Templates by BIGtheme NET

Somali News

Gudoomiyaha gobalka Banaadir oo Culimada Soomaliyeed ugu baaqay in dhalin yarada Soomaaliyeed ay Wacyo geliyaan

Muqdisho-KNN-Gudoomiyaha gobalka banaadir ahna duqa Magaalada Muqdisho Thaabid Cabdi Maxamed mar uu la hadlay war baahinta ayuu ka dalbaday culimadda Soomaliyeed, imaamyada masaajidyada iyo waliba macalimiinta dugsiyada qur’aanka ee ku yaala Magaalada Muqdisho in ay u istaagaan la dagaaalanka afkaarta guracan ee Al-Shabaab ku marin habaabinayaan dhalinyarada Soomaliyeed sida uu hadalka u dhigay.

Sidoo kale  gudoomiye Thaabid ayaa sheegay inay ka doonayaan culimadda Soomaliyeed, macalimiinta dugsiyada qur’anka iyo waliba imaamyada masaajidyada in ay u diyaar garoobaan dagaal lala gelo Al-Shabaab ,maadaama buu yiri ay ku dhameeyeen shacabka soomaliyeed musiibadii Zoobe oo kale, islamarkaana aan ka qeyb qaadanaa dagaal ka dhanka ah ee Al-Shabaab, kaasi oo ay ku dhawaaqday dowladda Soomaliya goor hore.

Halkan ka dhageyso Codka Gudoomiyaha Gobalka Banaadir

Cod 1 Thaabid Cabdi MAxamed     

DHAGEYSO:-WARKA SUBAX EE RADIO KULMIYE 8:00AM (16-12-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii saakay ee ka baxay Radio Kulmiye. Warka saakay Waxaa si wadajir ah u aqrinayay ah aqrinayay:- Cali Mahad Ibraahim   iyo Xasan Maxamed Aweeys  :-

Farsamadii:-Maxamed Dalal Maxamuud:-

Halkaan Riix si aad u dhageysato Warka Subax ee KNN:-

Madaxwaynaha Zimbabwe oo balanqaaday in dimuqraadiyada uu xushmayn doono

Xisbiga haya talada dalka Zimbabwe ee ZANU-PF ayaa taageeray in madaxwayne, Emmerson Mnangagwa, uu noqdo hogaamiyaha xisbiga.

Madaxwayne Mnangagwa ayaa sidoo kale noqonaya musharaxa tartanka madaxwaynanimada ugu qayb gali doona doorashada sanadka soo socda.

Kulanka sanadlaha ee ay yeeshaan golaha fulinta ee xisbiga ayaa waxa xisbiga laga ceyriyay madaxwaynihii hore Robert Mugabe iyo xaaskiisa, Grace,iyo dadkii ay siyaasad ahaan ay aadka isugu dhawaayeen.

Mr Mnangagwa oo khudbad u jeediyay saraakiisha xisbiga ayaa sheegay in hogaankiisa xisbiga,ZANU-PF uu xushmayn doono geedi socodka dimuqraadiyadda.

Waxa uu sheegay in geedi socodka isbadalka lagu samaynayo arrimaha dhulka ay tahay mid joogto ah.

Xilligii uu Mr Mugabe,ahaa madaxwaynaha Zimbabwe ayaa dadka caddaanka ah lagala wareegay beerahooda.

Waa kulankii ugu horreeyay oo ay yeeshaan golaha fulinta ee xisbiga ZANU-PF tan iyo intii uu xilka ka dagay Mr Mugabe.

Robert Mugabe ayaa dalka Zimbabwe xukumayay muddo 37 sano.

Dowladda Federaalka oo sheegtay in ay Xoojineyso la Xisaabtanka Milatariga Soomaaliya

Dowladda Federaalka Soomaaliya, oo in muddo ah waday isla xisaabtanka hay’adaha Dowladda si loola dagaallamo musuqmaasuqa, ayaa bilowday daraasad lagu hubinaayo tirada ciidamada iyo bixinta mushaaraadka si ciidanka loogu dhiirrigeliyo dagaalka lagula jiro kooxaha aragaxisada ah.

