Templates by BIGtheme NET

Author Archives: Marwaan

Madaxweyne Farmaajo oo la kulmay Ra’iisul Wasaaraha Dalka Itoobiya

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo socdaal ku maraya qaar ka mid ah dalalka ay ciidamada ka joogaan Soomaaliya ayaa gaaray magaalaa Addis Ababa.

Madaxweynuhu ayaa halkaas kula kulmay Raiisul Wasaaraha dalka Itoobiya Mudane Haile Mariam Desaglen oo ay ka wada hadleen iskaashiga dhinacyada amniga ee wadamada gobolka iyo la dagaalanka kooxda argagixisada ah ee Al Shabaab.

Madaxweyne Farmaajo ayaa uga mahadceliyay Ra’iisul Wasaare Desaglen dadaalka ay dowladdiisu ku bixineyso nabadeynta Soomaaliya oo ciidamada Itoobiya ay qeyb ka yihiin hawlgalka nabad ilaalinta ee AMISOM.

“Mudane Raiisul Wasaare, waxaan si wayn u wada ogsoonahy in uu sii xoogeysanayo iskaashiga dhinaca amniga ee ka dhaxeeya labada dal. Waxaana rajeynayaa inaan sii xoojinno dadaallada aan ku bixineyno xasilloonida gobolka iyo horumarkiisa.”

Ra’iisul Wasaare Itoobiya ayaa uga tacsiyeeyo Madaxweyne Farmaajo dadkii shacabka ahaa ee lagu laayay Qaraxii Soobe, waxa uuna ballan qaaday in uu garab istaagayo Dowladda Soomaaliya oo dhawaan bilaabeyso hawlgallo military oo dalka looga sifeynayo Al Shabaab.

Ra’iisul Wasaare Desaglen ayaa ugu baaqay dalalka kale ee ay ciidamada ka joogaan Soomaaliya in ay sii labo-laabaan dadaallada lagu dabargoynayo argagixisada.

Ra’iisul Wasaaraha Ethiopia, Haile Mariam Desalegn, ayaa sheegay inuu ku faraxsan yahay horumarka Soomaaliya, dalkiisuna uu doonayo inuu arko Soomaaliya oo ka guulaystay argagixisada, xasilooni darrada siyaasadeed iyo tan amni.

-DHAMMAAD-

M/weyne Trump oo Fasaxay in la Faafiyo Macluumaadka laga hayo Madaxweyne John F Kennedy oo la dilay 1963

Madaxweyne Trump ayaa sheegay in uu damacsanyahay in la faafiyo kumanaan dukumenti oo sir ahaa oo ku saabsan dilka madaxweynehii hore ee Maraykanka John F Kennedy oo muddo nus qari iyo dheeraada ka hor lagu toogtay magaalada Dallas.

Fariin uu bogiisa Twitter-ka ku qoray ayuu Trump ku sheegay in uu fasaxi doono in la faafiyo qoraaladda ku saabsan arintan iyo baadhitaanadii la sameeyey ba, wuxuu se intaa ku daray waa hadii uu xog dheeraada helo oo uu ku go’aan qaadan karo

Taariikhyadannada iyo dadka kale ee wax ka qora shirqoollada ee weli ka haddla dilkii madaxweyne Kennedy tan iyo markii uu toogashada ku dilay Lee Harvey Oswald 1963, ayaad moodaa in ay haatan heleen hadal cusub oo ay dib uga doodaan.

Maalinta Khamiista ah ee soo socota ayaa waxa ku eeg muddadii uu ku dhacayey xeer ay shan iyo labaatan sano ka hor uu ansixiyey Congress-ku oo sheegayey in qoraallada rasmiga ah ee dilka madaxweye JF Kennedy tahay sir aan la faafin karin, haatan se waxay dadku si fudud u heli doonaan qoraalladaa hore u qarsoonaa.

