Templates by BIGtheme NET

Somali News

WARKA HABEEN EE RADIO KULMIYE 8:00PM (24=09=2017)

Muqdisho–KNN:–Dhageystayaasha Radio Kulmiye ee ku xiran Webkeena www.Radiokulmiye.com waxaan idin soo gudbineynaa Warkii Caawa ee Radio Kulmiye waxaa wada aqrinayay:-Cali Ibraahim Cabdullahi iyo Farxiyo Xuseen Cali:

Farsamadii:-Shariif Cabdulle Maxamed:-

Halkan ka Dhageeso Warka Habeen Ee Radio kulmiye:–

Dhageyso:-Madaxweyne Xaaf”Diyaaraddii aan la socday waxaa Xanibay Dowladda Federaalka”

Cadaado–KNN--Madaxweynaha Maamulka Galmudug Axmed Ducaalle Geelle Xaaf oo Maanta dib ugu laabtay Magaalada Cadaado ee Xarunta KMG Galmudug ayaa ka hadlay  Safarka uu dib ugu laabtay Magaalada Cadaado.

Madaxweyne Xaaf oo ka soo kicitimay dalka isu tagga Imaaraadka Carabta, ayaa diyaaradii uu saarnaa ay ka dejisay magaalada Hargeysa, waxaana halkaas uu saacado ku ahaa Transit.

Madaxweyne Xaaf oo wariyeyaasha la hadlay markii uu ka soo degay garoonka diyaaradaha Cadaado ayaa ku eedeeyay  dowladda Soomaaliya ay isku dayday inay carqaladeyso diyaaradii ka qaadi laheyd Hargeysa islamarkaana Mudo dhan Shan Saac uu halkaas ku Xarinaa.

Waxaa uu sheegay in Dowladda Soomaaliya ay Maamulka Galmudug kula jirto Dagaal aan kala Go’laheyn islamarkaana Talaabadaasi ku Micneeyay mid Dowladdu ay ku Cuuryaamineyso Galmudug.

Halkaan Hoose ka dhageyso Codka

1984054795186921     

Diyaarad 40 sanno ka hor Muqdisho lagu soo afduubtay oo dalkeeda dib loogu celiyay”Sawiro”

Diyaarad ay leedahay shirkadda diyaarada Lufthansa ee laga leeyahay dalka Jarmalka oo Soomaaliya ayadoo afduub ahaan loo wato la keensaday sanadkii 1977 ayaa maanta la geeyay dalka Jarmalka waxaana laga qaaday dalka Brasil oo ay taalay.

Diyaaradaan oo ay koox Afduub ahaan u qabsadeen koox Falastiiniyiin ah ayaa 40 sanno ka hor laga bad baadshay kooxdii afduubatay bishii 18,kii bishii October sanadkii 1977 waxaana hawlgalkii lagu bad baadshay oo ay qeyb weyn ka qaateen ciidamadii gaarka ahaa ee Soomaaliya.

Diyaaradaan oo nooceedu yahay Boeing 737 ayaa markii la qafaalanayay waxay ka duushay magaalo ku taala dalka Spain waxaana ay ku socotay magaalada Frankfurt oo Jarmalka ku taala waxaana kooxdii afduubatay oo Falastiiniyiin ahaa ay lasoo aadeen dhanka Soomaaliya waxaana ay kala soo degeen garoonka diyaaradaha Muqdisho.

Diyaaradaan oo ay siday diyaarad kale oo weyn oo Rushka laga leeyahay ayaa shalay la geeyay Jarmalka waxaana loo qaaday madxafka Dornier halkasoo dadku u daawasho tagi doonaan.

Diyaaradaan 40 sanno ka hor ayadoo afduub ahaan loo wato Soomaaliya la keenay waxaana laga qaaday hadda dalka Brasil oo ay safarkeedii ugu dambeeyay ku tagtay kuna baaba’day.

Kooxdii qafaalatay diyaaradaas oo 4 ruux ka koobnaa waxaay ku dhinteen hawlgalkii diyaaradaan lagu furtay ee Muqdisho ka dhacay 40 sanno ka hor waxaana hawlgalkaas lagu bad baadshay 86 ruux oo rakaab ahaa.

Kooxdaas waxay dalbanayeen in lasii daayo dad ururkooda ka tirsanaa oo xirnaa.

Aribert Martin oo ka mid ahaa askar gaar ahaa oo dawladii xilligaas ee Jarmalku Muqdisho usoo dirtay si ay hawlgalkii bad baadada uga qeyb qaataan ayaa sheegay inay maanta u tahay maalin weyn  maadaamo uu arkayo diyaarad uu bad baadshay 40 sanno ka hor.

Diyaaradaan oo kooxdii qafaalatay ay haysteen muddo 5 cisho waxay dileen mid ka mid ah duuliyaashii diyaaradda oo la oran jiray Jürgen Schumann.

Haraadiga diyaaradaan hadda kadib waa loo daawasho tagi doona oo waxay noqon doontaa taariikh isha lagu hayo.

Xigasho Wargayska Daily Mail.

