Templates by BIGtheme NET

Somali News

DHAGEYSO:-WARKA SUBAX EE RADIO KULMIYE 8:00AM (04-10-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii saakay ee ka baxay Radio Kulmiye. Warka saakay Waxaa si wadajir ah u aqrinayay ah aqrinayay:- Cali Ibraahim Cabdullaahi iyo Xasan Maxamed Aweys :-

Farsamadii:-Maxamed Dalal Maxamuud:-

Halkaan Riix si aad u dhageysato Warka Subax ee KNN:-

Madaxweynaha Catalonia oo sheegay inay ku dhawaaqayaan madaxbanaani

Madaxweynaha dowlad goboleedka, Carles Puigemont, ayaa u sheegay BBC in gobolkiisa uu iclaamin doono maalma gudahood inuu ka madaxbanaan yahay Spain.

Madaxweyne Cales Puigdemont, waxa uu uga digay dowladda Spain inay sameyneyso qaladkeedii ugu dambeeyay haddi ay soo faragaliso ayna la wareegto Catalonia.

Hoggaamiyaha Catalonia oo bixiney wareysigiisii ugu horreeyay tan iyo markii ay qabsoontay aftidii lagu murmay maalintii Axada, ayaa sidoo kale waxa uu ku dhalleeceeyay Midowga Yurub inay ku guuldareysteen cambaareynta rabshadaha baahsan ee ay booliisku Spain geysteen, markii ay u dhaqaaqeen inay carqaladeeyaan codbixintii socotay.

Daacish oo sheegatay Dil ka Dhacay Magaalada Boosaaso

Boosaaso–KNN–Kooxo bastoolado ku hubeysan ayaa fiidnimadii  Xalay waxay toogsho ku dileen hal qof oo shacab ah, waxaa kaloo weerarkaas ku dhaawacmay Taliye ku xigeenka Saldhigga Baalade ee magaalada Boosaaso Laba-xidigle Cabdiraxmaan Barre Saalax iyo nin shacab ah.

Weerarkan ayaa wuxuu ka dhacay goob lagu shaaheeyo oo ku taalla isgoyska far irdood ee magaalada Boosaaso.

Maamulka Puntland ayaan weli wax war ah ka soo saarin dhacdadaan.

Kooxda Daacish ayaa sheegtay in ay weerarkaas iyagu gesteen.

Goobjoogayaal ay sheegay in ay baxsadeen nimankii weerarka geystay.

Taliye ku xigeenka iyo ninka shacabka ah ayaa dhaawacooda waxaa lagu dabiibayaa
isbitaalka magaalada Boosaaso.

Madaxweynaha Puntland oo Magacaabay Agaasimeyaal Cusub”Akhriso”

Garowe–KNN–Digreeto Kasoo Baxday Xafiiska Madaxweynaha  Puntland  Cabdiweli Maxamed Cali Gaas oo Xeer  Lr-105, soona baxday Shalay oo taariikhdu aheyd 03 October  2017 ayaa lagu magacaabay Agaasimeyaasha Guud ee Wasaaradaha Arrimaha Gudaha Dawladdaha Hoose iyo Horumarinta Reer Miyiga iyo  agaasimaha Shaqada, Shaqaalaha ee Wasaarada Dhalinyarada, Ciyaaraha iyo shaqada

Wareegtadan ayaa Agaasimaha cusub ee Wasaaradda Arrimaha Gudaha waxaa loo magacaabay  Maxamed Cali Nuur “Jubba”, halka Agaasimihii hore ee Wasaaradda Cabdicasiis Nuur Cilmi loo magacaabay agaasimaha wasaaradda dhalinyarada, shaqada, Shaqaalaha iyo Sportiga ee Puntland

Madaxweynaha Soomaaliya oo Maanta u dhoofaya Wadanka Suudaan

Muqdisho–KNN– Madaxweynaha Soomaaliya Maxamed C/llaahi Farmaajo iyo Wafdi uu Hogaaminayo ayaa Maanta oo Arbaco ah la filayaa inuu u Safro Magaalada Khartoum ee Caasimadda Suudaan.

Madaxweynaha ayaa la sheegay inuu Casuumaad Rasmi ah ka helay Madaxweynaha Suudaan Gen Cumar Xasan Al-Bashiir.

