Templates by BIGtheme NET

Somali News

Hay’ada HRW oo kenya ku eedeysay inay Kufsadeen Haween badan.

War qoraal ah oo ka soo baxay Hay’adda Xuquuqda Aadanaha ee Human Rights Watch ayaa sheegtay in inti lagu guda jiray doorashadi madaxtinimo ee Kenya ka dhacday sanadkan, ay ciidanka boolisku kufsadeen tiro haween ah islamarkaana jirdil u geysteen dad rayid ah.

Warbixin cusub oo soo saartay Hay’addan, ayay ku sheegtay inay dhaceen xad gudubyo baahsan oo dhinaca galmada ah oo loo geystay Dumar, Waxaa kale oo ay ku eedeeysay ciidanka booliska, in ay awood xad-dhaaf ah u adeegsadeen dad mudaaharaadaayay.

Jirdil, dhac iyo dil ayaa ka mid ahaa danbiyada ay Human Rights Watch ku eedeysay ciidamada Booliska Kenya.

Maamulka gobalka hiiraan oo sheegay in dhibaato ku aadan diidmada lacagta Shilinga Somaligaa ay ka jirto gobalkaasi

Muqdisho-KNN-Gudoomiya kuxegeenka dhinaca arimaha bulsdhada ee gobolka hiraan Sheeq Xuseen Xusmaan cali oo La hadlay idaacada kulmiye ayaa sheegay in gobolka hiiraan aay kajito dhiibatoyin badan oo ku Aadan diidmada lacagta  shilinka soomaliga.

Gudoomiye kuxegeenka ayaa tilmamay in arintaasi aay saamesay dadka danta yare ee kunool deganada gobolka hioraan waxaana dowlada dhexe ee somaliaya ugu baaqay in deeganada lacagaha lagadiiday ee gobolkaasi aay geeso lagao  shilin Somali ah si aay xal ugu noqoto dhibaatada wax gu iibsashada Shilinka soomaliga .

Mudooyinkii danbe degano katirsan gobolka hiiran ayaa waxa laga cabanaayay didmada  lacagta shilinka Somaligaah  taasoo aay dhibaato weyn aay  kunoqotay dadka danta yaree  kunool gobolkasi

DHAGEYSO:-WARKA HABEEN EE RADIO KULMIYE 8:00PM (14=12=2017)

Muqdisho–KNN:–Dhageystayaasha Radio Kulmiye ee ku xiran Webkeena www.Radiokulmiye.com waxaan idin soo gudbineynaa Warkii Caawa ee Radio Kulmiye waxaa wada aqrinayay:–  Shuceyb Maxamed Cali  iyo Cumar Maxamed Soomane ;-

Farsamadii:-Maxamed Dalal Maxamuud:-

Halkan  ka Dhageeso Warka Habeen Ee Radio kulmiye:–

Maraykanka oo sheegay in uu joojiyay Saadkii ay siin jirayn Milatariga Soomaaliya.

Muqdisho-KNN-Sida lagu qoray wakaaladda wararka Reuters dawlada Maraykanka ayaa joojisay taageeradda dhanka saadka ah ee uu siin jiray ciidamada Militryga Soomaaliya kadib markii ay soo baxday wax isdabarin lagu eedeeyay saraakiisha ciidanka.

Wakaaladda wararka Reuters oo soo xiganaysa xubno ka tirsan waaxda arrimaha dibbadda Maraykanka waxay sheegaysaa in xukuumadda Washington ay hakad galisay taageeradda dhanka saadka ah ee ay ku bixin jireen militryga Soomaaliya.

Taageeradaas oo iskugu jirta shidaalka iyo cunnada ayaa laga joojinayaa ciidamada sababtuna waxay tahay in guddiga u xilsaaran saadka ciidanka Soomaaliya ay diideen inay hor yimaadaan guddiga ka socday Maraykanka iyo dawlada Federalka oo doonayay inay su’aalo  ka weydiinayaan sida uu ku baxay saadkii ciidanka loogu talo galay.