Maadaama ay socoto daraasad lagu qiimeynayo awooda ciidanka (Operational Readiness Assessment) ayaa Dowladda Federaalka Soomaaliya iyo Dowladda Mareykanka waxa ay isla garteen in muddo kooban la hakiyo taageerada cutubyo ka tirsan ciidanka XDS si dib u qaabayn loogu sameeyo gargaarka amniga.

Hakinta waxa ay salka ku haysaa keddib markii ay Dowladda Mareykanka soo dirtay guddi baaris ku sameeya meelaha lagu bixiyo kaalmada Mareykanku siiyo ciidamada bishii May ee sanadkan si dib u habeyn loogu sameeyo hannaanka loo caawiyo ciidamada iyo in la xaqiijiyo in kaalmada loogu talagalay ciidamadeenna ay gaaraan meelaha loo qoondeeyay. Guddigaas waxa ay daba socdeen in ay xaqiijiyaan sidii loo isticmaalay kaalmadii ay Mareykanu bixiyeen dhawrkii sano ee u dambeysay.

Markii uu Barlamaanku ansixiyay Xukuumadda uu hoggaamiyo Ra’iisul Wasaare Xasan Cali Khayre bishii Abriil ee sanadkan, waxaan albaabada u furnay saaxiibada naga taageera arrimaha ciidamada si aan u abuurno nidaam ku dhisan daahfurnaan iyo isla xisaabtan.

Iyada oo taasi laga duulayo, waxa ay Dowladda Federaalka Soomaaliya sameysay guddi baaritaan kusoo sameeya tirada iyo tayada ciidamada Milatariga iyo Booliiska, meelaha ay kala joogaan iyo qalabka ay haystaan.

Hakintan wax saameyn ah kuma laha heshiiskii ay labada dhinac kala saxiixdeen 5tii bishan iyo taageerada ay Dowladda Mareykanku ku bixiso cutubyada sida gaarka ah u tababaran ee Ciidamada XDS.

Waxaa xusid mudan in Dowladda Federaalka Soomaaliya ay bilowday in ciidamadeenna lagu diiwaangeliyo qaab electronic ah oo ka hortagaya in la musuqmaasuqo mushaaraadka ciidamada, laguna xaqiijinayo tirada iyo tayada ciidanka.

Dowladda Federaalka Soomaaliya waxaa ka go’an in dib-u-habeyn dhab ah lagu sameeyo ciidamada iyo hay’adaha maaliyadda, lana xoojiyo daahfurnaanta iyo isla xisaabtanka.

Waxaan u mahadcelinaynaa Dowladdda Mareykanka iyo Dowladaha kale ee aan saaxiibka nahay taageerada joogtada ah ee ay la garab taaganyihiin Dowladda Federaalka Soomaaliya oo ay ugu dambeysay heshiisyadii labo dhinaclaha ahaa ee aan wada saxiixannay toddobaayadii lasoo dhaafay.

Sidoo kale, waxaan soo dhaweynaynaa warbixintii Sanduuqa Lacagta Adduunka uu sii daayay toddobaadkii hore kaas oo lagu sheegay in Dowladda Federaalka ah ku guuleysatay qorshihii ay sanadkan ku heshiiyeen hay’adda IMF kaas oo muujinaya in lagu kalsoonyahay hay’adaha maaliyadda dalka.

DHAMMAAD

Soomaali lagu laayahay Dalka Itoobiya

Itoobiya–KNN–Wararka nagasoo gaaraaya deegaano ka mid ah ismaamulka Oromada ee dalka Itoobiya ayaa sheegay in dad Soomaali ah oo tiradooda ay gaareyso 65 qof lagu diley tuullada Gadule ee hoostagta degmada Darullow,Hasa ahaatee, madaxa Warfaafinta deegaanka bariga Harerge ee dowlad gobolleedka Oromada, Cabdirisaaq Maxamed oo la hadlay laamaha Itoobiyaanka ee afafka Oromada, Tigreega iyo Axmaaradda ee VOA, ayaa tirada dadka dhintey ku sheegay 14 qof.

