oo aan la siin Ajandaha looga hadlayo Shirka Dib u Eegista Dastuurka Ee Wasaaradda Arrimaha Dastuurka ay Muqdisho ka fureyso.

 

Halkaan Hoose ka dhageyso Wareysi Dhameystiran

Hir     

Dhageyso:- Faah-faahin ku saabsan Diyaaraddii lagu Rasaaseeyay Degmada Xudur

Xudur–KNN– Iyadoo Shalay Garoonka Diyaaradaha Ee Magaalada Xudur Ee Caasimadda Gobolka Bakool lagu Rasaaseeyay Diyaarad ka baxday Magaalada Muqdisho oo Cago dhigatay Garoonka Diyaaradaha Xudur ayaa waxaa faah-faahin ka bixiyay Maamulka Diyaaradaas Weerarka sida uu u dhacay iyo waxa ay sidday Diyaaradda.

Madaxa Howlgalka Diyaaraddaasi oo la yiraado Barre Maxamed Xasan oo la hadlay Idaacadda Kulmiye ayaa sheegau in Diyaaraddu ay sidday dad Rakaab ah oo gaarayay  13 Qof oo Saddex carruurtahay ay ku dagatay garoonka Diyaaradaha Xudur islamarkaana Qorshaheedu uu ahaa in Rakaab kale ay halkaas ka qaado oo ay geysto Degmada Ceel-barde ee Gobolka Bakool,balse ay Rasaas la dhaceen Ciidamada Itoobiya iyo kuwa Dowladda ee halkaas jooga,taasna ay Sababtay in Diyaaraddii ay ku dhacdo Gurri u dhow Garoonka Diyaaradaha Magaalada Xudur.

Mas’uuliyiin ka tirsan Maamulka Degmadaasi ayaa sheegay in Sababta Rasaasta loogu furay Diyaaradda ay aheyd in ay Qaad sidday oo lagu Amray in aysan Duulin,balse markii Duuliyihii uu Diyaaradda Duuliyay oo amarkaas ka dhago adeygay Rasaasta lagu Furay,inkastoo aysan Khasaaro Nafeed geysan.

Maamulka Gobolka Bakool ayaa Degmada Xudur ka Mamnuucay in la geeyo Qaadka,waxaana Maamulka Diyaaradda ay ku Doodayaan in Diyaaraddu aysan qaad wadin oo Rakaab ay sidday.

Halkaan Hoose ka dhageyso Wareysiga oo dhameystiran

Siigaale