Templates by BIGtheme NET

Somali News

Dad badan oo ku dhintay Shilal Gaadiid oo ka dhacay Muqdisho iyo Garas-baaley.

Muqdisho-KNN-Ugu yaraan 4 qof ayaa ku dhintay in ka badan 30 kalane waa ay ku dhaawacmeen Labo Shil oo saakay aroortii hore ka dhacday degmada Shibis Gobalka Banaadir iyo deegaanka Garas-baaley ee duleedka magaalada Muqdisho.

Shilkii ka dhacay degmada Shibis ayaa la sheegay in uu ka dhashay Gaari weyn oo ku rogmaday is goyska Nasiib Buunde waxaana saarnaa dhalinyaro badan oo ka shaqeeyo dhismo ka socda Gudaha Garoonka magaalada Muqdisho waxaana Shilkaas ku dhintay 3 qof halka in ka badan 30 kalane ay dhaawacmeen.

Qof ka mid ah dadkii Gaariga saarnaa ayaa KNN u sheegay in Gaari uu ahaa UD ay saarnaayeen ku dhawaad 100 qof ayna intooda badan dhaawacmeen.

Dhinac kale deegaanka Garas-baaley ayaa waxaa isku dhacay Gaari Homey oo shacab waday iyo Gaari Nuuca ay Soomaalida u taqaano (Gaari Dameer) waxaana ku dhintay hal qof oo ah wadihii Gaari Dameerka.

Magaalada Muqdisho ayaa waxaa ku soo batay shilalka Gaadiidka waxaana lagu sheegay Labo arin oo kala ah, inta badan wadooyinka Magaalada Muqdisho oo la dhisay iyo Darawalada oo aan la heyn Qibrad wanaagsan oo ka xeynta Gaadiidka ah Shilkii ugu danbeeyay ayaa Haweeney Uur leh ku dilay Xaafadda Sanca.

Wadooyinka qaar ee la dhisay ayaa u baahan in loo sameeyo Askari jiifo ama Carro Buuro wadayaasha ku qasbaya in aysan Xowli u ka xeyn Gaadiidka.

 

 

Diyaaradaha Dagaalka Maraykanka oo dul-maray Hawada Kuuriyada Wuqooyi.

Muqdisho-KNN-Kuuriyada Waqooyi ayaa uga digtay Mareykanka inay qaadi doonto tallaabo naxariis la’aan ah oo ay isku difaacayso haddii ay u soo muuqato astaan weerrar oo uu Mareykanku la maagan yahay.

Digniinta ayaa timid kaddib markii Wasiirka Arrimaha Dibadda ee Kuuriyada Waqooyi, Ri Yong Ho, uu khudbad ka jeediyay Qaramada Midoobay, kaddib markii diyaaradaha Mareykanka ee bambooyinka rida ee B-1B oo ay galbinayaan diyaaradaha dagaalka ay dul mareen biyaha bariga Kuuriyada Waqooyi.

Wasaaradda Gaashaandhigga Mareykanka ee Pentagon-ka ayaa sheegtay in diyaaradaha Mareykanku ay dul mareen cirifka shishe ee waqooyi halkaas oo ka baxsan xeebaha Kuuriyada Waqooyi.

Khudbad uu Qaramada Midoobay ka jeediyay Wasiirka Arrimaha Dibadda ee Kuuriyada Waqooyi ayuu ku sheegay in Mr Trump uu yahay in nin ‘caqligiisu uusan taam ahayn’.

Waxa uu sheegay si kasta oo cunaqabatayn adag ay Qaramada Midoobay dalkiisa ugu soo rogto ay Pyongyang ay sii wadi doonto barnaamijkeeda hubka nukliyeerka.

Ruushka iyo Shiinaha ayaa labaduba waxa ay ku baaqeen in la soo afjaro hadallada kulul ee sii kordhaya ee ay isdhaafsanayaan labadaasi dal.

Dhanka kale Madaxweynaha waddanka Mareykanka Donald Trump ayaa waxa uu ku eedeeyay Waqooyiga Kuuriya iyo Iiraan inay wada shaqeeyaan, saacado kaddib markii Tehraan ay sheegtay inay tijaabisay gantaal cusub oo ridadiisu ay meel dhexaad tahay.

XIGASHO BBC.

DHAGEYSO:-WARKA SUBAX EE RADIO KULMIYE 8:00AM (24-09-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii saakay ee ka baxay Radio Kulmiye. Warka saakay Waxaa si wadajir ah u aqrinayay ah aqrinayay:-Maxamed Shuriye Nur  iyo  Maryama Muxudiin Gacal:-

Farsamadii:-Maxamed Dalal Maxamuud:-

Halkaan Riix si aad u dhageysato Warka Subax ee KNN:-

Ra’iisul Wasaare Kheyrre oo kulan la qaatay Xoghayaha Guud ee Q.M.