Cabdirizaaq Maxamed waxaa uu intaas ku darey in weerarkan uu ka dhashey duullaan ay ciidamada Liyuu Boliiska ee deegaanka Soomaalida ku soo qaadeen deegaan aan Gadule oo ay ku dileen Askari iyo Qof kale.

Mid kamida Soomaalida ku nool Degaanka uu Weerarku ka dhacay oo la hadlay VOA ayaa sheegay in dadka la dilay ay gaarayaan 65 Qof oo Soomaali ah,kuwaas oo ku jiray Hal Guri oo ay ku Go’doonsanaayeen.

Dhulka ay wada dagaan Oromada iyo Soomaalida Wadanka Itoobiya ayaa dhowr jeer waxaaa ka dhacay Dagaal Dad badan ay ku dhinteen kuwo kalena ay ku dhaawacmeen.

Horay Dowladda Federaalka Itoobiya waxaa ay u sheegtay in ay Xakameysay isku-dhacyadii dhexmaray Qoomiyadda Oromada iyo Soomaalida Itoobiya oo dhowr jeer wada dagaalamay.

Hayeeshee Isku dhacaan soo Cusboonaaday ayaa dadka Soomaalida ee ku nool Itoobiya waxaa ay sheegeen in ay qabaan wal wal ah in la beegsado,Maadaama Rabshaduhu ay hadda Xoogeysteen.

Kalfadhiga Labaad Ee Xildhibaanada Golaha Shacabka oo Maanta la soo xirayo

Muqdisho–KNN– Maanta oo Sabti ah 16-ka December waxaa lagu wadaa in Xarunta Golaha Shacabka Ee Magaalada Muqdisho lagu soo xiro Kalfadhiga Labaad Ee Xildhibaanada Golaha Shacabka Soomaaliya.

Xiritaanka Kalfadhiga Labaad Ee Golaha Shacabka waxaa ka qeyb galaya sida Qorshuhu yahay Guddoomiyaha Golaha Shacabka Prof Maxamed Sheekh Cismaan Jawaari oo Xildhibaanada ka horjeedin doona Qudbadda Xiritaanka Kulamada Baarlamaanka.

Labadii Kalfadhi ee Baarlamaanka Tobnaad ay yeesheen ayaa lagu Meelmariyay Sharciyo Muhiim ah oo la horkeenay Xildhibaanada Golaha Shacabka.

Dhanka kale waxaa Saakay aad loo adkeeyay Ammaanka Wadooyinka soo gala Xarunta Golaha Shacabka oo lagu qabanayo Munaasabadda Xiritaanka Kalfadhiga Labaad Ee Golaha Shacabka.

 

Diyaarado Dagaal oo Xalay Duqeeyay Degaanka Beer-xaano ee Gobolka Jubbada Hoose

Beer-xaano–KNN– Wararka ka imaanaya Gobolka Jubbada Hoose gaar ahaan Degaanka lagu Magacaabo Beer-xaano oo u dhow Magaalada Kismaayo ayaa sheegaya in Xalay Fiidkii Diyaarado dagaal ay duqeeyeen Fariisimo Xarakada Al-shabaab ay ku leeyihiin Degaankaas.

Duqeynta ayaa la sheegay in Diyaaradahu ay la Bartilmaameedsadeen Saldhig Al-shabaab ay ku leeyihiin Degaanka Beer-xaano,waxaana dadka Degaanka laga soo xigtay in Dhowr Gantaal ay ku dhufteen halkaas Diyaaradaha Wax Duqeeyay Degaanka Beer-xaano.

Dhanka kale Saraakiisha Ciidamada Xoogga Dalka ayaa sheegay in Duqeyntaas lagu dilay 15 Dagaalame oo Labo kamida ay yihiin Saraakiil Xilal ka hayay Al-shabaab.