W/Tarjumay Burhaan Diini Faarax.

burhandiini@gmail.com

Madaxweyne Xaaf oo Maanta laga sugayo Magaalada Cadaado

Cadaado–KNN– Madaxweynaha Maamulka Galmudug Axmed Ducaalle Geelle Xaaf ayaa Maanta tagaya Magaalada Cadaado ee Xarunta KMG Galmudug,waxaana Magaalada Cadaado ka socota qaban qaabada lagu soo dhaweynayo Madaxweyne Xaaf.

Madaxweynaha Galmudug oo ku maqan Dalka Imaaraadka Carabta ayaa Magaalada Cadaado u tagaya sidii loo xalin lahaa Khilaafka u dhaxeeya Madaxda Maamulka Galmudug sida ay Radio Kulmiye u sheegeen Mas’uuliyiin ka tirsan Maamulka Galmudug.

Magaalada Cadaado oo Maalmahaan marti gelisay Kulamo Gaar gaar ah oo ay yeelanayaan Dhinacyada iska soo horjeeda ayaa Maanta ka badalan sidii ay aheyd Maalmihii hore,waxaana sidoo kale Magaalada lagu arkayaa Ciidamo aad u badan oo Sugaya Ammaanka.

Madaxweynaha Maamulka Galmudug ayaa Maalmo ka hor sheegay inuu la safan yahay Xulufada Sacuudiga ee Xariirka u jaray Dowladda Qadar,halka Kuxigeenkiisa iyo Guddoomiyaha Baarlamaanka ay ka horyimaadeen Go’aankaas.

Xildhibaanno ka tirsan Baarlamaanka oo sheegay in Dalka uu ku jiro Xaalad ka Xun Xilligii Guumeysiga

Muqdisho–KNN– Qaar ka mida Xildhibaanada Baarlamaanka Soomaaliya oo Maanta kula ku yeeshay Magaalada Muqdisho ee Caasimadda Soomaaliya ayaa ka hadlay Xaaladda uu Dalka hadda maryo,waxaana ay sheegeen in Xaalada Soomaaliya ka jirta ay ka xun tahay sidii Dalku uu ahaa Xilligii Isticmaalka ee Dalku uusan laheyn Madax Banaani sida ay hadalka u dhigeen.

Xildhibaanada kulanka ka hadlay waxaa ka mid ahaa Xildhibaan Axmed Macalin Fiqi,Xildhibaan Sakariye Maxamuud Xaaji Cabdi iyo Xildhibaan Axmed Xaashi Maxamuud oo ka mida Aqalka Sare.

Waxaa ay sheegeen Xildhibaanada Maanta ku shiray Muqdisho in Dalka Soomaaliya iyo Dadkiisaba lagu hayo Dagaal Nuucyo badan leh islamarkaana loo baahan yahay in laga hortago.

“Soomaaliya waxaa Dagaal Toos ah iyo mid aan Toos aheynba ku haya Dowladaha Dariska ah,madoonayaan in Soomaaliya ay Cagaheeda isku taagto oo ay ka soo kabsato Dagaaladii Sokeeye ee Dalka soo maray”ayey dhaheen Xildhibaanada.

“Waxaa Maalin cad Garoonka Diyaradaha Muqdisho laga dhoofiyay Muwaadin Soomaaliyeed,waxaana loo gacan geliyay Itoobiya oo ah Dal cadaw ku ah Ummadda Soomaaliyeed”ayey ku dareen Hadalkooda Xildhibaanada Maanta shiray.

Dhageyso:-Wasiirada Galmudug oo War ka soo saaray Khilaafka Madaxda Galmudug

Cadaado–KNN– Kulan gaar ah oo Maanta Magaalada Cadaado ay ku yeesheen Golaha Wasiirada Maamul Gobolleedka Galmudug ayey uga hadleen Khilaafka u dhexeeya Madaxda Maamul Gobolleedka Galmudug ee ka dhashay Go’aankii Madaxweyne Xaaf uu kula Saftay Xulufada Sacuudiga.

Golaha Wasiirada ayaa ku baaqay in Khilaafka Hay’addaha Dowladda dhex dooda ka jira lagu Xaliyo Dastuurka Galmudug islamarkaana laga fogaado wax walba oo hurin kara Khilaafka u dhaxeeya Madaxda Maamulka Galmudug.

Halkaan Hoose ka dhageyso Codka Warka Golaha Wasiirada

SHARMA WARKA WASIIRADA     

Yuweri Musaveni”Ciidamada AMISOM ma ahan Shaqaale ka tirsan QM”

M/weynaha dalka Uganda Yuweri Musaveni ayaa sheegay in ciidamada ka jooga jooga Soomaaliya ay aheyn kuwa u shaqeeya Q,M hase ahaatee ay yihiin ciidamo haya shaqo uu u dirsaday ururka Midawga Africa.

M/weyne Musaveni waxaa uu hadalkaan shaaciyay kadib markii uu magaalada New York ku shir gudoomiyay kulan ay ka qeyb galeen madax ka socotay wadamada ay ka socdaan ciidamada ku shaqeeya magaca AMISOM ee Soomaaliya ka hawlgala.