Muqdisho-KNN-Xasan Cali Kheyrre R’iisul Wasaaraha Soomaaliya oo ku sugan Magaalada New York ee Dalka Maraykanka ayaa la kulmay Xoghayaha guud ee QM Antonio Guterres isagoo kala hadlay Xaaladda Soomaaliya.

Ra’iisal Wasaare Kheyrre sheegay in ay ka wadahadleen sidii Q. M. ay usii xoojin la aheyd taageeradda ay siiso Soomaaliya.

Qodobadda ay sidoo kale falanqeeyeen ayaa waxaa ka mid ah sida wax looga qabankaro Abaaraha ka jira Soomaaliya.

Ra’iisal wasaaraha Xasan Cali Kheyrre ayaa u sheegay Xogahayaha Q.M. in Dowladiisa ay u baahantahay Taageero weyn oo ay ka hesho Q.M. isagoo balan qaaday in ay waxqabad la imaan doonto.

Kulankaan ayaa qeyb ka ah kulamo uu Ra’iisal Wasaaraha Soomaaliya maalmahan la qaadanayay Madaxda ka qeyb galayso Shirka Golaha Guud ee Qaramada Midoobay.

Galmudug”Waxaan Puntland ka difaaceyna Shacabka ay ku dileyso Bariga Mudug.

Gaalkacyo-KNN-Taliyaha Gobalka Mudug ee Maamulka Galmudug Hasan Faarax Kaarshe oo wareysi siiyay Idaacadda Kulmiye ayaa sheegay in Ciidamo ka tirsan Puntland ay weeraro toos ah ay ku soo qaadeen Shacab xoolo dhaqato ah oo ku nool Bariga Gobalka Mudug kuwaas oo ka soo jeeda deegaanada Galmudug.

Taliyaha ayaa sheegay in Ciidankaasi ay dad Shacab ah ku dileen shalay Bariga Mudug Gaar ahaan deegaanka Godod taasna aysan Galmudug u dul- qaadan doonin.

“Puntland waxay soo qaatay weerar cad oo xoolo dhaqato lagu dilay waan u dulqaadan weynay waxaana Ciidamo u direen Bariga Mudug si aan u difaacno Shacabkeyna” ayuu yiri Taliye Kaarshe.

Taliyaha ayaa sidoo kale Puntland ku eedeeyay in Maamulkooda uu diiday in ay shaqo galaan Ciidamadii dhawaan loo sameeyay Amaanka Gaalkacyo iyo dhamaan Xadduudaha ay wadaagaan Galmudug iyo Puntland sidaas darteedna Galmudug ka bari tahay dagaalka socdo.

Dhinaca kale xariiro aan la sameynay Saraakiisha amaanka Puntland si aan wax uga weydiino eedeymaha loo soo jeediyay ayaa noo suurta gali weysay in aan helno.

Ma jirto cid ka madax-banaan Galmudug oo KNN u xaqiijisay Xaalada dhabta ah ee ka jirto Goobaha lagu dagaalamayo ee Bariga Gobalka Mudug.

Madaxweynaha Hirshabeelle oo maanta ku wajahan degmada Jalalaqsi

Jalalaqsi-KNN-Madaxweynaha Maamulka Hirshabeelle Maxamed Cabdi Waare iyo wafdi uu hogaaminayo ayaa maanta ku wajahan degmada Jalalaqsi ee Gobalka Hiiraan oo ka mid ah degmooyinka Al-Shabaab ay Go’doomiyeen.

Xildhibaano iyo Wasiiro ka tirsan wafdiga Madaxweynaha ayaa Idaacada Kulmiye u xaqiijiyay in Madaxweynaha uu maanta tagayo Jalalaqsi ee Gobalka Hiiraan Islamarkaana uu kulamo la qaadan doono qeybaha Bulshada degmadaasi.

Maxamed Cabdi Waare Madaxweynaha Hirshabeelle ayaa shalay booqday Magaalada Buula-Barde ee Gobalka Hiiraan isagoo qaabilay Qeybaha bulshada kana soo dhageestay Baahiyaha ay qabaan.

Gobalka Hiiraan ayaa magaalooyin ka mid ah waxaa go’doon Giliyay Al-shabaab wax ka badan 4 sano taas oo Shacabka gilisay Xabsi kor ka furan.

Garoonka Diyaaradaha Magaalada Muqdisho oo shaqo bilaabay 27 Sano ka dib + SAWIRO.

Muqdisho-KNN-Soomaaliya oo muddo dheer u soo taagneed dagaal iyo fowdo oo ay ku weysay kumanaan Shacab ah ayaa sanadihii ugu danbeeyay sameysay hormar dhinacyada bulshada iyo dhaqaalaha ah waxayna taas ay fududeysay in markii ugu horeysay Xalay Garoonka Diyaaradaha ee magaalada Muqdisho shacab ka soo dagaan.

