Templates by BIGtheme NET

Somali News

DHAGEYSO-Taariikhda Muuse Biixi Cabdi Madaxweynaha Cusub ee Soomaaliland.

Hargeysa-KNN-Muuse Biixi Cabdi oo ah Murashaxii Madaxweyne ee Xisbiga Muxaafadka ah ee Kulmiye ayaa Galabta la sheegay in uu ku Guuleestay doorashadii Madaxweyne ee ka dhacday Soomaaliland oo dhacday 13 Nov. ee Sanadkaan.

Idaacadda Kulmiye ayaa halkaan idin kugu soo Gudbin doonto Taariikhda Madaxweynaha Askariga ahaan jiray Muuse Biixi Cabdi oo ku Guuleestay doorashada Soomaaliland.

Halkaan ka dhageyso Taariikhda Madaxweynaha Cusub ee Soomaaliland. - My Recording     

War deg deg ah-: Rabshado goor-dhaw ka bilaawday Magaalooyin ka mid ah Soomaaliland.

Hargeysa-KNN-Wararka naga soo gaarayo Magaalooyinka Hargeysa iyo Ceerigaabo ee Soomaaliland ayaa soo sheegayo in rabshado ay ka bilaawdeyn.

Dhalinyaro ka careysan Natiijada doorashada oo taageersan Xisbiga wadani ayaa isugu soo baxay qeyba ka mid ah Soomaaliland.

Dhalinyarada ayaa la sheegay in wataan Fasaas iyo Mindiyo waxayna isku dhaceyn Ciidanka amaanka.

Dhowr qof ayaa la sheegay in ay ku dhaawacmeyn, wararka qaar ayaa sheegayo in ay jiraan dad qaba dhaawacyo Culus.

War Deg Deg ah:- Ciidamada Kumaandooska Soomaaliya oo Gacanta ku dhigay Saraakiil Shabaab ah

Danwale–KNN–Wararka ka imaanaya Gobolka Shabellaha Hoose gaar ahaan Degaanka Danwale oo hoostaga Degmada Walanweyn ayaa sheegaya in Maanta Ciidamada gaarka ah ee Kumaandooska Soomaaliya ay Gacanta ku dhigeen Dagaalameyaal ka tirsan Al-shabaab.

Dagaalameyaasha Shabaabka ka tirsan ee la sheegay in la qabtay ayaa tiradooda lagu sheegay 16,waxaana ku jira Saraakiil Sare sare oo Shabaab u qaabilsan Qaraxyada iyo Weerarada Tooska ah sida ay sheegeen Saraakiil ka mida Ciidamada Xoogga Dalka.

Saraakiisha ayaa tilmaamay in Raggaan ka tirsan Shabaab ee Gacanta lagu dhigay ay Miinooyin ku aasayeen Degaanka lagu qabtay Ee Danwale,waxaana Saraakiishu ay xuseen in ay ku jiraan Saraakiil mudo lagu raadjoogay.

Sidoo kale waxaa ay sheegeen Saraakiisha Ciidamada Milatariga Soomaaliya in ay Warbaahinta u soo bandhigi doonaan Magacyada iyo Xilalka ay hayeen Saraakiisha Shabaabka ah ee Maanta lagu qabtay Gobolka Shabellaha Hoose,iyadoona Milatariga Soomaaliya ay sheegeen in la Burburiyay Saldhig Al-shabaab ay Degaankaas ku lahaayeen.

 

Shabaab dhankooda ma jirto wax War ah oo ka soo baxay oo ku aadan Dagaalameyaasha gaaraya 16 Qof ee Maanta lagu qabtay Degaanka Danwale ee Gobolka Shabellaha Hoose.

War deg deg ah-:Natiijada doorashadii ka dhacday Soomaaliland oo la shaaciyay.

Hargeysa-KNN-Muuse Biixi oo loo doortay Madaxwaynaha Cusub ee Somaliland Musharaxa madaxwayne ee Xisbiga Kulmiye Muuse Biixi Cabdi ayaa ku guuleystay doorashadii Somaliland ka dhacday 13 November ee sanadkan 2017.

