Templates by BIGtheme NET

Somali News

Madaxweyne qaar ka mid ah Ciidankiisa u dhigay Aroos wadareed + SAWIRO.

Istanbuul-KNN-Bishaar Al-Asad Madaxweynaha Dalka Syria ayaa Aroos wadareed u sameeyay boqolaal Askari oo ku dhaawacmay dagaalka ay dowladdiisa kula jirto Ururka Daacish iyo xoogaga ka soo hor jeeda dowladiisa ee Syria.

Madaxweynaha Dalka Syria iyo Ururro ka shaqeeya arrimaha gudaha oo ka jira Dalkaaasi ayaa Aroos wadareed u sameeyay boqolaal ka mid ah Askarta dalkaas oo ku dhaawacmay dagaalka ay dowladda Syria kula jirto Ururka Daacish.

Munaasibaddan ayaa lagu qabtay Magaalada Laatikiya ee dalka Syria,halkaas oo Askarta aroosayay ay xirnaayeen Tuutaha dagaalka halka Gabdhaha loo xiray Taaj ka sameysay Caddaan iyo Calanka Dalka Syria.

Dhacdadii tan ka horreeyay 2013kii ayaa 15 Askari mar qura loo guuriyay Dadka ka hadlay Munaasibaddan ayaa u jeedka ku sheegay in Dadka dalkaas iyo Carruurtooda la jecleysiiyo dalkooda,Askartii naftooda u hurayna loo abaal gudo.

Akhriso-:Isku aadka Tartanka ugu xiisaha badan Soomaaliya oo la sameeyay.

Muqdisho-KNN- Magaalada Muqdisho ayaa mar kale marti gilineysa mid ka mid ah Ciyaaraha ugu xiisaha badan ee kubadda Cagta Soomaaliya taas oo ah tartanka Ciyaaraha Gobalka Banaadir iyo Maamul Gobaleedyada waxa uuna Muqdisho ka furmayaa 8-da Bishaan oo ku beegan Jimcaha todobaadkan.

Maanta ayaa la sameeyay Isku aad-ka Kooxaha waxaana Group (A ) G/Banaadir, Galmudug iyo Jubaland. Group (B) Puntland, Hirshabeele iyo Koonfur Galbeed.

Kooxaha kala matalaya Gobalka Banaadir iyo Jubbaland ayaa todobaadka dhax mari doontaa ciyaarta ugu horeyso ee tartanka lagu furayo waxa ayna Ciyaaraha ka dhici doonaan Garoonka Kubadda Cagta ee Banaadir “Banadir Stadium” oo ku yaala degmada Cabdul Casiis ee Gobalka Banaadir.

Tartankaan ayaa Soomaaliya ka bilaawday sanadkii la soo dhaafay waxa uuna noqday kii ugu xiisaha badnaa oo lagu qabto Muqdisho sanadihii la soo dhaafay waxaana ka qayb galayay Kumanaan Shacab tageerayaal ah.

Sidoo kale tartankii kan ka horeeyay ayaa la sheegay in dhaqaalo badan uu ka soo xarooday, waxaana sababta xiisaha u yeeleysa tartankaan lagu sheegay in ay tahay Shacabka Soomaalida oo noqday Maamul Gobaleedyo ay ku lifaaqan tahay Caatifad qabiil.

Isbadalka dhinaca dhaqaalaha ayaa meelaha sida Xowliga ah looga dareemo ayaa waxaa ka mid ah suuqyada oo dumarka ay soo iibsadaan dhar ama Calan u muuqaal ama midib eg Calanka Maamul Gobaleedka ay taageeraan, Gawaarida aad loo soo kireesto waxaana maalintaas garoonka uu noqdaa mid la ciir ciiraya Gaadiid Shacab iyo Calamo tiro beelay.

Nuxurka-: Khudbadihii laga jeediyay Shirka maalintii Labaad ka socda Muqdisho.

Muqdisho-KNN-Waxaa magaalada Muqdisho maalintii Labaad ka soconaya wejigii 2-aad shirkii London ee arrimaha Soomaliya, kaasi oo ay ka qeyb galayaan madaxda dowladda Soomaaliya,kuwa dowlada Goboleedyada iyo saaxiibada beesha Caalamka,waxaana lagu wadaa in maanta la soo gaba gabeeyo iyadoo Warmurtiyeed laga soo saari doono.

