Templates by BIGtheme NET

Author Archives: Marwaan

DHAGEYSO:-WARKA DUHUR EE RADIO KULMIYE(18-08-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye.

Warka Maanta Waxaa si wadajir ah u aqrinayay: Maxamed Xasan Qeys iyo Farxiyo Xuseen Cali:-

Farsamadii:-  Maxamed Dalal Maxamuud:-

Halkaan Ka Dhegeyso Warka duhur Ee Radio Kulmiye KNN:–

Dhageyso:- Wasiirro ka tirsan Xukumadda Soomaaliya oo Maanta la kulmay Baarlamaanka Hirshabelle

Jowhar–KNN– Wasiirro ka tirsan Xukumadda Ra’iisul Wasaare Xasan Cali Kheyrre ayaa Maanta Magaalada Jowhar kula kulmay Baarlamaanka Hirshabelle,waxaana Warbixin siiyay Guddoomiyaha Baarlamaanka Hirshabelle.

Wasiirada ka socda Xukumadda waxaa ka mid ah Wasiirka Arrimaha Gudaha,Wasiirka Amniga iyo Wasiirka Waxbarashada,waxaana ay u tageen sidii Xal looga gaari lahaa Khilaafka ka dhashay Xilka qaadista Madaxweynaha Hirshabelle Cali Cabdullaahi Cosoble.

Halkaan Hoose ka dhageyso Warbixin dhameystiran

111023_014 - My Recording     

Dhageyso:- Somaliland oo Shacab keeda uga Digtay in ay u Safraan Muqdisho

Hargeysa–KNN—Maamulka gooni isu taaga ah ee lagu magacaabo Soomaaliland ayaa shacabkiisa uga digay in ay u soo safraan magaalada Muqdisho ee caasimadda Soomaaliya.

War ay soo saartay Soomaaliland ayaa waxa ay ku sheegtay in ay sii kordhayaan qataraha amni daro ee ka jira Koonfurta Soomaaliya iyo dilalka loo geysanayo dadka ka soo jeeda degaanada Somaliland.

Halkaan Hoose ka dhageyso Codka

Somaliland     

Madaxweynaha Puntland C/wali Gaas oo gaaray magaalada Jeddah ee dalka Sacuudiga

Madaxweynaha Maamulka Puntland C/wali Maxamed Cali Gaas ayaa xalay gaaray magaalada Jeddah dalka Boqortooyada Sacuudi Carabiya, maalin un kaddib markii maamulkiisa uu taageeray Xulafada uu hoggaamiyo Sacuudiga.

Warar kala duwan ayaa ka soo baxaya tagitaanka Gaas ee dalka Sacuudiga, iyadoo la sheegayo in casuumaad gaar ah ay u dirtay Sacuudiga isaga iyo xubno ka tirsan maamulkiisa, si ay sanadkan u soo gutaan acmaasha Xajka.

Madaxweynaha Puntland ayaa lagu wadaa in magaalada Jeddah uu kula kulmi Mas’uuliyiin ka tirsan Boqortooyada Sacuudi Carabiya.

C/wali Gaas oo la hadlay Idaacada VOA ka hor inta uusan u dhoofin Sacuudiga ayaa sheegay inay maamulkiisa uu taageeray dalalka Sacuudiga iyo Imaaraadka Carabta oo uu tilmaamay inay wadaagaan xiriiro kala duwan oo ganacsi iyo amni, halka Qatar uu xusay in aysan waxba wadaagin.

Waxaa uu ugu baaqay dowladda Federaalka inay dib u eegto go’aanka dhex dhexaadnimada ee ay ka qaadatay khilaafka wadamada Khaliijka.

Boqortooyada Sacuudiga ayaa dooneysa inay cadaadis ku saarto dowladda Soomaaliya, sidii ay Qatar xiriirka ugu jari laheyd, waxaana ay u mareysa maamul goboleedyada durbaba soo saaray go’aano ay ku taageerayaan xulafada Sacuudiga.