Saraakiisha dawladda Maraykanka qaarkeed ayaa laakiin diidan in la faafiyo qoraaladaa waxayna doodooda sabab uga dhigayaan in ay halis ku yihiin nabad gelyada qaranka.

Laakiin madaxweyne Trump ayaa fariin uu bogiisa Twitter-ka ku qoray aad moodda in uu doodda ay qabaan saraakiishaasi ganafka ku dhuftay.

Taliyaha Ciidamada Booliska Puntland oo dhaawacay Kuxigeenkiisa

Taliye ku xigeenka Booliska Puntland ayaa ku dhaawacmay rasaas uu riday taliyaha booliska Puntland C/qadir Shire Faarax Ereg, oo isagu rasaastaasi u waday sida la sheegay guddoomiyaha gobolka Nugaal Cumar Cabdullaahi Faraweyne.

Xabadda haleeshay Taliye ku xigeenka Booliska Puntland ayaa uga dhacday mid kamid ah Lugihiisa.

Wararka ayaa sheegay in gacan ka hadal dhexmaray taliyaha iyo guddoomiyaha ay sababtay in taliyuhu uu bastoolad u xirnayd la baxo oo rasaas ku furo guddoomiyaha Guddoomiyaha Gobolka Nugaal ee Maamulka Puntland.

Goobjooge ayaa u sheegay Warbaahinta in shaqaaqadan ay ka dhacday shir dhinaca amniga looga hadlayay oo ka dhacay hotel ku yaalla Magaalada Garowwe ee Caasimadda Maamulka Puntland.

Shirkaasi waxaa ku sugnaa Wasiirka Amniga Puntland, Taliyaha Booliiska iyo kuxigeenkiisa, Guddoomiyaha Gobalka  Nugaal iyo Taliyaha la dagaalanka Argagixisada Puntland iyo Mas’uuliyiin kale.

Labadan mas’uul ayaa isku qabsaday mas’uuliyadda amniga gobolka Nugaal gaar ahan ciidanka amniga gudahiisa.

Taliyaha Booliiska Puntland C/qaadir Shire Faarax Ereg ayaa dhowaan waxa shaqadiisa dib ugu celiyay madaxweynaha Puntland C/weli Maxamed Cali Gaas kaddib xil ka qaadis u horay ugu sameyay madaxweyne ku xigeenka Puntland C/xakiin xaaji Cumar Cameey.

Sanadkii 2016-kii ayay ahayd markii sidan oo kale gacan ka hadal dhexmaray saraakiil booliska ka tirsan uu dhaawac halis ah ka soo gaaray wasiirkii Amniga xiligaas Cabdi Xirsi Cali Qarjab.

Madaxweyne Farmaajo oo Safar Deg Deg ah ku tagi doona Wadamada Dariska

Muqdisho–KNN– Madaxweynaha Dowladda Federaalka ah ee Soomaaliya Mudane Maxamed C/llaahi Farmaajo ayaa la sheegay in Dalalka Dariska la ah Soomaaliya qaarkood uu Safar deg deg ah ku tagi doono si wadamadaas uu u weydiisto Taageero Milatari,Maadaama Dowladda Federaalka ay hadda isku diyaarineyso Qorshe dagaal oo ka dhan ah Dagaalameyaasha Al-shabaab.

Wararka ayaa sheegaya in Madaxweynaha Soomaaliya uu Tagi doono Dalalka Itoobiya,Jabuuti iyo Uganda oo ka mida Wadamada ay Ciidamada ka joogaan Soomaaliya,waxaana uu la kulmi doonaa Hogaamiyaasha Dalalkaasi.

Warar ay heshay Idaacadda kulmiye ayaa sheegaya in Safarka Madaxweynaha Soomaaliya uu qaadan doono Afar illaa Shan Maalin,waxaana Booqashada ugu horeysa uu ku bixin doonaa sida uu Qorshuhu yahay Wadanka Uganda oo ah dalka Ciidamada ugu badan ee ka tirsan AMISOM ay ka joogaan Gudaha wadanka Soomaaliya.