Hadaba Shirka oo haatan socda ayaa waxaa laga jeediyay khudbado kala duwan oo aad muhiim u ah, waxaan ka soo qaadan doonaa nuxurka Khudbadahaasi, waxaana khudbadii ugu horeysay jeediyay Madaxweynaha Soomaaliya Maxamed Cabdulaahi Farmaajo oo ka hadlay Hormaro badan oo dhinaca dhaqaalaha iyo amniga ah oo dowlada sanadkan ay ku talaabsatay, Federaalka, Qorshaha Doorashada 2020 iyo Xiriirka wanaagsan ee ka dhaxeeya Dowlada Federaalka iyo Dowlad Goboleedyada hoostaga

“Hormaro badan ayaan ka sameynay dhinaca Amniga iyo Dhaqaalaha, waxaa naga go’an inaan hirgalino Federaalka, Doorashada 2020 waa mida ugu muhiimsan Siyaasadeena waxaana socda wadatashiyada la xiriira sida ay u dhacayso doorashada, Xiriirka dowlad goboleedyada waa hagaajinay waxaana jirta wadashaqeyn wnaaagsan” ayuu yiri Madaxweynaha Soomaaliya.

Ra’iisul wasaaraha Xukuumadda Soomaaliya Mudane Xasan Cali Kheyre ayaa isna jeediyay khudbad uu kaga hadlay arimo badan waxaana ka mid ahaa Miisaaniyadda Dowlada uu sheegay in lagu hormarinayo adeega Bulshada iyo in Canshuurta shacabka laga qaado oo lagu dhisayo Dugsiyo Waxbarasho

“Muda kadib Miisaaniyadda dowladda ee sanadka 2018 ayaa lagu hormarinayaa adeega Bulshada, Canshuurta shacabka Soomaaliyeed ayaa loogu dhisayaa Iskuulo waxbarasho, Waddanka hore ayuu socdaa” ayuu yiri R/wasaare Khayre.

Sidoo kale waxaa ka hadlay shirka qaar ka mid ah Madaxweyneyaasha Dowlad Goboleedyada, Madaxweynaha Puntland Dr Cabdiweli Maxamed Cali Gaas ayaa sheegay si Kala dambeyntii iyo Sharcigii dalka loo soo celiyo in muhiim ay tahay in la dhameystiro Dastuurka

“Kala dambeyntii iyo sharcigii si loosoo celiyo waxaa loo baahan yahay in Dastuurka dalka la dhameystito, waxaa socda wada hadalo, waa in laga wada qeybgalo lana xoojiyo” ayuu yiri Cabdiweli Gaas

Shariif Xasan Sheekh Aadan Madaxweynaha Dowlad Gobaleedka Koonfur Galbeed ayaa ka hadlay saameynta ka dhalata Fatahaadaha wabiga iyo Abaarta, isagoo sheegay in loo baahan yahay qorshe wax looga qabto.

“Caqabada na haysata waa fatahaada wabiga, sidoo kale Abaarta waa dhibaato na heysata waxaan u baahanahay inaan ka faa’iideysano wabiga oo keyd loo sameeyo, Kaliya markii ay Abaar dhacdo maaha in la gurmado,waxaan u baahanahay qorshe ku talagal ah oo wax looga qabto Abaaraha iyo ka Faa’iidaysi la’aanta Wabiga”ayuu yiri Shariif Xasan.

Madaxweynaha Dowlad Goboleedka Galmudug Axmed Ducaale Geelle Xaaf oo ka hadlay shirka ayaa codsaday in la taageero heshiiska ay wada galeen Galmudug iyo Ahlu sunna

“Galmudug hadii aan nahay waan dambeynaa waa in nala taageeraa, Ahlusuna ayaan la heshiinay Waxaan u bahanahay in nala caawiyo” ayuu yiri Xaaf.

Wasiirka Wasaaradda Dastuurka Xukuumadda Soomaaliya C/raxmaan Xoosh Jibriil ayaa ka hadlay meesha ay marayaan howlaha dastuurka.