Sidoo kale waxaa lagu wadaa in madaxda xubnaha maamul goboleedyada ay isugu keento dalkeeda, iyadoo maamul walba ay si gaar ah Fiisooyin xajka ah ay ku soo aadaan u dirtay.

Soomaaliya ayaa wadamada Khaliijka Carabta la wadaagta xiriiro soo jireen ah oo isugu jira ganacsi iyo amni, waana tan keentay in Xulafada Sacuudiga uu hoggaamiyo ay illaa iyo hada ku qanci waayaan go’aankii dhex dhexaadnimada ahaa ee ay ka qaadatay khilaafka Khaliijka

Sacuudiga, Imaaraadka Carabta, Masar iyo Baxreyn ayaa horaantii bishii June xiriirka u jaray dalka Qatar, iyagoo ku eedeeyay inay taageerto Ururada Argagixisada, hase ahaatee Qatar ayaa iska fogeysay.

DHAGEYSO:-WARKA SUBAX EE RADIO KULMIYE 8:00AM (18-08-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii saakay ee ka baxay Radio Kulmiye.

Warka saakay Waxaa si wadajir ah u aqrinayay ah aqrinayay:-Cali Ibraahim Cabdullahi iyo Axmed  Maxamed Ibraahim:-

Farsamadii:- Shariif Cabdulle Maxamed:-

Halkaan Hoose Riix si aad u dhageysato Warka Subax ee KNN:-

warka subax 18 08 2017     

 

Xaaladda Degaanka Xeraale ee Gobolka Galgaduud oo Saakay Degen

Xeraale–KNN– Waxaa Saakay Degen Xaaladda Degaanka Xeraale ee Gobolka Galgaduud oo Shalay ay ku Dagaalameen Maleeshiyaad Degaanka ah iyo kuwo Taabacsan Maamulka Ahlusunna Waljamaaca ee Gobolada Dhexe.

Dagaalkii Shalay ayaa la sheegay in ay ku dhinteen ku dhawaad 10 Ruux halka ay ku dhaawacmeen 20 kale.

Dadka dhintay iyo kuwa Dhaawacmay ayaa la sheegay in ay yihiin dhinacyadii ku dagaalamay Degaanka Xeraale ee Gobolka Galgaduud.

Wararka ayaa intaas ku daraya in Xaalada Xeraale ay Saakay tahay mid degen,inkastoo ay is hor fadhiyaan Dhinacyadii ku Dagaalamay Degaanka.

Booliska Spain oo ka hortegay weerrar labaad

Howlgal ballaaran oo uu booliska ka sameeyay waddanka Spain ayaa waxaa lagu soo gebagabeeyay israsaasayn ka dhacday degmada loo tamashlaha tago ee Cambrils, ee koonfurta magaalada Barcelona.

Mas’uuliyiinta ayaa sheegay in shan qof oo looga shakisan yahay inay argagixiso yihiin oo xirnaa wax u muuqday suumanka la isku miidaamiyo la dilay.

Dowladda gobolka Catalonia ayaa sheegtay in booliska Cambrils uu rasaas furay kaddib markii ay arkeen dadka weerrarka soo qaaday oo gaari jiirsiinaya dad marayay wadada hareeraheeda.

Todoba qof ayaa halkaasi ku dhaawacantay.

Dhacdada ayaa lala xiriiriyay weerrar ay dad badan ku dhinteen oo goor sii horraysay ka dhacay magaalada Barcelona kaddib markii uu qof gaari uu watay uu jiirsiiyay dad fara badan oo ku sugnaa wadada Las Ramblas ee magaaladaasi.

Saddex iyo toban qof ayaa halkaasi ku dhintay halka in ka badan 100 qof oo kalana ay ku dhaawacmeen.

Boqollaal dalxiisayaal ah iyo dadka deegaanka ayaa gabbaad ka dhigtay dukaamo iyo kaniisado, xilli booliska ay bilaabeen inay baacsadaan darawalkii waday gaariga dadka jiiray.