Wafdiga Madaxweynaha Soomaaliya waxaa la sheegay in ay ka mid yihiin Wasiirka Arrimaha Dibadda Soomaaliya Yuusuf garaad Cumar iyo Maareeyaha Tiyaatarka Qaranka Abwaan Cabdi-dhuux Yuusuf Xasan iyo Xubno kale.

Maalmo ka hor ayaa Madaxweynaha Soomaaliya waxaa uu Safar ku tagay Boqortooyada Sacuudiga,waxaana Safarkaas uu ahaa kii Saddexaad ee Sacuudiga uu ku tago tan iyo Markii Madaxweynaha Soomaaliya loo doortay.

Ninkii fuliyey weerarkii Las Vegas oo kaamirooyin ku xiray hotelkii uu deganaa

Booliiska Las Vegas ayaa macluumaad buuxa ka bixiyay heerka uu gaarsiisanaa qorshahihii Stephen Paddock markii uu weerarka toogashada ah uu geysanyay habeenkii Axadii.

Joseph Lombardo oo ka mid ah mas’uuliyiinta Las Vegas ayaa u sheegay BBC in Mr Paddock uu dhawr kaamiro dhigay qolkii uu ka deganaaa hotelkii uu ka geystay weerarka ay ku dhinteen 59 qof.

Waxa uu sheegay sarkaalkan Joseph Lombardo inuu ku dhawaad 50 qori uga tagay qolkiisa, ka hor inta uusan si ula kac ah isu dilin.

Balse booliiska ayaa sheegay inaysan jirin calaamad muujineysa sababta uu weerarkan xasuuqa ah u geystay.

Booliisku waxaa ay ogaadeen in Mr Paddock uusan xiriir la lahayn wax urur argagixo ah oo dibedda ama gudaha Maraykanaka ka dhisan.

Madaxweyne Trump ayaa ku tilmaamay ninkan toogashada geystay inuu ahaa qof shaqisiyan u xanuunsan.

Dhageyso:-Qarax Khasaare Sababay oo ka dhacay degaanka Bariire ee Gobolka Shabellaha Hoose

Bariire–KNN– Wararka ka imaanaya degaanka Bariire ee Gobolka Shabellaha Hoose ayaa sheegaya in Ciidamo ka tirsan Milatariga Soomaaliya Qarax Miino lagula Beegsaday Degaanka Bariire islamarkaana Qaraxa uu geystay Khasaaro isugu jira Dhimasho iyo Dhaawac.

Hal Askari oo ka tirsan Ciidamada Xoogga Dalka ayaa la Xaqiijiyay inuu ku dhintay Qaraxa,halka tiro kalena ay ku dhaawacmeen.

Dhanka kale Ciidamada Dowladda ayaa Toogasho ku dilay Qof Shacab ah,waxaana la sheegay in Qofka la dilay ay Ciidamadu Howlgal ku soo qabteen,iyadoo Goobjoogeyaashu ay sheegeen in Ciidamadu ay dileen Qofkaasi ka dib markii uu isku dayay inuu Ciidamada ka Fikado.

Degaanka Bariire ee Gobolka Shabellaha Hoose waxaa Maalmahaan uu marti geliyay Weeraro Joogto ah oo ay ku soo qaadaan dagaalameyaasha Al-shabaab.

Halkaan Hoose ka dhageyso Codka

War Siciid Raiis Qarax Ka dhacay Bariire     

Madaxweyne Xaaf”Galmudug Maxkamad Sare Ma leh waxa ka soo baxayna waa waxba kama jiraan”

Cadaado–KNN– Madaxweynaha Maamulka Galmudug Axmed Ducaale Geelle Xaaf oo la hadlay Warbaahinta ayaa ka hor yimid Warkii ka soo baxay Guddoomiyaha Maxkamadda sare ee Galmudug Dr Yaxye islamarkaana ahaan in Madaxda Maamulka Galmudug Dhamaantoot Xilka laga qaaday oo hadda Guddoomiye Kuxigeenka Labaad ee Baarlamaanka Galmudug uu Xilka sii haynayo inta Hogaan Cusub laga soo dooranayo.