Xisbiga Kulmiye ayaa Doorashadaasi ka helay Saddex Boqol oo kun, shan kun, sagaal Boqol iyo Sagaal Cod(3005909) oo doorashada ka noqonaysa 55.59%.

Xisbiga Mucaaridka ee Waddani ayaa isna Helay Laba boqol oo kun, lix iyo labaatan kun iyo laba iyo sagaashan cod (200, 26092) oo u dhiganta 40.75%.

Xisbiga UCID ayaa isagu helay saddex iyo labaatan, boqol iyo kow iyo afartan (23141)4.17%.

Ciidamada Milatariga iyo Booliska ayaa heegan la giliyay waxaana laga cabsi qabaa in ay dhacaan Banaanbaxyo rabshada wata oo ay dhiagaan taageerayaasha Xisbiga Mucaaradka ah ee wadani.

Maanta oo ku beegan Maalinta Macalimiinta Soomaaliyeed.

Muqdisho-KNN-21-ka Novembar waa maalin ku wayn umada Soomaaliyeed, waxayna ku asteesantahay maalinta Macalinka Soomaaliyeed oo dalka iyo meel ay Soomaali joogtaba laga xuso.

1974-tii bishii November 21-keeda ayaa loo aqoonsaday maalinta macalinka waxaana shacabka Soomaaliyeed iyo dowladdii Millateriga ahayd ay si wadajir ah u muujin jireen muhiimadda maalintan oo kale.

Waa maalin ka mid ah maalmaha ku wayn Qaranka Soomaaliyeed, waxaana maanta oo kale la fasixaa dugsiyada iyo dhamaan Goobaha kale ee Waxbarashada si loo xuso kaalinta macaallinka.

Macalin Abuuker Shuute Xuseen oo ka mid ah macalimiinta wax ka dhiga mid ka mid ah Dugsiyada ku yaala magaalada Muqdisho ayaa sheegay in Macalinka uu muhiimad gaara u leeyahay bulshada uu la nool yahay, maantana ay tahay Maalin weyn oo loo baahan yahay in si weyn loogu dabaal dago si Macalimiinta ugu dhiiradaan inay sii wadaan Kobcinta waxbarashada dalka.

Abuuker Shuute Xuseen ayaa sheegay in Macalimiinta Soomaaliyeed ay u dulqaateen mudo dhowr iyo labaatan sano ah uu dalka burbursanaa iyagoona kusoo shaqeeyay waqtiyo adag, hadii dalka intii burburka uu ku jiray macalimiinta Soomaaliyeed aysan ku dhiiri laheyn inay ardayda Soomaaliyeed wax baraan waxaa Qatar gali lahaa mustaqbalka umadda soomaaliyeeed hormarka maanta dalka ka jira lama gaari laheyn.

Marka la eego dunida Casriga ah, waxaa isku xiray oo isku soo dhoweeyay dhamaan Ummaddaha dunida waxbarashada, waana taas mida ay u taaganyihiin Macalimiinta Soomaaliyeed.

Macalinku waa baraha iyo hagaha Ummadeed ee ka saara jahliga iyo si xun u fikirka. Macalimiintu waa kuwa gudbiya ama ku faafiya waxbarashada adduunka oo dhan.

Tan iyo inta taariikhda la xuso waxa jirey markasta macalimiin iyo dad aqoon leh oo Bulshada kala dagaalama dib u dhaca isla markaasina wax bara.

Macalinku wuxuu xushmad iyo karaamo ku dhex leeyahay bulshadiisa maadaama uu soo saarayo ubaxa iyo aayaha bulshadiisaas, waa tusayalayaal fiican iyo dad ku dayasho leh ama lagu faano oo bulsho kastaa leedahay.

Diinta islaamkuna waxay gaarsiisay macalimiinta martabad aad u saraysa oo maamuus iyo qadarin ah.

Xigasho SONNA.