Maxamed C/llaahi Farmaajo Madaxweynaha Soomaaliya ayaa Madaxda Wadamada Jabuuti,Uganda iyo Itoobiya oo ay Ciidamo ka joogaan Soomaaliya kala hadli doona sidii Wadamadaas ay Dowladda Federaalka Soomaaliya uga Taageeri lahaayeen Dagaalka ka dhanka ah Al-shabaab ee Dowladda Soomaaliya ay wado.

Safarka Deg Dega ah ee Madaxweynaha Jamhuuriyadda Soomaaliya uu ku aadi doono Wadamada Dariska la ah Soomaaliya qaarkood ayaa imaanaya Xilli Madaxweynaha uu isugu yeeray 28-ka Bishaan Madaxweyneyaasha Maamul Gobolleedyada in ay Muqdisho yimaadaan si looga wada hadlo Arrimo ay ka mid yihiin in laga Jawaab celiyo Weerarkii lagu Xasuuqay Boqolaalka Shacabka ah ee ka dhacay 14-kii Bishaan Isgoyska Zoobe,iyadoo Wararka qaar ay sheegayaan in Safarka Madaxweynaha uu ka soo horeeyo Shirka u dhexeeya Madaxda Dowladda iyo kuwa Maamul Gobolleedyada ee dhici doona 28-ka Bishaan sida uu Qorshuhu yahay.

Madaxweynaha JFS oo Shir isugu yeeray Madaxda Dowlad Goboleedyada

Muqdisho, Oktoobar, 2017: Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed Farmaajo ayaa martiqaad u diray Madaxda Dowlad Goboleedyada xubnaha ka ah Dowladda Federaalka Soomaaliya si ay uga soo qeybgalayaan shir wadatashi ah oo ka dhacaya magaalada Muqdisho 28ka Oktoobar, 2017.

Shirkaas ayaa looga arrinsan doonaa hawlo muhiim ah oo horyaalla qaranka, ayna ugu horreyso sidii musiibadii Qaran ee ka dhacday magaalada Muqdisho 14kii bisha Oktoobar 2017 loogu beddali lahaa midnimo Qaran. Qodobada kale ee diirada lagu saari doono shirkaan waxaa kamid ah sidii loo xoojin ahaa wadashaqeynta Dowladda Federaalka iyo Dowlad Goboleedyada xubnaha ka ah.

Sidoo kale, waxaa shirkaas looga wada hadli doona arrimo muhiim u ah hanaanka dowladnimada Soomaaliya oo ku jirta marxalad soo kabasho ah. Qodobadaan ayaa ah kuwa fulintooda iyo hirgalintoodu ay u baahan tahay wadajir iyo wadashaqeyn, waxaana ka mid ah dardargelinta nabadeynta dalka, horumarinta hannaanka federaalaynta, dib u eegista dastuurka, habka qeybsiga kheyraadka dalka iyo geeddi socodka doorashada 2020.

-DHAMMAAD-

Kulankii Baarlamaanka Ee Madaxweyne Farmaajo uu ka qeyb galayay oo dib u dhacay

Muqdisho–KNN– Maanta oo Sabti ah waxaa lagu waday in Labada Gole ee Baarlamaanka Soomaaliya ay Xarunta Golaha Shacabka Soomaaliya ay ku yeeshaan Kulan aan Caadi aheyn,waxaana ka qeyb geli lahaa Madaxweynaha Dowladda Federaalka Soomaaliya Maxamed C/llaahi Farmaajo oo Qudbad ka horjeedin lahaa Baarlamaanka Labada Gole.