“Dib u eegista dastuurka waa hab aad muhiim u ah, si hufan ayaan howsha u wadnaa waxaan tagnay xarumaha dowlad goboleedyada iyo Muqdisho oo aan ku qabanay wadatashiyo Bishii May waxaan la kulanay wasiirada dowlad goboleedyada ee dastuurka”ayuu yiri C/raxmaan Xoosh Jibriil

Wasiirka Arrimaha Gudaha Federaalka iyo Dib u heshiisiinta Soomaaliya Mudane Cabdi Faarax Saciid ( Juxa) oo markiisa hadalka qaatay ayaa ka hadlay hanaanka qaran ee dib u heshiisiinta iyo khilaafaad badan oo guulo laga gaaray

“Wadahalo badan ayaa qaadanay hadii ay ahaan lahaayeen shirarkii madaxda qaranka iyo dowlad goboleedyada, waxaan qabanay shir hanaanka Qaran ee dib u heshiisiinta kaasoo ay ka soo baxeen guulo la taaban karo, Khilaafaadka hada hormaro ayaa laga sameeyay si gaar ah wadahadalada Galmudug iyo Ahlusuna, waxaan kale oo aan wax ka qabanay dhismaha dowladaha hoose ee dalka” ayuu yiri Wasiir Juxa.

Jamaal Xasan Wasiirka Qorsheynta ayaa sheegay in la bilaabay qorshe looga feejignaanayo inay soo laabtaan abaarihii iyo dhibaatooyinkii kale ee saameeyay shacabka .

“Waxaan xaqiijinay in dhibaato mar dhacdaa inaanay soo laaban Qorshaheeda, sida abaarihi dhacay sanadkii hore ilaa sanadkan bartamahiisa,waxaan sameynay qorshaha Taageerada hadii ay ahaan laheyd midka fog iyo kan dhow si looga faa’ideysto kaalmada Bani’aadannimo iyo mida Hormarinta, qorshaha hormarinta Qaranka si joogta ah ayaan uga wadatashanaa anagga iyo dowlad goboleedyada”. Ayuu yiri Mudane Jamaal

Xaliimo Yarey, oo ah Guddoomiyaha Guddiga Doorashada Qaranka ayaa sheegtay in la bilaabay diiwaan galinta Xisbiyada iyo diyaarinta habka diiwaanka Codeeyeyaasha.

“Gudiga doorashada qaranka waxaa uu Diyaariyay qorshe Howleedka, waxaa ka mid ah bilaabida diiwaan galinta Xisbiyada, waxaa diiwaan galinay 7 xisbi, waxaa kale oo aan diyaarinay habka diiwaanka codeeyaasha” ayay yiri Xaliimo Yareey.

Wasiirka haweenka iyo xuquuqul insaanka ee xukuumadda Soomaaliya Deeqa Yaasiin ayaa sheegtay inay ay sameeyeen siyaasadii lagu dhisi lahaa Guddiga Xuquuqul Insaanka.

“Waxaan sameynay siyaasadii dhisida guddiga Xuquuqul Insaanka,waxaana u qoondeenay in lagu qeybiyo 50% Raga iyo 50% Haweenka waxaana ku jira dadka Naafada ah, waan sii wadeynaa sameynta Siyaasadaha Muhiimka u ah ilaalinta Xuquuqda dadweynaha”ayay yiri Wasiirka Haweenka.

Sidoo kale madasha waxaa khudbado ka jeediyay wakiilada beesha caalamka ee shirka ka qeyb galaya waxaana ka mid Safiirka dowladda Sweden ee Soomaaliya Mikael Lindvall oo sheegay in Soomaaliya sanadihii ugu dambeeyay ay ku guuleysatay waxyaabo badan

“Waxyaabaha Soomaaliya ay ku guuleysatay waxaa ka mid ah ka qeybgalinta Siyaasadda ee Haweenka,shirkan waxaa uu muujinayaa hormarka Soomaaliya,Ilaalinta xuquuqda Aadanaha waa muhiim, waa in xooga la saaro qabsoomida doorashada 2020, Dowladeyda waxa ay garab istaageysaa dadka iyo dowladda Soomaaliya,waxaan goaansanay inaan dib eegno taageeradeena, si aan kor ugu qaadno Hormarka ka socda Soomaaliya.

Maxamed Cali Guyo Wakiilka Urur Goboleedka IGAD ee Soomaaliya ayaa Ra’iisul wasaare Kheyre kaga mahad celiyay doorkii uu ka qaatay wada hadalada Galmudug iyo Ahlu sunna, isagoo sidoo kale ka hadlay doorashada iyo arimo kale

“Waxaan kaaga mahad celinayaa Ra’iisulwasaare ka qeyb qaadashada wadahadalkii Galmudug iyo Ahlusunna, Doorashada 2020 qabsoomideeda qof iyo cod waa muhiim”

Ujeedka guud ee shirkan ka socda magaalada Muqdisho ayaa ah in dowladda Soomaaliya ay soo bandhigto waxyaabihii uga qabsoomey shirkaasi oo wejigiisa koowaad ka dhacay magaalada London ee xarunta Dalka Brtian bishii May ee sanadkan 2017.