Taliyaha Qeybta 43 Aad ee ciidanka Xoogga Dalka Ggeneral Ismaciil Saxardiid ayaa Warbaahinta Dowladda u sheegay in Labada Sargaal ee Shabaabka ah ay kala ahaayeen Madaxii Sakawaadka Degaanka Beer-xaano iyo kii Amniyaadka Degaankaasi.

Duqeynta Diyaaradeed ayaa loo maleynayaa in ay Fuliyeen Diyaaradaha aan Duuliyaha la heyn Ee laga leeyahay Wadanka Mareykanka,mana jiro wax war ah oo ka soo baxay Mareykanka oo ku aadan Duqeynta Xalay ka dhacday Degaanka Beer-xaano ee Gobolka Jubbada Hoose.

DHAGEYSO:-WARKA HABEEN EE RADIO KULMIYE 8:00PM (15=12=2017)

Muqdisho–KNN:–Dhageystayaasha Radio Kulmiye ee ku xiran Webkeena www.Radiokulmiye.com waxaan idin soo gudbineynaa Warkii Caawa ee Radio Kulmiye waxaa wada aqrinayay:– Cabdiqani Cabdullahi Ibraahim  iyo  Farxiyo Xuseen Cali:– 

Farsamadii:-Maxamed Dalal Maxamuud:-

Halkan  ka Dhageeso Warka Habeen Ee Radio kulmiye:–

D.F. Soomaaliya oo baaq u dirtay Maraykanka, kadib hakintii Saanadda Ciidanka Xoogga.

Muqdisho-KNN-Wasiiru dowlaha Wasaaradda Gaashaandhigga Maxamed Ali Xagaa ayaa ka dalbaday Mareykanka in la kordhiyo taageerada uu u fidiyo Soomaaliya iyo weerarada xagga cirka ee looga horjeedo kooxda Al-shabaab.

Wasiiru dowlaha oo wareysi siiyay The Wall Street Journal ayaa tilmaamay in taageerada Mareykanka ay qeyb libaax ka qaadan karto dadaalka lagu burburinayo kooxda  Al-shabaab ,isla markaana howlgalada dhinaca cirka ah ee diyaaradaha Dronska ay yihiin kuwo muhiim u ah  habka wax ku oolka ah ee taageerada asi.

Hadalada Wasiiru dowlaha ayaa imaanaya xilli dowladda Mareykanka ay sheegeen in ay hakiyeen taageerada dhinaca raashinka,shidaalka iyo lacagihii gunada ee ay bixin jireen sida laga soo xigtay saraakiil ka tirsan waaxda Arimaha Dibadda ee Mareykanka oo la hadlay wakaaladda wararka ee Routers.

Xigasho Wakaaladda Wararka Soomaaliyeed ee SONNA.

Ciidamada Puntland oo weeraray deegaano ay ku sugnaayeen Al-Shabaab.

Booasaaso-KNN-Wararka naga soo gaarayo Buuraha Goolis ee degaanka Galgala gobalka Bari ee Puntland ayaa soo sheegayo in ay halkaasi ku dagaalameyn Al-Shabaab iyo Ciidamada amaanka Puntland.

Saraakiisha amaanka ayaa KNN u sheegay in ay weerarayn Al-shabaab oo damacsanaa in ay weerar jid gal ah ku qaadaan Ciidamada Puntland laga hortagay kadibna uu halkaasi ka dhacay dagaal mudo kooban socday.

Ilaa hada lama oga inta uu gaarsiisan yahay dhimashada iyo dhaawaca ee ka dhashay dagaalkaasi.

Puntland ayaa sheegtay in ay wado qorshe ay ku dooneyso in Al-Shabaab iyo Daacish ay uga saarto dhulkeeda, Labada Koox ayaa ku xoogan Buuraha Gobalka Bari ee Gal-gala waxa ayna dhowr jeer ay weerarayn Xarumaha Ciidanka Puntland.