Axmed Ducaale Geelle Xaaf Madaxweynaha Galmudug ayaa sheegay in aysan jirin wax Maxkamad Sare ah oo Galmudug ay leedahay islamarkaana warka ka soo baxay Mas’uulka sheegtay inuu yahay Guddoomiyaha Maxkamadda Sare ee Galmudug uu yahay been abuur iyo waxba kama jiraan.

“Madaxweynaha Galmudug waa aniga Galmudug wali ma yeelan Maxkamad Sare oo Sharci ah,marka Maxkamad aan sharci aheyn warkeeda Sharci ma noqon karo”ayuu yiri Axmed Ducaale Geelle Xaaf.

Khilaafka u dhexeeya Hay’adda Dowliga ah ee Maamulka Galmudug ayaa gaaray halkii ugu Xumaa,waxaana Maalinba maalinta ka dambeysa Galmudug ka soo baxaya Wareegtooyin iyo Go’aano kala duwan.

Dhageyso:- Sargaal ka tirsan Milatariga Soomaaliya oo lagu dilay Degmada Wadajir

Muqdisho–KNN–Koox Bastoolado wadatay ayaa Xalay Fiid kii ku dishay Degmada Wadajir ee Gobolka banaadir Sargaal ka tirsan Ciidamada Xoogga Dalka Soomaaliyeed oo lagu Magacaabi jiray Gaashaanle Dhexe Maxamed Cali Mursal.

Sargaalkaan ayaa lagu Weeraray Meel u dhow Gurigiisa,waxaana dad Goobjoogeyaal ah ay sheegeen in Dilka ay geysteen Koox Bastooladley ah.

Guddoomiyaha Degmada Wadajir Cumar C/llaahi Xasan oo la hadlay Radio Kulmiye ayaa sheegay in Ciidamada Ammaanka Degmada ay baaritaano ku hayaan Ciddii ka dambeysay Dilka sargaalka ka tirsanaa Ciidamada Milatariga Soomaaliya.

Al-shabaab ayaa sheegtay Mas’uuliyadda Dilka Alle ha u Naxariistee Gaashaanle Dhexe Maxamed Cali Mursal.

Halkaan Hoose ka dhageyso Codka

Guddoomiye     

Dhageyso:- Khilaafka Madaxda Galmudug oo gaaray Heerkii ugu Xumaa

Cadaado–KNN– Iyadoo Shalay Magaalada Cadaado Ee Xarunta KMG Galmudug uu uga dhawaqay Go’aan Culus oo ku saabsan Khilaafka Madaxda Galmudug Guddoomiyaha Maxkamadda Sare ee Galmudug Dr Yaxye Shiikh Cali Maxamed islamarkaana uu sheegay in Madaxweynaha,Kuxigeenkiisa, Guddoomiyaha Baarlamaanka iyo Kuxigeenkiisa ay dhamaantood Xilka ka qaadeen Baarlamaanka Galmudug ayaa Go’aankaas waxaa ka hor yimid C/qaadir Maxamed Cilmi Guddoomiye Kuxigeenka Maxkamadda  Galmudug,waxaana uu sheegay in Dr Yaxye uusan imaan Maxkamadda Galmudug oo warkaasi uu ka sheegay Hotel uu ka dagan yahay Magaalada Cadaado.

Guddoomiye Kuxigeenka Maxkamadda Sare ee Galmudug C/qaadir Maxamed Cilmi ayaa sheegay in aysan jirin wax Go’aan ah oo loo dhan yahay oo ka soo baxay Maxkamadda hadalka Guddoomiyahana uu yahay mid ku kooban oo Dano siyaasadeed ay ka dambeeyaan.

“Guddoomiyaha Maxkamadda Maalmo ka hor waxaa uu Maxkamadda uga yeeray Madaxweyne Kuxigeenka ,Guddoomiyaha Baarlamaanka iyo Xildhibaano,waxaana uu sheegay in ay Dastuurka ku Xad gudbeen oo Maxkamad la saarayo,marka Maanta miyuu waalan yahay Mase Shalay ayuu Waalnaa”ayuu yiri Guddoomiye Kuxigeenka Maxkamadda Sare ee Galmudug C/qaadir Maxamed Cilmi.

Halkaan Hoose ka dhageyso Wareysiga oo faah-faahsan

Galmudug