Xigasho Wakaaladda Wararka Soomaaliya ee SONNA

DHAGEYSO:-WARKA DUHUR EE RADIO KULMIYE(05-12-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye.

Warka Maanta Waxaa si wadajir ah u aqrinayay:Xuseen Cabdulle Maxamed iyo  Farxiyo Xuseen Cali:– 

Farsamadii:-  Maxamed Dalal Maxamuud:-

Halkaan Ka Dhegeyso Warka duhur Ee Radio Kulmiye KNN:–

Saraakiisha Ciidamada Xooga oo gobalka gedo ka baadi goobaya hogaamiyaha ugu sareeya Al-Shabaab

Muqdisho-KNN-Taliyaha Qeybta 43 Aad ee Ciidanka Xoogga Dalka Soomaaliya general cismaaciil Saxardiid  oo la hadlay idaacadda ku hadasha afka ciidamada qalabka sida ayaa waxaa uu sheegay in hogaamiyaha ugu sareeya Al-Shabaab Axmed Diiriye Abuu cubeyda.

Sidoo kale waxaa uu tilmaamay in hogaamiyaha Al-Shabaab uu gaaray degaano ka tirsan gobalka gedo,islamarkaana halkaasi ay ku sii qul qulayaan Dagaalamayaal ka tirsan Al-Shabaab.

Taliyaha ayaa waxaa uu sheegay in maanta halkaasi ciidamada xoogga dalka ay ka bilaabeen howlgal ka dhan ah Al-Shabaab iyo sidii looga saari lahaa degaanada hoostaag gobalka gedo oo ay ku sugan yihiin Shabaab badan.

Waxaa maalmihii la soo dhaafay jiray warar soo baxaya oo sheegaya in Hogaamiyaha  ugu sareeya Al-Shabaab uu gaaray Degaano ka tirsan gobalka Gedo,inkastoo haatan warkaasi uu xaqiijiyay Taliyaha Qeybta 43 aad ee ciidamada Xoogga Dalka.

Hayeeshee Sababata keentay in dagaalamayaasha Al-shabaab ay u gaareen gobalka gedo ayaa lagu sheegay inay tahay kadib markii ay sii kordheen duqeymaha ay diyaaradaha mareykanka ka fulinayaan qeybo ka mid ah gobalada oo ay ku sugan yihiin Al-Shabaab.

Puntland oo sheegtay in Itoobiya ay la Wareegtay Dhul ku yaalla Degaanno ka tirsan Gobolka Mudug.

Gaalkacyo-KNN-Duqa Degmada Gaalkacyo Ee Maamulka Puntland Maxamuud Yaasiin Tumeey oo Saxaafadda kula hadlay Magaalada Gaalkacyo ee Gobolka Mudug ayaa sheegay in Ciidamada Itoobiya ay la Wareegeen Degaanno ka tirsan Gobolka Mudug oo Xilligii Dowladdii dhexe ay joogi jireen Ciidamada Soomaaliya.

Maxamuud Yaasiin Tumeey ayaa Xusay in Ciidamada Itoobiya ay horay ula Wareegeen Degaanka lagu Magacaabo Dogob oo Magaalada Gaalkacyo dhanka Galbeed ka Xiga Qiyaastii 15 KM- islamarkaana Maalmo ka hor ay sidoo kale la Wareegeen Tuulada Beer-dhagaxtuur oo iyaduna ka mida Dhulka Soomaalida Ee ku yaalla Xadka Gobolka Mudug uu la wadaago Itoobiya.

Guddoomiyaha Magaalada Gaalkacyo Ee Maamulka Puntland ayaa Tilmaamay in Degaanka Beer-dhagaxtuur oo Puntland ay dooneysay in ay ka dhagax-dhigto Ceel-biyood ay ka horjoogsadeen Ciidamo Itoobiyaana,waxaana uu xusay Duqa Degmada Gaalkacyo in Itoobiya ay Af-cad ku tiri Dhulkaan waa Dhul Itoobiya.