Qof laga shakiyay ayaa la xiray, walow aanay caddeyn in uu gudaha ugu jiray gaariga.

Sidoo kale booliska ayaa magacaabay qof labaad oo laga shakisan yahay oo ay ku sheegeen inuu asal ahaan ka soo jeedo Waqooyiga Afrika, kaas oo ay rumaysan yihiin inuu gaariga soo kiraystay.

13 qof oo ku dhintay weerrarkii Barcelona

Nin ayaa gaari waxa uu jiirsiiyay dad badan oo ku sugnaa xaafadda Las Ramblas ee caanka ku ah dalxiiska ee magaalada Barcelona.

Dowladda gobolka Catatan ayaa sheegtay in ugu yaraan 13 qof halkaasi ay ku dhinteen halka 80 kalana ay ku dhaawacmeen.

Booliska Spain ayaa weerrarkaasi ula tacaalaya sida weerar argagixiso oo kale.

Boqollaal dalxiisayaal ah iyo dadka deegaanka ayaa gabbaad ka dhigtay dukaamo iyo kaniisado, xilli booliska ay bilaabeen inay baacsadaan darawalkii waday gaariga dadka jiiray.

Qof laga shakiyay ayaa la xiray, walow aanay caddeyn in uu gudaha ugu jiray gaariga.

Sidoo kale booliska ayaa magacaabay qof labaad oo laga shakisan yahay oo ay ku sheegeen inuu asal ahaan ka soo jeedo Waqooyiga Afrika, kaas oo ay rumaysan yihiin inuu gaariga soo kiraystay.

Booliska ayaa goor sii horreysay sheegay inay baarayaan gaari labaad oo lala xiriiriyay weerrarka.

Askar lagu dilay Magaalada Laascaanood ee Gobolka Sool

Laascaanood–KNN–Laba Askari oo booliis ah kana mid ahaa ilaalada goob laga qaadanayay kaadhadhka doorashada somaliland ayaa  lagu dilay bariga Magaalada laascaanood sida ay xaqiijiyeen dad ku sugan Magaalada laascaanood.

Labadan Askari ee booliiska ah ayaa la sheegay in ay ka mid ahaayeen Dadka degaanka laascaanood , walina ma jirto faahfaahin laga bixin cida dishay iyo sababaha loo dilay waxaase la xaqiijiyay inay ka tirsanaayeen oo ilaalo ka ahaayeen goob laga qaadanayay kaadhadhka doorashooyinka Somaliland ee bariga magaalada laascaaood

Guddoomiyaha Garsoorayaasha Kubbada Cagta Cusmaan Diraac oo la diley

Kooxo hubeysan ayaa Xalay magaalada Muqdisho ku dilay guddoomiyihii xiriirka garsoorayaasha kubbada cagta Soomaaliyeed Cusmaan Jaamac Diraac.

Dilka ayaa la sheegay inay geysteen dad ku hubeysan bastoolado  waxaana la diley marxuumka isagoo ka soo laabtay salaada cishaha masjid ku yaal xaafada Xamar Bile ee degmada Warta Nabadda.

Kooxdii dilka geysatay ayaa goobta isaga baxsaday ka hor inta aysan ciidanka ammaanka goobta gaarin. Ma jirto cid sheegatay mas’uuliyada dilka guddoomiyihii guddiga garsoorayaasha ee xiriirka kubadda cagta ee Soomaaliya.

Dhinaca kale waxaa ku dhaawacyo ay ka soo gaaren afar ruux kadib markii hoobiye ku soo dhacay goob ganacsi oo ku taal isla degmada Warta nabada caawa fiidkii.

Ciidamada amniga oo goobtaa gaaray ayaa la sheegay in ay baaritaan ka bilaabeen meelo ay uga shakiyeen in hoobiyaha laga soo ridey.