Hayeeshee Warar soo baxaya ayaa sheegaya inuu dib u dhac ku yimid Kulankii aan Caadiga aheyn ee Maanta loo balansanaa in ay isugu yimaadaan Baarlamaanka Soomaaliya Madaxweyne Farmaajana uu Qudbada ka horjeediyo Labada Gole ee Baarlamaanka.

Sababta uu dib ugu dhacay Kulankii aan Caadiga aheyn ee Baarlamaanka Soomaaliya ayaan la ogeyn.

Madaxweynaha Soomaaliya Maxamed C/llaahi Farmaajo ayaa Qudbadda uu Baarlamaanka ka horjeedin lahaa waxaa uu uga hadli lahaa Xaaladda Guud ee Dalka gaar ahaan Xaaladda Dagaal ee Dalka uu galay.

Ra’iisul Wasaare Xasan Cali Kheyrre ayaa Saxaafadda u sheegay Khamiistii la soo dhaafay in Dalka uu galay Xaalada Dagaal oo Madaxda Dowladda ay horkacayaan.

Dowladda Soomaaliya oo Shaacisay Tirada Dadkii ku dhintay iyo kuwii ku dhaawacmay Qaraxii Zoobe

Muqdisho–KNN–Dowladad Federaalka Soomaaliya ayaa faah faahin dheeraad ah ka bixisay khasaaraha rasmiga ah ee ka dhashey qarixii bahalnimada ahaa ee 14kii Bishan ka dhacay Isgoyska Soobe ee magaalada Muqdisho.

Shir jaraa’id oo ay si wada jir ah ugu qabteen Isgoyska Soobe Wasiirada Amniga iyo Warfaafinta ayaa waxaa ay ku shaaciyeen  khasaaraha rasmiga ah ee qaraxaasi ka dhashey iyo dad la sheegay in loo qab qabtay falkaasi.

Wasiirka Warfaafinta Xukuumadda Federaalka Soomaaliya Mudane En.C/raxmaan Cumar Cusmaan Yariisow ayaa sheegay in dhimashada guud ahaan ay tahay 358 halka dhaawacyaduna ay gaarayaan 228.

‘Tirada guud dhimasho iyo dhaawac waxay noqotay 642 ruux, (dhimashadu waa 358 , 228 waa dhaawac, 56 qof ilaa iyo hadda lama hayo) ayuu yiri Wasiir yariisow

Wasiirka Warfaafinta Soomaaliya ayaa sidoo kale sheegay  in 122 dhaawac ah loo qaaday dibadda, sida Turkiga, Sudan iyo kenya,

Sidoo kale Wasiirka Amnig Gudha Maxamed Abuukar Ducaale(Islow) aya sheegay in ay jiraan dad loo qab qabtay falkaasi islamarkaana baaritaano ay ku hayaan,dibna ay ka soo sheegidoonaan natiijada rasmiga ah ee ku saabsan qaabka uu falka u dhacay iyo cidda ku lug lahayd.

Mogadishu rocked by twin car bombs

More than 50 people have been killed in a double car bomb attack in the capital of Somalia.Several others have been injured in the blasts in Mogadishu,KNN reports on Saturday.

Busy areas

The first explosion, in the city’s K5 Junction area which is lined with government offices, hotels and restaurants, destroyed several buildings and set dozens of vehicles on fire.

“It was a car bomb. Two civilians were killed,” said police major Siyad Farah, before adding that a suspect had been caught on suspicion of planting explosives.

About two hours later, a second blast shook the Buulahuubey neighborhood not too far from the area of the first explosion. Police said the second blast came from another suicide car bomber who killed only himself  after government troops intercepted him.

Has anyone admitted staging the attacks?

Not yet. There was no immediate claim of responsibility, although the Islamist al-Shabaab group has carried out regular attacks.

The al Qaeda-allied group is waging an insurgency to topple the weak, UN-backed government and its African Union allies and impose its own strick interpretation of Islam.

They frequently launch gun, grenade and bomb attacks in Mogadishu and other regions controlled by the federal government.