Shabaab iyo Shacab ku dagaalamay duleedka magaalada Beledweyne.

Beledweyn-KNN-Dagaalamayaasha Al-Shabaab iyo dadka deegaanka ayaa ku dagaalamay maanta deegaan ku yaala duleedka magaalada Beledweyne ee Xarunta gobalka Hiiraan sida ay sheegeen dadka deegaanka.

Dagaalka oo socday muddo kooban ayaa la sheegay in uu ka dhacay deegaan lagu magacaabo Maroodille oo ku yaala duleedka degmada Beledweyne lamana oga inta uu gaarsiisan yahay Khasaaraha ka dhashay Dagaalkaasi.

Dadka deegaanka ayaa sheegay in Al-Shabaab weerarka soo qaadeyn Islamarkaana ay iska caabin kala kulmeyn Maleeshiyo deegaanka ah markii dambane Shabaabku ay qabsadeyn deegaanka.

wararkii ugu dambeeyay ayaa sheegaya in ay xaaladda deggan tahay waxaana deegaankii dib ugu Laabtay Ciidamadii maleeshiyada ee markii hore ka soo baxay.

 

Ciidamada Kenya oo iska fogeeyay eedeyn loo soo jeediyay.

Muqdisho-KNN-Afayeen u hadlay Ciidamada Difaaca Kenya ayaa ka jawaabay eedeyn loo soo jeediyay Ciidamada Kenya ee ku sugan Soomaaliya eedeyntaas oo ka timid Guddiga dabagalka Cuna-qabateynta saaran Soomaaliya iyo Erataria.

Col David Obonyo oo ah Afayeenka ciidamada kenya ee ku sugan Soomaaliya  ayaa sheegay in aysan Ciidankooda ka Ganacsan dhuxusha Soomaaliya ka dib markii dhawaan Qaramada Midoobey ay ku eedeeysay in ciidamada Kenya ay lacag ka qaataan dhuxushaasi oo Al-shabaab ay keensadaan si ay dhaqaalo ugu helaan.

Al-Shabaab oo dagaal kula jira Dowladda Soomaaliya ayaa la sheegay in dhaqaalaha ugu badan ay ka helaan Ganacsiga dhuxusha kadibna ay ku badashaan hub iyo Waxybaha kale oo ay u baahan yihiin.

Obonyo ayaa xusay in KDF la geeyay  Meel 150 kiiloomitir u jirta xeebaha Soomaaliya.

“KDF  mas’uul kama ahaa maamulka howlaha dekedda Kismaayo  Waxay hoos yimaadaan Dawladda Federaalka Soomaaliya iyo maamulka Jumbaland “ayuu yiri Obonyo.

Qaramada Midoobay ayaa mamnuucday ganacsiga dhuxusha Soomaaliya bishii Febraayo 2012-kii si ay u diidaan dakhliga Al-Shabaab.

Ganacsato Soomaaliyeed oo lagu dilay dalka Koonfur Africa.

Muqdisho-KNN-Ilaa 5 qof ayaa lagu soo waramayaa in lagu dhex dilay Dukaan uu Ganacsade Soomaali ku lahaa Degmadda KwaDlangezwa ee Waqooyiga Gobalka KwaZulu-Natal ee dalka koonfur afrika