Hadalka ka soo yeeray Mas’uuliyiinta Maamulka Puntland ayaa imaanaya Xilli Dowladda Itoobiya horay loogu Eedeeyay in ay ka soo Talowday Soodintii Xuduudda Dowladdii Dhexe ee Soomaaliya ay horay u Calaamadeysay.

 

Wasiirka Amniga ” Waan ku guuleysanay amaanka magaalada Muqdisho”

Muqdisho-KNN-Wasiirka amniga Soomaaliya Xildhibaan Maxamed Abuukar Islow  ayaa faah faahin ka bixiyay xaaladda amaan ee Soomaaliya gaar ahaan amaanka magaalada oo maalmihii la soo dhaafay ay ka jirtay xaalad daganaan ah.

Wareysi uu siiyay Telefishanka Qaranka ee SNTV ayaa waxa uu sheegay in Dowladda ay ku guuleysatay diiwaan gilinta Ciidanka Booliska, hadana la ogyahay Tirada Ciidanka, Tayadooda, Goobaha ay joogaan iyo Darajada ay kala leeyihiin Ciidanka.

Wasiirka Amniga Soomaaliya ayaa tilmaamay in ay meel wanaagsan marayso Howgalada laamaha Amniga Soomaaliya ku xaqiijinayaan Amaanka Caasimadda Soomaaliya ee Muqdisho iyo Gobolada Dalka, hadana Guulo wanaagsan laga gaaray.

Wasiirka ayaa soo hadal qaaday in ay wax badan ka hirgaleen Qodobadii kasoo baxay shirkii london ee looga hadlay Arrimaha Amniga Soomaaliya kaasoo ay goobjoog ka ahaayeen Madax kala duwan.

 

Akhriso-:War-Murtiyeedkii laga soo saaray Shirkii amniga ee ka dhacay Muqdisho.

Muqdisho-KNN-Shirka Amniga Qaranka oo Madaxweeynaha Soomaakiya Maxamed Cabdulaahi Farmaajo uu shalay ka Furay Magaladda Muqdisho ayaa Maanta lasoo Gabangabeeynayaa iyado isla shalayba la soo saaray War murtiyeedkii shirka.

War Murtiyeedka lasoosaaray wuxuu sheegayaa in Dib u habeeyn lagu sameeyo Qaybaha Amniga ee Dowladda Faderalka iyo Saaxiibadda Soomaaliya Amniga ka Taageera ay tahay Ahmid weeyn islamarkaana ay qayb katahay Horrumarro laga sameeyay Qodobadii masoo baxay shirkii London.

Wasiirka Wasaaradda Warfaafinta Xukuumadda Soomaaliya Cabiraxmaan Cumar Cismaan Yariisoow ayaa Idacadda VOA-da u sheegay in Dowladda Soomaaliya lagu amanay sida ay u hirgalisay Qodobadii ugu Muhiimsanaa ee kasoo Baxay shirkii london oo ay kamid ahayd isku dhafka Ciidamadda Dowladda iyo kuwa Maamul Goboleedyadda.

Ka Qayb galeyaasha Shirka Amniga Soomaaliya aya waxaa ay ku Hisiiyeen Sadax Qodob oo Mudan inlasiiyo Mudnaanta Koowaad, sadaxdaas Qodob aya u Qornaa Isda.

  1. In la fuliyo Istiraatiijiyadda Amniga Qaranka.
  2. In si deg-deg ah loo horumariyo Qorshaha kala guurka oo kusaleysan Waqti Cad si Masuuliyadda Amniga looga Wareejiyo Ciidamadda AMISOM looguna wareejiyo Ciidamadda Qaranka Soomaaliyeed.
  3. In la siiwado Taageeradda Beesha Caalamka si loo dhiso Awooda ciidamadda Qaranka Soomaaliyeed.

Shirka xiga ee Amniga Qaranka Waxaa lagu bar-bar qaban doonaa Shirka Golaha iskaashiga Soomaaliya ee dhicidoona Bartamaha Sanadka soo socda ee  2018.

Xoreeynta Deegaandda ay maamulaan al-shabaab iyo isku dhafka ciidamadda Dowladda ayaa ah Qoobo muhiim ah oo Dowladda Soomaaliya ay Beegsaneeyso Sanadka soo socda ee 2018.

Qeybta labaad ee shirka oo maanta ka socda Muqdisho ayaa diiradda lagu saaraya arimaha dhaqaalaha iyo siyaasadda halka shalayna laga hadlay oo kaliya arimaha Ciidanka iyo amaanka Soomaaliya.