“Waxaan go’aan ku gaarnay inaa hakad galino dhamaan taageeraddii dhanka saadka ahaa ee aan ku bixin jirnay raashinka iyo shidaalka ciidamada militryga Soomaaliya ku baxa” ayaa lagu yiri warka ay daabacday wakaaladda Reuters ee ay kasoo xigatay saraakiisha waaxda arrimaha dibbadda Maraykanka.

Go’aankaan waxaa uu soo baxay kadib markii saraakiil aan magacyadooda la shaacin oo militryga Soomaaliya ka tirsan ay ku guul daraysteen inay hor tagaan guddi su’aalo weydiin lahaa oo ka socday dawlada Soomaaliya iyo dawlada Maraykanka.

Su’aalahaas waxay la xariireen isla xisaabtan sida warkaan ku qoran.

Waaxda arrimaha dibbada Maraykanka waxay aaminsantahay in si sax aheyn loo maamulay saadka loogu talo galay ciidamada xooga Soomaaliya

Warkaan waxaa sidoo kale lagu sheegay in Maraykanku uu sii wadi doono taageeradda uu siiyo ciidamada gaarka ah ee hawlgalada gaarka ah fuliya dawlada Soomaaliyana kala shaqaynayo in la helo sugnaanta halka uu maro taageerada ciidanka loogu talo galay ayadoo malaayiin dollar lagu bixiyo taageeradda dhanka saadka ah ee ciidanka xooga.

Intii u dhaxaysay bilihii May iyo June guddi isku dhaf ahaa ayaa booqday illaa 9 xero oo ay degenyihiin ciidamada xooga waxaana la ogaaday inay helin wax raashin ah xeryahaasna waxaa ku jiraa illaa 5 kun oo askari.

Xeryaha qaar warbixinta waxaa lagu sheegay in askarta badankood ay iyagoo diwaan gashan haddana xeryaha joogin oo ay saraakiil gaar ah ilaalo u yihiin.

Xeryaha qaarna askar aan hub heysan ayaa jooga sida warbixintaan lagu xusay.

Sidoo kale Maraykanku waxaa uu sheegay inuu joojin doono lacag dhan 100 Dollar oo askarta la siin jiraytaasoo qeyb ka ah qorshaha taageeradda ciidanka xooga Soomaaliya.

Wasiirka gaashaandhiga Soomaaliya Max’ed Mursal ayay Reuters kasoo xigatay inuu qirsanyahay inuu jiro walaac laga qabo halka uu maro taageeradda ciidamada miltryga lagu bixiyo iyo sida loo maamulo.

Wasiirku waxaa uu sheegay inay hadda wadaan qorshe Q,M kala shaqaynayso oo ciidamada xooga lagu diwaan galinayo taasoo ugu dambeyn askari waliba uu mushaarkiisa ku helayo hanaanka koontooyinka bangiyadda.

Maraykanku waxaa uu sheegay in ciidanka Soomaaliya uu ku bixiyay lacag dhan 66 billion oo dollar Todobadii sanno ee lasoo dhaafay hase ahaatee ay ogaadeen in lacagtaas ay ku bixin askartii loogu talo galay ee furimaha jooga.

Taageeradda Maraykanku ka joojiyay ciidanka Xooga Soomaaliya waxay imaanaysaa ayadoo midawga Africa uu la baxayo ciidamadiisa Soomaaliya ka jooga ee magaca AMISOM ku jooga kuwaasoo dawlada Soomaaliya ka caawiya dagaalka ay Al Shabab kula jiraan.

Xigasho Wakaaladda Wararka Reuters

Akhriso-Madaxweynaha Soomaaliland oo magacaabay Golahiisa Cusub ee Wasiirada.

Hargeysa-KNN-Muuse Biixi Cabdi Madaxweynaha Soomaaliland ayaa maanta magacaabay Golahiisa Cusub ee Wasiirada kadib markii shalay lagu Caleema saaray magaalada Hargeysa ee Xarunta Soomaaliland.