Shirkaas oo looga hadlay xoojinta awooda ciidamada iyo dar dar galinta dagaalka ka dhanka ah Xarakadda Al-Shabab ayaa M/weynaha Uganda waxaa uu sheegay in ciimada Soomaaliya ka jooga ay yihiin kuwa haya shaqa uu ku tilmaamay Afrikaanimo ah hase ahaatee ay shaqaale u aheyn Q,M ama xataa dawlada Soomaaliya sida uu yiri.

“Shaqada ay ciidamadeenu Soomaaliya ka wadaan waa hawl Afrikaanimo ah oo aan ku caawinayno Soomaalida ee ma nihin shaqaale Q,M” ayuu yiri M/weynaha Uganda.

Warbaahinta Uganda ayaa baahiyay in M/weyne Musavani uu u sheegay madaxdii ka qeyb gashay shirkii ka dhacay magaalada New York in Q,M ay fududeyso hawlaha farsamo ee shaqada ciidamada AMISOM ku baxaya hase ahaatee loo baahanyahay in dawladaha ay ka socdaan ciidamada Soomaaliya in hawsha ciidamadu tahay mid loo qabanayo si Afrikaanimo ah.

Shirka uu hadalkaan ka sheegay M/weynaha Uganda waxaa ka qeyb galay madax ay ka mid ahaayeen R/wasaarayaasha Soomaaliya, Ethiopia iyo wakiilo wasiiro u badan oo matalayay dalalka ay ka socdaan ciidamada AMISOM iyo taliyaal ciidan sida uu baahiyay wargayska Daily Monitor oo Uganda kasoo baxa.

Ciidamada AMISOM oo Soomaaliya ku jooga go’aanka Midawga Africa iyo ogolaanshaha Q,M ayaa waxaa dhanka farsamada ka taageero dawladaha deeqaha bixiya iyo Q,M.

DHAGEYSO:-WARKA DUHUR EE RADIO KULMIYE(24-09-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye. Warka Maanta Waxaa si wadajir ah u aqrinayay:Maxamed Axmed Maxamud iyo Maryama Muxudiin Gacal:

Farsamadii:- Shariif Cabdulle Maxamed:-

Halkaan  Ka Dhegeyso Warka duhur Ee Radio Kulmiye KNN:–

War Deg Deg ah:- Afar Carruur ah oo wada dhashay oo ku dhintay Dab ka Kacay Hargeysa

Hargeysa–KNN– Wararka ka imaanaya Magaalada Hargeysa ee Caasimadda Maamulka Somaliland ayaa sheegaya in Afar Carruur ah oo wada dhashay ay ku dhinteen Dab ka kacay Guri ay ka daganaayeen Magaalada Hargeysa gaar ahaan Xaafadda Ibraahin Koodbuur.

Sidoo kale Dabka ayaa la sheegay in Dhaawac Culus uu ka soo gaaray Hooyadii dhashay Afarta Carruurta ah ee ku dhintay Dabka qabsaday Gurigooda.

Saraakiisha Ciidamada Booliska Ee Magaalada Hargeysa ayaa sheegay in ay wadaan Baaritaan ku aadan Dabka ay Carruurtu ku dhinteen ayna gadaal ka soo sheegi doonaan Sababta keentay in Carruurtaan ay ku Gubtaan Dabka qabsaday Guriga ay ka daganaayeen Magaalada Hargeysa.

Todobaadkii la soo dhaafay ayey aheyd markii Guri ay ka daganaayeen Magaalada Kismaayo Qoys ka mida Dadka Barakacayaasha ah uu Dab qabsaday islamarkaana ay ku dhinteen Shan Carruur ah oo wada-dhshay.

Madaxweynaha Hirshabelle oo Maanta tagay Degmada Jalalaqsi ee Gobolka Hiiraan

Jalalaqsi–KNN– Madaxweynaha Maamulka Hirshabelle Maxamed Cabdi Waare iyo Wafdi uu Hogaaminayo oo ay ka mid yihiin Mas’uuliyiinta Maamulka Gobolka Hiiraan ayaa Goor Dhaw gaaray Magaalada Jalalaqsi ee Gobolka Hiiraan.

Madaxweynaha ayaa hadda kulan la leh Maamulka Degmada iyo Saraakiisha Ciidamada AMISOM iyo kuwa Dowladda ee jooga Degmada Jalalaqsi.

Maxamed Cabdi Waare Madaxweynaha Hirshabelle ayaa shalay Socdaal kan la mida ku tagay Degmada Buula-barde ee Gobolka Hiiraan,waxaana uu sheegay in Maamulkiisu uu Xoogga saari doono sidii loo furi lahaa Wadooyinka ay Al-shabaab Go’doomiyeen.

Al-shabaab ayaa Go’doomiyay Magaalooyinka Buula-barde iyo Jalalaqsi iyo sidoo kale Degaanno Hoos yimaada degmooyinkaas.