Toogashadaasi waxaa sido kale  lagu dhaawacay 2 qof oo xaalladooda aad u liidato, kuwaasi oo la dhigay Isbitaalka ku yaalada gobolkaasi KwaZulu-Natal.
Tv-ga eNCA ee laga leeyahay koonfur afrika ayaa baahiyay warbixin la xiriirta weerarkaasi lagu qaaday dukaanka ganacsatada soomaalida ay leedahay isagoo sheegay in uu weerarkaasi khasaaraha dhimashada iyo dhawaca dhaliyay uu u muuqday isku-day lagu doonayey in lagu dhaco Dukaankaasi.
Dableeyda hubeysan ee weerarka geeystay ayaa la sheegay inay Toogasho ku dileen 2 kamid ahaa Ilaaladda Ammaanka iyo 3 qof oo ku dhax jiray Dukaanka waxayna dableeyda dhaceen lacag caddaan ah oo gaareeysay R50,000 oo u dhiganta 5000 oo dollar
Ibraahim Maxamed oo ka mid ahaa Shaqaalaha Dukaanka ayaa sheegay inuu Weerarkaasi ahaa Fal Dhac ahaa, isla markaana ay had iyo jeer ka dhacaan dalka Koonfur Afrika.
“Ma dhihi karno weerarka waxa uu xiriir la lahaa Falalka Isir-nacaybka ka jira koonfur afrika. Waxa uu weerarku ahaa dhac, maadaama uu sannadku dhamaanayo”ayuu yiri Ibraahim Maxamed.
Dhinaca kale, Madaxa Ammaanka Bulshadda ee Gobalka  KwaZulu-Natal ninka lagu magacaabo  Makolisi Kaunda ayaa sheegay inay ka war heleen Dhaca Hubeysan iyo dilka ka dhacay Dukaanka Soomaalida, isla markaana ay wadaan baaritaano lagu soo qabanayo dableydii ka dambaysay dilka 5-ta qof iyo dhaca dukaanka loo geeystay .
Si kastaba Ma aha markii ugu horreysay oo Burcadda South African-ka dhac iyo dil ka geystaan goobaha Ganacsiga oo ay Soomaalida ku leeyihiin koonfur afrika .

DHAGEYSO:-WARKA DUHUR EE RADIO KULMIYE(21-11-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye.

Warka Maanta Waxaa si wadajir ah u aqrinayay:Burhaan Diini Faarax  iyo  Farxiyo Xuseen Cali:– 

Farsamadii:-  Maxamed Dalal Maxamuud:-

Halkaan Ka Dhegeyso Warka duhur Ee Radio Kulmiye KNN:–

DHAGEYSO:-Dab xoogan oo Maanta ka kacay Suuq liif ee Magaalada Muqdisho.

Muqdisho-KNN-Dab xoogan ayaa saakay  ka kacay Suuqa weyne ee suuq liif  ee  ku yaala degmada dharkeynlay ee gobalka banaadir waxaana la sheegayaa in uu dabkaasi uu khasaaro hantiyadeed ka dhashay.

Dabka ayaa ka kacay qeba ka mid ah Suuqa gar ahaan mid ka mid ah tukaanada  lagu iibiyo dharka ee ku yaala gudaha Suuq liif ee magaalada Muqdisho.

Dadka degaanka ayaa sheegaya in halkaas ay soo gaareen Maamulka Degmada Dharkeynlay iyo Gaadiidka gurmadka Dab damiska,iyadoona markii dambe ay ku guuleysteen inay damiyaan dabkaasi.

Khaliif cabdulle Maalin taliyaha Saldhiga Degmada Dharkeynley ee gobalka Banaadir oo la hadlay Idaacadda Kulmiye ayaa waxaa uu sheegay in dabkii saakay ka kacay Suuq liif uu geystay khasaaro hantiyadeed,islamarkaana aan hada la qiyaasi Karin,balse waxaa uu tilmaamay in gurmad ay sameeyeen Maamulka degmada dharkeynlay  iyo gaadiidka gurmadka ee gobalka banaadir ay ku guuleysteen inay Damiyaan Dabkaasi.

Mudooyinkii dambe suuqayada ku yaala  Magaalada muqdisho ayaa waxaa ku soo badanayay in dab xoogan uu ka kaco,islamarkaana uu sameeyn ku yeeshay hantida dadka ganacsatada ah ee tukaamada ku leh suuqyadaasi.

Waa Markii labaad oo suuq liif uu dab ka kaco,iyadoona horey sidan oo kale dab ugu kacay bartamaha suuqa,kaasi oo khasaaro badan geystay,maadaama tukaamo badan ay gubteen,islamarkaana halkaasi hanta badan ay ku basbeeshay.

Halkan ka Dhageyso Codka taliyaha.

120114_010 - My Recording