Xubnaha Wasiirada ee maanta la magacaabay ayaa gaaraya 23 Wasiir iyo 9 Wasiir kuxigeen, waxaana afar ka mid ah ay ka tirsanaayeen Xukuumaddii Madaxweynaha Talada wareejiyay.

Dr. Sacad Cali Shire ayaa mar kale ku soo laabtay xilkiisa Wasiirka Arrimaha Dibadda, halka Yaasiin Faratoon oo Xukuumaddii Siilaanyo ka ahaa Wasiirka Arrimaha Gudaha loo magacaabay Wasiirka Waxbarashada iyo Sayniska ee Soomaaliland.

Taliyaha Booliiska” Tirada naga dhimatay qarin meyno waa shahiid ciidankeyna geeriyooday”

Muqdisho-KNN-Taliyaha KMG ah ee Ciidanka Booliiska Soomaaliya Gen. Mukhtaar Xuseen Afrax oo shir jaraa’id ku qabtay Dugisga Tababarka Ciidanka Booliiska Soomaaliya ee Iskuul Buluusiya ayaa faah faahin ka bixiyay Tirada Ciidanka ku dhintay Qaraxii saakay ka dhacay Barxadda hore ee Iskuul Buluusiya.

Taliyaha ayaa sheegay in weerarkaasi uu fuliyay nin soo xirtay waxyaabaha qarxa kana yimid dhismo ka sameysan Kartooman iyo Baco la isku xiray oo ku yaala ka soo hor jeedka Iskuul Buluusiya kadibna dhex galay Ciidan quraacanayo waxaana qaraxaasi kaga dhintay 18 Askari 15 kalane ay ku dhaawacmeyn sida uu sheegay Taliyaha.

“qarin meyno ciidankii naga dhintay, waa shahiid alle ayaa naga jeclaaday laakiin cashir ayay noo noqon doontaa waxaana u sheegaya shacabka Soomaaliyeed in aysan wax saameyn ah nagu yeelan doonin, maxaa yeelay waan u diyaarsaneen dhimasho oo waxaan aheyn Ciidan dalkooda daafacaya” ayuu yiri Taliyaha KMG ah ee Ciidanka Booliska Soomaaliya.

Nin soo xirtay waxyaabaha qarxa ayaa saakay Aroortii hore isku qarxiyay Ciidan ku sugnaa barxadda hore ee Iskuul Buluusiya waxaana weerarkii ugu horeeyay oo ka dhaca magaalada Muqdisho wixii ka dambeeyay Qaraxii ka dhacay Hotel Naasa-hablood 2 ee degmada Xamar weyne.

D.F.Soomaaliya” waxaan helnay magaca ninkii ka dambeeyay Qaraxii Iskuul Buluusiya”

Muqdisho-KNN-Shirka Golaha wasiirada Soomaaliya ayaa goor-dhaw ku soo dhamaaday magaalada Muqdisho waxaana looga hadlay qaraxii sababay dhimashada iyo dhaawaca badan ee maanta ka dhacay Iskuul Buluusiya ee magaalada Muqdisho.

Golaha wasiirada ayaa sheegay in ay haayaan xog dheeraad ah oo ku aadan weerarkii ay ku dhintay ugu yaraan 18 qof oo u badan Ciidanka Booliska Soomaaliya sida uu u dhacay iyo magaca qofkii ka dambeeyay weerarkaasi.

Wasiiru dowlaha Xafiiska Ra’iisal Wasaaraha C/llaahi Xaamud oo markii uu kulanka Golaha wasiirada soo dhamaaday Wariyiyaasha la hadlay ayaa sheegay Dowladda ay heyso faah faahin hor dhac ah oo ku aadan ruuxii fuliyay weerarkan.

Xukumadda Soomaaliya ma sheegin magaca qofkii ka dambeeyay weerarka iyo faah faahinta ay haayaan balse waxay sheegeyn in ay Saxaafadda la hadli doonaan markii ay soo dhamaato baaritaanka ay wadaan Laamaha amaanka.

