Templates by BIGtheme NET

Somali News

War Deg Deg ah:- Mid kamid ah Golaha Wasiirada cusub ee Hirshabelle oo is casilay

Jowhar–KNN–Wasiiru Dowlaha Wasaarada Boostada iyo Isgaarsiinta Hir-Shabeelle Ismaaciil Maxamed Culusow oo ka mid ahaa liiska golaha wasiirada ee maanta loogaga dhawaaqay magaalada Jowhar ayaa sheegay inuu iska casilay xilka loo magacaabay.

Ismaaciil Maxamed Culusow ayaa sheegay inaan lagala tashan xilka uu Madaxweynaha Hirshabelle uu u magacaabay oo ah Wasiiru Dowlaha Boostada iyo Isgaarsiinta.

Ku dhowaaqista is casilaada ayaa noqonaysa tii ugu horeysay ee uu ku dhowaaqo mid kamid ah golaha wasiirada cusub ee Hirshabelle.

Madaxweyne Waare ayaa magacaabay gole wasiir oo ka kooban 57 xubnood, iyadoo aanay ku jirin Wasaaradda Haweenka oo aanay wali cidna loo magacaabin.

Xaaladda Magaalada Boosaaso oo Maanta kacsan iyo Ganacsigii oo xiran

Boosaaso–KNN–Waxaa xiran in badan oo kamid ah ganacsiga magaalada Bosaaaso, shirkadaha waaweyn ayaa  albabada u xirey xarumahoodi ganacsiga, sidaas si lamid ah waxaa sameeyey ganacsatada yaryar ee Suuqa weyn ee Boosaaso. Albaabada meheradaha ganacsiga waxaa horfadhiya shaqaalihii iyo mulkiilayaashii ganacsiga, markii la weydiiyo sababta ay ganacsiga u xireen ayey sheegayaan in ay tahay muranka ka taagan dekadda Bosaso darteed, iyo iyaga oo ka cabsi qaba in mudaaharaado dhacaan kuwaas oo sababi kara in ay  soo dhex galaan kuwo boob iyo dhac raadineysa.

In badan oo kamid ah magaalada waxaa lagu arkayaa ciidamo gaaf wareegaya, gaar ahaan dariiqyada muhimka ah. Rugta ganacsiga ee Puntland xarunteeda waxaa taagan ciidamada amaanka oo wata gaari nooca shabaqlaha ah, waxaa wararku sheegayaan in qaar kamid ah ganacsatadu ay ku jiraan xarunta rugta ganacsiga.

Doonyihii iyo maraakiibtii ku xirnaa dekadda Bosaso ayaa ka shiraacdey halkaas waxaana ay baroosinka dhigteen meel aan ka fogeyn dekadda.  Kiraalayaasha Doonyaha iyo qaar kamid ah ganacsatadu waxay diidan yihiin lacagta khidmadda dekadda ee la kordhiyey iyo weliba canshuurta sida ay sheegayaan, maamulka ayaa ku doodaya in dekadda Bosaso ay tahay midda ugu khidmadda yar marka loo eego dekadaha kale ee dalka ka jira.

AMISOM iyo Al-shabaab oo ku dagaalamay Duleedka Degmada Qoryooley Ee G/Sh.Hoose

Danow–KNN– Wararka ka imaanaya Gobolka Shabellaha Hoose gaar ahaan inta u dhaxeysa Degmada Qoryooley iyo Degaanka Danow oo ka wada tirsan Gobolka Shabellaha Hoose ayaa sheegaya in Maanta ay kuwada Dagaalameen Ciidamada Midawga Afrika ee AMISOM iyo Dagaalameyaasha Al-shabaab.

Sida uu soo sheegayo Wariyaha KNN ee Gobolka Shabellaha Hoose Saciid Ra’iis Cali waxaa Dagaalku uu ahaa mid mudo kooban socday,iyadoo ay Labada Dhinac isu adeegsadeen Hubka Nuucyadiisa kala duwan.

Warar Madax banaan oo ay heshay Idaacadda Kulmiye ayaa sheegaya in Ciidamada AMISOM iyo Al-shabaab Labadoodaba uu kala gaaray Khasaare isugu jira Dhimasho iyo Dhaawac.