Mas’uuliyiin ka tirsan Dowladda Soomaaliya saraakiisha amaanka iyo shacab badan ayaa xalay goob joog u ahaa markii Muqdisho ay soo caga-dhigatay Diyaarad rakaab ah oo ka soo duushay Dalka Sacuudiga.

Diyaarada ayaa Garoonka ka soo degtay 8:00 Pm xiliga muqdisho waxaana saarnaa shacab soo Gutay waajibaadka Xajka.

Madaxdii ku sugneed Garoonka diyaaradaha ee magaalada muqdisho oo Warbaahinta la hadlay ayaa ku tilmaamay talaabo wanaagsan oo hore loo qaaday.

In Garoonka magaalada Muqdisho uu Habeen shaqeeyo ayaa waqti badan waxaa giliyay Dowladii hore ee Madaxweyne Xasan Shiikh Maxamuud waxaana wixii ka dhanaa shaqadii qabyada aheyd oo ay ka tagtay Maamulkii Madaxweyne Xasan dhameestiray Madaxweynaha Soomaaliya Maxamed C/llaahi Farmaajo.

Muqdisho Diyaarad Shacab kama aysan soo dagin wax ka badan 27 sano markaas oo ay bur burtay Dowladii Soomaaliya.

WARKA HABEEN EE RADIO KULMIYE 8:00PM (23=09=2017)

Muqdisho–KNN:–Dhageystayaasha Radio Kulmiye ee ku xiran Webkeena www.Radiokulmiye.com waxaan idin soo gudbineynaa Warkii Caawa ee Radio Kulmiye waxaa wada aqrinayay:- Xuseen Cabdulle Maxamed  iyo Cabdiwahab Xuseen Muxudiin:-

Farsamadii:-Maxamed Dalal Maxamuud:-

Halkan Hoose ka Dhageeso Warka Habeen Ee Radio kulmiye:–

Madaxweynaha Galmudug oo Xilkii ka qaaday Taliyaha Nabad Sugidda Galmudug”Akhriso”

Cadaado–KNN– Wareegto ka soo baxday Xafiiska Madaxweynaha Dowlad Gobolleedka Galmudug Axmed Ducaalle Geelle Xaaf ayaa Xilkii looga qaaday Taliyihii Ciidamada Nabad Sugidda Galmudug Cali Cilmi Yuusuf Ilkacase.

Halkaan Hoose ka Akhriso Wareegtada

 

Madaxweyne Farmaajo oo Guddoomiyey Shir Ku Saabsan Dar-dar Gelinta Hawlaha Dib-u-eegista Dastuurka”Sawiro”

Muqdisho, Sebtember 23, 2017 – Madaxweynaha Jamhuuriyadda Faderaalka Soomaaliya Mudane Maxamed Cabdullaahi Farmaajo ayaa Xarunta Madaxtooyada ku guddoomiyey shir ku saabsan dar-dar gelinta hawlaha dib u eegista dastuurka.

 

Shirkan waxaa ka soo qayb galay, Guddoonka Golaha Shacabka iyo Aqalka Sare, Raiisul Wasaare ku xigeenka Xukuumadda, Wasiirka Wasaaradda Dastuurka iyo Labada Guddi ee dib u eegista dastuurka.

Madaxweynaha waxaa loogu soo bandhigay shirka, warbixinno ku saabsan halka ay maraayaan qorshayaasha dib u eegsita dastuurka, heerka wada shaqayneed ee ka dhaxeeya laamaha ku howlan, iyo habka looga gudbi karo caqabadaha hortaagan dhammaystirka dastuurka.

 

Raisul Wasaare ku xigeenka Xukuumadda Faderaalka Soomaaliye Mudane Mahdi Maxamed Guuleed ayaa tilmaamay ahmiyadda ay leedahay in laga wada shaqeeyo dhammaystirka dastuurka, si loogu gudbo qorsheyaasha sal-u-dhigista nidaamka Federaalka.

 

Madaxweynuhu ayaa kula dar-daarmay dhammaan masuuliyiintii ka qayb galay shirka in ay ka soo baxaan hawsha adag ee loo xil saaray, isaga oo ka codsaday in muddo 10 maalmood ah ay ugu soo gudbiyaan qorshe howleed dhammaystiran.

“Maanta, haddii aan ka faaiidaysano khibraddeena iyo aqoonteenna waxaan aaminsanahay in aynu ku dhamaystiri karno hawlaha dastuurkeenna si wanaagsan oo sharaf leh, umadduna ku qancaan beesha caalamkuna nagu ixtiraamaan.”

 

Wasiirka Wasaaradda Dastuurka, Xubnaha Guddiga Madaxa bannaan iyo Guddiga Barlamaanka ee la socodka dib-u-eegista Dastuurka ayaa madaxweynha u muujiyey sida ay uga go’antahay ka shaqaynta iyo dhammaystirka dastuurka.

DHAMMAAD