Templates by BIGtheme NET

Somali News

(Dhageyso) Cumar Cabdi Rashiid oo Ku taliyay in siyaasada meel la iska dhigo oo lala Dagaalamo Al-Shabaab.

Muqdisho-KNN-Ra’iisul wasaarihii hore ee Soomaaliya Cumar Cabdirashiid Cali  Sharmaake oo ka mid ah Xildhibaanada Aqalka Sare ayaa waxaa markii ugu horeysay ka hadlay Qaraxii dadka shacabka ahaa ee lagu laayay,kaasi oo ka dhacay isgooska Zoobe ee Magaalada Muqdisho.

Waxaa tacsi tiiraanyo leh uu u diray dadkii ku dhintay iyo kuwii ku dhaawacmay qaraxii isgooska Zoobe,intaasi kadib ayuu shacabka ugu Baaqay Cumar Cabdi Rashiid in Hal meel loogu soo wada jeesto Dagaalka lagula jiro Dagaalamayaasha Al-Shabaab.

Sidoo kale waxaa Sharmaake  uu Sheegay in Al-Shabaab ay Cadaawad u qabaan Shacabka Soomaliyeed,isagoona Xusay in muhiim ay tahay inay si wadajir ah ay u wada shaqeeyaan Shacabka Soomaaliyeed iyo Ciidamada Dowlada,si buu yiri loogu hortago Al-Shabaab.

Cumar Cabdi rashiid ayaa waxaa ku taliyay In Xiligan laga Fogaado siyaasada,islamarkaana hal meel loogu soo wada jeesto ciribtirka Dagaalamayaasha Al-Shabaab

Halkan ka Codka Cumar Cabdi rashiid Cali Sharmaake:

Cumar Cabdi rashiid Cali Sharmaake     

Talyaaniga oo Malaayiin doolar ugu deeqay Soomaali,si wax loogu qabto dadkii ku dhaawacmay qaraxii Zoobe.

Muqdisho-KNN-War qoraal ah oo ka soo baxay xafiiska Wasiirka Wasaarada Arimaha Dibada dalka Talyaaniga ayaa lagu sheegay in ay ku deeqday lacag dhan 300,000 oo Euro si ay u siiso Bisha Cas ee Soomaaliyeed,kadib Qaraxii lagu xasuuqay dad shacab ah oo aan waxba galabsanin ay ku dhinteen kuwa kalana ay ku dhaawacmeen,kaaasi oo ka dhacay isgoyska Zoobe ee Magaalada Muqdisho.

Sidoo kale Wasiir  Angelino Alfano ayaa waxaa uu tilmaamay in Talyaaniga uu taageeradiisa Soomaliya uu sii wadi doono,balse si gaar ah waxaa lagu sheegay in talyaaniga ay door muhiim ah ka qaadanayso sidii ay gurmad ugu fidin laheyd muwaadiniinta soomaaliyeed ee lagu laayay isgooska Zoobe.

“Waxaan balanqaadaynaa inay sii wadi doono taageerada aan siinayso Soomaaliya,300,00 oo Euro waxaan ugu tala galnay in wax looga qabto Dadkii ku dhaawacmay qaraxii ka dhacay isgooska Zoobe ee Magaalada” Sidaasi ayaa waxaa lagu yiri warkan qoraalka ah ee ka soo baxay xafiiska wasiirka arimaha dibada Dalka Talyaaniga.

14 Bishan ayay markii Shacab aan waxba galabsan lagu xasuuqay isgooska zoobe ee magaalada muqdisho,iyadoona Dad badan ay ku dhinteen kuwa kalana ay ku dhaawacmeen,inkastoo markii ay mashaqada dhacday ay dalal badan gurmad u sameeyay Shacabka ku dhaawacmay qaraxa.

Hayeeshee weli waxaa soconaya gurmadka loo sameynayo dadkii ku dhaawacmay qaraxii ka dhacay isgooska Zoobe ee Muqdisho.

Al-Shabaab oo sheegatay dilka Xildhibaan ka tirsan Jubbaland.

Kismaayo-KNN-Dagaalamayaasha Al-Shabaab ayaa sheegtay dilkii ka dhacay Kismaayo ee loo geestay Xildhibaan ka tirsan Baarlamaanka Maamulka Jubbaland.

Al-Shabaab ayaa sheegay in dilkaasi ay ka danbeeyeen waxayna sheegeen in dilkaas uu yahay kii ugu horeeyay oo loo geesto Xildhibaan ka tirsan Jubbaland.

In kastoo Al-Shabaab ay sheegteen dilkaasi ayaa warar kale oo ay heshay KNN ayaa xaqiijinaya in dilka Xildhibaanka uu salka ku haayo muran kala dhaxeeyay Mas’uuliyiin kale oo ka tirsan Jubbaland murankaas oo ka dhashay is qab qabsi la xariira dhul ku yaala Kismaayo.