Goobjoogeyaal ayaa sidoo kale ku soo Waramay in ay Arkeen Gaadiid ay wateen Ciidamada AMISOM oo Khasaare la gaarsiiyay iyo Meydadka tiro kamida Al-shabaab oo Goobta yaalla.

 

Kuuriyada Waqooyi oo sheegtay in ay Maraykanka duqayn karto

Kuuriyada Waqooyi ayaa sheegtay in ay ku guulaysatay tijaabinta nooc cusub oo ah gantaallada ballistic loo yaqaanno ee qaaradaha isaga kala goosha, kaas oo gaari kara dhammaan qaaradda uu Maraykanku ku yaaallo.

War laga sii daayay telefishinka qaranka ayay ku sheegtay in Pyongyang ay hadda xaqiijisay hadafkeedii ahaa in ay noqoto dal quwad Nukliyeer ah leh.

Waa markii koobaad ee ay gantaal ballistic ah tijaabiyaan muddo labo billood ka badan.

Saraakiisha milateriga ee Kuuriyada koonfured waxaa ay shegeen in gantaalkani uu dul maray bariga dalkaasi, kadib markii laga soo ganay meel u dhaw magaalada Pyongyang.

Khubaro ka faalooda arrimaha dalkaasi ayaa sheegay in xukuumadda Pyongyang ay horumarineyso gantaaladeeda, iyadoo uga gol leh inay ku bartilmaameedsato goobaha fog fog sida dalka Mareykanka.

Xarunta wasaarada difaaca ee Pentagon-ka Mareykanka oo ka hadlay tallaabadan ay qaaday Kuuriyada Waqooyi ayaa sheegay in tani ay u muuqato inay tahay gantaallada isaga kala goosha qaaradaha, waxaana la sheegay in gantaalkan ay riday Pyongyang uu socday masaafo dhan Kun kilomitir, kahor inta aanu kusoo dhicin badda Japan.

Puntland oo ka digtay Al-shabaab iyo Daacish in ay soo galaan Magaalooyinka Puntland

Garowe–KNN– Saraakiisha Ciidamada Puntland ayaa sheegay in ay hayaan Xog muujineysa in Al-shabaab iyo Daacish ay qaab dhuumaaleysi ah ku soo galayaan Magaalooyinka waaweyn ee Maamul Gobolleedka Puntland ka dib markii ay Korortay Duqeynta dhanka Cirka ah ee lala bartilmaameedsanayo Saraakiisha iyo dagaalameyaasha Kooxaha Daacish iyo Al-shabaab ee ku sugan Qeybo kamida Puntland.

Saraakiisha ayaa amray Taliyaasha Kontoroolada laga soo galo Magaalooyinka Puntland in Ammaankooda ay Adkeeyaan oo ay Hubiyaan Dadka ka soo galaya ee ka soo gudbaya Kontoroolada.

Hadalka Saraakiisha Ciidamada Puntland ayaa imaanaya iyadoo Dowladda mareykanka ay Dhowr Jeer Duqeeyeen Buuraha Galgala oo ay ku sugan yihiin Daacish iyo Al-shabaab.

 

 

DHAGEYSO:-WARKA DUHUR EE RADIO KULMIYE(29-11-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye.

Warka Maanta Waxaa si wadajir ah u aqrinayay:  Xuseen Cabdulle Maxamed iyo  Maxamed Ahmed Tuuryare:–  

Farsamadii:-  Maxamed Dalal Maxamuud:-

Halkaan Ka Dhegeyso Warka duhur Ee Radio Kulmiye KNN:–

Akhriso-Magacyada Golaha Wasiirada ee Maamulka Hirshabeelle

Jowhar-KNN-Madaxweynaha Maamulka Hirshabeelle Maxamed Cabdi Waare ayaa maanta magacaabay Golahiisa wasiirada oo ka kooban 57 wasiir kuwaas oo u badan dhalinyaro qorba joog ah.

Hoos ka aqriso magacyada Liiska Golaha Wasiirada 

Mukhtaar Roobow oo gaaray Degmada Xudur ee Xarunta Bakool.

Xudur-KNN-Shiikh Mukhtaar Roobow Cali Abuu-mansuur ayaa maanta gaaray magaalada Xudur ee xarunta gobalka Bakool waxaana socdaalkiisa ku wehliya Xildhibaano, Saraakiil Ciidan iyo Wasiirkii hore Difaaca Soomaaliya.