Maamulka Isbitaalka Madiina oo ka warbixiyay dhaawacyadii maanta la gaarsiiyay.

Muqdisho-KNN-Agaasimaha Isbitaalka Madiina Dr Maxamed Yuusuf iyo Guddoomiyaha maamulka Gobalka Banaadir Taabid Cabdi Maxamed oo goor-dhaw Shir jaraa’id ku qabtay Isbitaalka ayaa faah faahin ka bixiyay dhaawacyada Isbitaalka la keenay iyo sida laga yeelayo kuwa ay xaaladooda aad u liidato.

Agaasimaha Isbitaalka madiina ayaa sheegay in saakay la soo gaarsiiyay dhaawacyo gaarayo dhowr iyo toban qof oo ah Ciidan ka tirsan Booliska Soomaaliya oo maanta lagu qarxiyay afafka hore ee Dugsiga Tababarka Ciidanka Booliska ee Gen. Kaahiye.

Dr Maxamed Yuusuf ayaa sheegay in ay ku jiraan dhaawacyo aad u liito kuwaas oo u baahan in dibadda loo qaado sida ugu dhaqsiyaha badan,Gudoomiyaha Gobalka Banaadir Taabid Cabdi Maxamed ayaa balan qaaday in si deg deg ah dibadda loogu qaadi doono dadka ay xaaladooda liidato.

Taabid ayaa canbaareeyay qaraxa waxa uuna sheegay in Ciidamada amaanka ay hayaan xog dheeraad ah oo ku saabsan qofkii ka dambeeyay weerarkaan iyo halka laga soo abaabulay.

DHAGEYSO:-WARKA DUHUR EE RADIO KULMIYE(14-12-2017)

Muqdisho–KNN:–Dhageystayaasha Radio Kulmiye ee ku xira website-ka Idaacada Waxaan halkaan idin kugu soo gudbineynaa Warkii duhur ee ka baxay Radio Kulmiye.

Warka Maanta Waxaa si wadajir ah u aqrinayay:Xuseen Cabdulle Maxamed iyo  Cumar Xabeeb Nur {Tiijar}:– 

Farsamadii:-  Maxamed Dalal Maxamuud:-

Halkaan Ka Dhegeyso Warka duhur Ee Radio Kulmiye KNN:–

Ciyaar Galabta dhaxmari laheyd xulalka kubadda cagta Jubbaland iyo Galmudug oo la baajiyay.

Muqdisho-KNN-Sida laga soo xigtay Xubno ka tirsan Bahda Ciyaaraha Soomaaliya Waxaa la baajiyay ciyaartii galabta dhex mari laheyd xulalka kubadda cagta Jubbaland iyo Galmudug oo ka tirsan Tartanka Ciyaaraha maamul goboleedyada ee ka socda magaalada Muqdisho.

Kulan Golaha Wasiirada Soomaaliya goor dhow yeesheen ayaa lagu go’aamiyay in la baajiyo ciyaarta galabta lama sheegin sababta keentay baaqashada Ciyaartaan.

Kooxaha Ciyaartoyda Jubbaland iyo Galmudug ayaa lagu wargeliyay inay baaqatay ciyaarta galabta, oo aheyd ciyaartii u dambeysay ee Group-ka A.

Lama sheegin xilliga la ciyaari doono ciyaarta galabta baaqatay, hase ahaatee waxay u badan tahay in maalinta nasashada ciyaaraha loogu tala galay in la ciyaari doono, halka maalinta berri oo jimco ah ay ku qorsheysan tahay ciyaarta dhex mari doonta Puntland iyo Koofur Galbeed.

Mas’uuliyiin kala duwan oo aan la xariirnay ayaa sheegay inaysan heyn faah faahin dhab ah oo ku saabsan sababtii loo baajiyay Ciyaartaan, warar aan la xaqiijin ayaa sheegayo in sababo dhinaca amniga ah  loo baajiyay Ciyaartan.