Madaxweyne Xasan Shiikh Maxamuud oo rajo ka muujiyay Shirka ka socda Muqdisho ee amaanka.

Muqdisho-KNN-Madaxweynihii hore ee Soomaaliya Xasan Shiikh Maxamuud ayaa rajo wanaagsan ka muujiyay in natiijo wanaagsan ay ka soo baxdo Shirka ka socda magaalada Muqdisho ee looga hadlaayo amaanka iyo dhaqaalaha.

Qoraal uu Bartiisa Facebook soo dhigay Madaxweynihii hore ee Soomaaliya Xasan Shiikh Maxamuud ayaa waxa uu ku yiri.

“Shirka ka socda muqdisho waxaan rajeynayaa in ay ka soo baxdo Natiijo wanaagsan oo wax ku ool ah, dhinacyada ka qeyb galaya waxaan filayaa in ay diiradda saaraan sidii dhibka looga saari lahaa Soomaaliya oo dhibaato ku heysato dhaqaalaha, amaanka iyo siyaasadda” ayaa lagu yiri qoraalka Madaxweynaha.

Xasan Shiikh Maxamuud ayaa sheegay in Soomaaliya ay soo kaban doonto waqtiyada dhaw loona baahan yahay iskaashi iyo isku tanasulid.

 

Maxkamadda Ciidamada Qalabka sida oo saakay Afar nin oo shabaab lagu eedeeyay Xukun ku riday.

Muqdisho-KNN-Maxkamadda Ciidamada qalabka sida ee Soomaaliya ayaa maanta Xukun ku riday rag lagu soo eedeeyay in ay ka tirsan Yihiin Al-Shabaab kuwaas oo qaarkood la sheegay in ay  fuliyeen Qaraxyo ka dhacay Magaalada Muqdisho.

Raggaan oo ka kooban ilaa Afar oo dhamaantood rag ah ayaa lagu kala magacaabaa.

  1. C/qaadir Abuukar Shaacir waxaa la sheegay in uu ahaa sirdoon Al-Shabaab u qaabilsan Sahminta Maqaayadaha iyo Hotelada ka hor inta aan la qarxin waxaana goobaha uu samhmiyay ka mid ah Maqaayad ku taala ka soo hor jeedka Hotel Wehliye, ka soo horjeedka maqaayad ku taala Wasaaradda Isboortiga iyo Baar Itaaliya oo ku yaala Makka Al-Mukarama. C/qaadir ayaa lagu Xukumay dil toogasho ah.

 

  1. Maxamed Cumar Akiila ayaa sidoo kale la sheegay in uu ka mid yahay Al-Shabaab ayna wada shaqeyn kala dhaxeysay C/qaadir oo basaas ahaa sidoo kale waxa uu qaabilsanaa soo iibinta Gaadiidka ay Al-Shabaab ku filiyaan Qaraxyada waxaana la sheegay in uu soo iibiyay Gaadiid badan oo Muqdisho lagu qarxiyay. Akiila ayaa lagu Xukumay Xabsi Daa’im ama cimrigaa haku furto.

 

 

  1. Daa’uud Maxamed Cali Waxaa la sheegay in uu ka tirsanaa Al-Shabaab waxa uuna qaabilsanaa Faafinta Afkaarta Al-Shabaab iyo sidoo kale bixinta Lacagaha dadka ka tirsan Shabaab ee qaraxyada fuliya iyo dadka toogta waxaana lagu Xukumay 10 Sano Xabsi Ciidan Ah.

 

  1. C/llaahi ibraahim Geesey oo ah qofka ugu dambeeyo ayaa sidoo kale la sheegay in uu la shaqeyn jiray Labada qof ee ugu horeyso kuwaas oo kala ah C/qaadir Abuukar Shaacir iyo Maxamed Cumar Akiila waxaana la sheegay in uu sidoo kale qaabilsanaa soo dejinta Gaadiidka iyo dambiyo kale waxaana lagu Xukumay 2 Xabsi Ciidan ah.

 

Ragaan ayaa hore loo dhageestay Dacwadaha loo hesto waxaana Xukunkaasi ku dhawaaqay Guddoomiyaha Darajada 1aad ee Maxkamadda Ciidamada Qalabka sida ee Soomaaliya Gaashaanle Sare Xasan Cali Shuute.