 

DHAGEYSO:-WARKA SUBAX EE RADIO KULMIYE 8:00AM (19-10-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii saakay ee ka baxay Radio Kulmiye. Warka saakay Waxaa si wadajir ah u aqrinayay ah aqrinayay:- Maxamed Qeys  Xasan Maxamed  iyo Xasan Maxamed Aweys:-

Farsamadii:-Shariif Cabdulle Maxamed:-

Halkaan Riix si aad u dhageysato Warka Subax ee KNN:-

DHAGEYSO-:Kacdoonka Shacabka ee ka dhashay Qaraxii Zoobe ma sii socon doonaa?

Muqdisho-KNN-Prof. Maxamed Caalim oo ah aqoon yahaan ka Faalooda Arimaha Soomaaliya ayaa ka hadlay Kacdoonka ka dhanka ah Al-Shabaab ee ka socda magaalada Muqdisho iyo qeybo kale oo ka mid ah gobalada Soomaaliya.

Caalim ayaa sheegay in kacdoonkaan uu yahay mid muujinaya Carada ka dhalatay Qaraxii ka dhacay Isgoyska Zoobe 14-kii Bishaan iyo dhibaatooyin kale oo Al-Shabaab waqtiyo is xig xigay ay ka geesteen magaalada Muqdisho iyo meelo kale oo ka mid ah Soomaaliya.

Shacabka ayuu sheegay in ay dulqaadan waayeen kadibna ay soo banaan baxeyn taasina ay muujineyso in Mustaqbalka Al-Shabaab uu mugdi sii galayo balse loo baahan yahay in Dowladda Soomaaliya ay ka faa’ideysato Kacdoonka Shacabka.

Halkaan ka dhageyso Wareysiga Prof. Maxamed Caalim.

DHAGEYSO-:Dhaawacyadii loo qaaday Suudaan oo la dhigay Isbtaalo aan tayadooda Wanaagsaneen.

Muqdisho-KNN-Waxaa laga deyrinayaa Xaaladda Caafimaad dadkii ku dhaawacmay Qaraxii Zoobe ee magaalada Muqdisho ee la geeyay Isbtaalo ku yaalo magaalada Khartuum ee Dalka Suudaan.

Qaar ka mid ah Waalidiinta la socda Bukaanada loo qaaday Suudaan ayaa Idaacadda Kulmiye u xaqiijiyay in aysan helin wax daryeel Caafimaad ah lana dhigay Isbitaal ay Dowlada maamusho oo aan lagu shaqeyn Sanadihii la soo dhaafay.

Dadka aan la hadalnay iyo sidoo kale Gudoomiyaha Jaaliyada Soomaalida ee Suudaan ayaa sheegay in Isbitaalka la dhigay ay qeyb ka mid ah ka socoto dhismo halka qeybta ay jiifaan oo tayo wanaagsan laheyne laguna tababaro Ardayda Caafimaadka Barta.

Hoos ka dhageyso Wareysi qof ka mid ah dadka la socda dhaawacyada.

120106_057 - My Recording     

 

Faah Faahin ka soo baxeyso Xildhibaan lagu dilay Kismaayo.

Kismaayo-KNN-Warar dheeraad ah ayaa ka soo baxayo dilka Alle ha u naxariistee Xildhibaan Cabdi Xakiin Jaamac Cumar “Tima Farasle” oo ka tirsanaa Baarlamaanka Maamulka Jubbaland kaas oo xalay Fiidkii hore lagu dilay Kismaayo.

Goob joogayaal ayaa Idaacadda Kulmiye u xaqiijiyay in Marxuumka ay toogteen Labo nin oo hubeysan kuwaas oo dilka ka dib la sheegay si Cabsi la’aan ah in ay magaalada u dhaxmareyn mana jirto wax dadaal oo ay Samaayeen Laamaha amaanka Jubbaland.

Ilo lagu kalsoon yahay oo ku sugan Kismaayo ayaa KNN u xaqiijiyay in Marxuumka la dilay loo maleynayo in dilkiisa aysan ka danbeyn Al-Shabaab balse lagu tuhmaayo in uu salka ku haayo muran dhinaca Dhulka oo maalmihii la soo dhaafay ka dhex taagnaa Xildhibaanka iyo Saraakiil kale.

Laamaha amaanka Jubbaland oo aan la hadalnay ayaa ka gaabsaday in ay Faah Faahin ka bixiyaan dilkaasi, balse Shacabka Kismaayo ayaa kuu sheegayo in dilka Xildhibaan Tima Farasle uu salka ku haayo muran dhinaca Dhulka oo maalmihii la soo dhaafay ka dhex taagnaa Marxuumka iyo Xubno kale oo ka tirsan Jubbaland.