Garoonka diyaaradaha ee magaalada Xudur ee xarunta gobalka Bakool ayaa waxaa ku soo dhaweeyay Xubno ka tirsan maamulka Koonfur Galbeed oo hore halkaasi ugu sugnaa iyadoo ay socdaan kulamo uu la qaadanayo mas’uuliyiin gobalka ka tirsan.

Lama oga waxa uu salka ku haayo socdaalka Mukhtaar roobow ee uu maanta ku gaaray Xudur sidoo kale lama oga mudada uu halkaasi ku sii sugnaan doono.

Warar madax banaan oo ay heshay Idaacadda Kulmiye ayaa sheegaya in Mukhtaar Roobow iyo wafdigiisa ay soo fiirin doonaan Ciidankii Mukhtaar roobow ee ku sugan Abal kuwaas oo aan wali la kulmin tan iyo markii uu isku soo dhiibay Dowladda Soomaaliya.

Dowladda Soomaaliya oo ka hadashay weerar ay Ciidanka Xoogga ku qaadeyn Saldhig ay ku sugnaayeen Al-shabaab.

Afgooye-KNN-Wararka naga Soo gaaraya Deegaanka baladul-amiin oo hoostaga degmada Afgooye ayaa sheegaya in Ciidanka Xooga Dalka ay saakay howlgal ay ka fuliyeen deegankaasi,iyagoona tuulooyin badan ay ka saareen dagaalamayaasha Al-Shabaab.

War kooban uu soo dhigay bartiisa Twitter-ka wasiirka Wasaarada Warfaafinta ee Xukuumada Soomaaliya Eng.Cabdi raxmaan  Cumar  Cusmaan Yariisow ayaa waxaa uu Sheegay in Ciidamada Xoogga ay howlgalkaasi ay qaadeen,islamarkaana Dagaalamayaal badan oo Shabaab ah ay ka baxeen deegaanka.

Wasiirka Warfaafinta Ma’uusan faah faahin in howlgalka ay sameeyeen Ciidamada Xoogga inay ku dileen Dagaalamayaal ka tirsan Al-Shabaab,balse waxaa uu qoraalkiisa ku soo koobay weerarkaas oo kaliya.

“Ciidanka Xooga Dalka ayaa saakay howlgal ay ka fuliyeen deeganka Baladul-Amiin oo hoostaga degmada Afgooye ka sifeeyey maliishiyaadkii argagaxisada Al-Shabaab”

Ciidamada Xoogga Dalka ayaa mudooyinkii dambe waxaa ay howlgalo lagula dagaalamayo Al-Shabaab ay ka Sameynayeen qeybo ka mid ah gobalada Dalka,iyadoona ay xusid mudan tahay in Dagaalamayaal Shabaab ah ay maalmihii la soo dhaafay ay ka baxsanayeen duqeymaha ay fulinayaan diyaaradaha Mareykanka.

Waxaana jirtay in Saldhigyo badan oo ay leeyihiin Al-Shabaab la duqeeyay,islamarkaana la dilay saraakiil iyo dagaalamayaal ka tirsan Al-Shabaab.

Dhawaan ayay aheyd markii Saraakiisha Ciidanka Gobalka Hiiraan ay sheegeen in Shabaab badan ay ka soo baxsadeen gobalada shabeelooyinka iyo jubooyinka,kadib markii ay sii kordheen duqeymaha ay geysanayaan Diyaaradaha Mareykanka.

War deg deg ah -: Golaha Wasiirada ee Hirshabeelle oo lagu dhawaaqay.

Jowhar-KNN-Madaxweynaha Hirshabeelle Maxamed Cabdi Waare ayaa Goor-dhaw ku dhawaaqay Golahiisa Wasiirada oo maalmahaan la hadal haayay.

Golaha wasiirada ee Hirshabeelle ayaa ka kooban 20 Wasiir 20 Wasiir ku xigeyn iyo 17 Wasiiru Dowle kuwaas oo la sheegay in Madaxweynaha ugu tala galay in ay wax ka qabtaan Xaaladda Hirshabeelle.

Goor-dhaw Filo Magacyada Wasiirada.