In recent years, the militants have lost most territory under their control to African Union peacekeepers and government troops.

 

Dhageyso:- Ra’iisul Wasaare Kheyrre oo ka hadlay Xaaladda Siyaasadeed Ee Dalka

Muqdisho–KNN– Ra’iisul Wasaaraha Xukumadda Soomaaliya Xasan Cali Kheyrre oo Xalay Qudbad dhinacyo badan taabaneysa ka jeediyay Munaasabad lagu Xuska Calanka Soomaaliya oo ka dhacday Magaalada Muqdidsho ayaa ku soo hadal qaaday Xaaladda Siyaasadeed Ee Dalka ka jirta iyo sidii looga gudbi lahaa Daruufaha ku xeeran Dalka.

Xasan Cali Kheyrre oo Qudbada uu jeediyay  u muuqatay mid Jawaab u ah Go’aanadii ka soo baxay Shirka Madaxda Maamul Gobolleedyada ee ku shiray Kismaayo ayaa sheegay in aan la ogolaan doonin Dhaliilaha lagu duminayo Dowladnimada kuwa laga leeyahay Ujeedooyinka Gaarka ah.

“waa in aan la ogolaan Dhaliil Dalka lagu duminayo, waa in aan la ogolaan Dhaliil Ujeedo gaar ah leh, waa in aan la ogolaan Dhaliil Iftiinka Nolosha Ee Soomaaliya u soo baxay Mugdi gelin karta”ayuu yiri Kheyrre.

Dhanka kale Xasan Cali Kheyrre Ra’iisul Wasaaraha Xukumadda Soomaaliya ayaa sheegay in haddii Shacabka Soomaaliyeed ay Markii hore ogaayeen in markii Buuq Siyaasadeed dhaco ay Niyad Jabaan Madaxda Dowladda,balse Madaxda hadda idin horjoogta aysan aheyn ku waas.

Halkaan Hoose ka dhageyso Codka Ra’iisul Wasare Kheyrre

Xasan Cali     

Qaraxyo Is-xig xiga oo ka dhacay Meel u dhow Taliska guud ee Booliska Suuriya

Saddex qof oo miidaame ah ayaa isku qarxiyey meel u dhaw taliska guud ee booliska Suuriya oo ku yaal magaalo madaxda Dimishiq.

Wakaaladda wararka dawladda ee SANA oo soo xigatay sarkaal ka tirsan wasaaradda arimaha gudaha ayaa sheegtay in uu yidhi “argagixisadu waxay isku dayeen in ay galaan dhismaha taliska guud ee booliska oo ku yaal wadada Khaalid Bin Waliid ee magaalada Dimishiq”, waxaanu intaa ku daray in askar ilaalo ah “ay ka hortageen dadkii miidaamaha ahaa, oo ay markii ba is qarxiyeen intaanay sooba gelin gudaha”.

Sarkaalku waxa kale oo uu sheegay in ay u suurto gashay in ay ku hareereyaan qof kale oo miidame ahaa halka laga galo suuqa Albaalah oo u dhaw isla wadadaa Khaalid Bin Waliid, sidaana uu isku qarxiyey.

Taliyaha booliska gobolka Dimishiq ayaa isna sheegay in weerarkaasi galaaftay ugu yaraan laba qof oo ay ku dhinteen, kuwo kalena ay ku dhaawacmeen oo qaarkood qabaan dhaawacyo halis ah.

Badhtamaha caasimada Suuriya ayaa si marka loo eego ka badbaaday dagaalka ka socda daafaha kale ee magaalada, walow mararka qaarkood weeraro dhif ahi ka dhacaan.

Bishan horaanteedii ayaa bar kaantarool oo boolisku ku leeyihiin magaalada weerar lagu qaaday ay ku dhinteen 17 qof, waxaana weerarkaa sheegatay kooxda la baxday Dawladda Islaamka.