Wararka kale oo dheeraad ah oo aan ka helnay Kismaayo ayaa xaqiijinaya in Marxuumka uu dilkiisa geesaty nin ku libisan dareeska Ciidanka Nabad Sugidda Jubbaland kadibna goobta ka baxsaday.

Waa markii ugu horeysay oo Bartamaha Kismaayo lagu toogto Xildhibaan ka tirsan Jubbaland ama Mas’uul xil Culus ka haayo Maamulkaasi.

WARKA HABEEN EE RADIO KULMIYE 8:00PM (18=10=2017)

Muqdisho–KNN:–Dhageystayaasha Radio Kulmiye ee ku xiran Webkeena www.Radiokulmiye.com waxaan idin soo gudbineynaa Warkii Caawa ee Radio Kulmiye waxaa wada aqrinayay:–Xuseen Cabdulle Maxamed  iyo  Cabdiwahaab Xuseen Muxudiin:-

Farsamadii:-Shariif Cabdulle Maxamed:-

Halkan  ka Dhageeso Warka Habeen Ee Radio kulmiye:–

M/weyne Farmaajo “Al-Shabab ayaa ka dambeeyay qaraxii Zoobe”.

Muqdisho–KNN–M/weynaha Soomaaliya Max’ed Cabdullahi Farmaajo oo la hadlay Telefisinka Al-Jazeera ayaa sheegay in marka loo eego sida ay wax uga dhaceen isgoyska Zoobe 14 kii bishaan ay cadaynayso in qaraxaas ka dambeeyaan Al-Shabab.

M/weyne Farmaajo waxaa uu xusay in qaraxii Zoobe uu yahay mid dhibaato badan geystay marka loo eego sida uu dhacayna ay muujinayso ficilada Al-Shabab

In Al-Shabab ay leeyihiin ficilada noocaan oo kale ah willibana ay qaraxyo noocaan oo kale ah ayagu uun geysteen taasoo cadaynaysa buu yiri M/weynuhu in Al-Shabab mas’uul ka yihiin qaraxii Zoobe ka dhacay oo galaaftay nolosha in ka badan 300 oo ruux.

Mar M/weynuhu  ka hadlayay sababta ay Shabab u sheegan waayeen mas’uuliyadda qaraxa ayaa waxaa uu sheegay inay uga gabsadeen khasaaraha uu shacabka u geystay oo badan.

“Waa ay sheegan lahaayeen laakiin waxay dareemeen inta uu le’eg yahay khasaaraha uu geystay sidaas ayay uga aamuuseen laakiin ayagaa geystay” ayuu yiri m/weynaha Soomaaliya Max’ed Cabdulaahi Farmaajo oo la hadlayay Tv,ga Al-Jazeera.

M/weynuhu waxaa uu caalamka ka codsaday inay dawlada Soomaaliya ku gacansiiyaan dagaalka ay Al-Shabab kula jiraan haddii kale ay fikradahooda gaarsiin doonaan dalalka Maraykanka iyo Yurub.

In kastoo Shabab diideen in weerarkaasi iyagu ka dambeeyeen haddana dad badan ayaa aaminsan in Shabab ay ka dambeeyeen weerarkii dadka badan noloshooda galaaftay ee Zoobe ka dhacay.

(Daawo)Madaxweynaha soomaaliya oo ka qeyb galaya banaanbax ka socda garoonka Istaadiyow koonis ee muqdisho

Muqdisho-KNN- Maxamed Cabdullaahi farmaajo Madaxweynahaha Soomaaliya ayaa goordhow tagay garoonka kubada cagta ee Istaadiyow koonis ee degmada cabdi Casiis ee Gobalka banaadir,halkaasi uu ka socdo banaan bax ay dhigayaal boqolaal dadweynaha.maadaama ay kaga soo horjeedaan Qaraxii lagu xasuuqay dadkii shacabka ahaa eek u sugnaa Isgooska Zoobe ee Magaalada Muqdisho.

Sidoo kale waxaa goobta ku sugan R/Wasaaraha Dalka Xasan Cali khayre,Golaha Wasiirada,Xildhibaanada baarlamaanka,gudoomiyaha Gobalka banaadir,ururada bulshada Rayidka ah iyo Dadweyne Aad u fara badan oo kala Yimid Degmooyinka Gobalka Banaadir.

Waxaana weli soconaya khudaha ay jeedinayaan Masuuliyiinta dowlada ee ka qeyb galaya banaanbaxa.

Waxaana Haatan Dadweynaha la hadlayay gudoomiyaha Gobalka banaadir Thaabid Cabdi Maxamed,isagoona Shacabka Soomaaliyeed ugu tacsiyeynayaa dhibaatadii gaartay.

Wariyaheena Axmed maxamed ibraahim ayaa soo sheegayaa in guud ahaan garoonka kubada cagta istaadiyow koonis ay buux dhaafiyeen dadweyne aad u fara badan.

la soco wixii ku soo kordha