Home / Somali News / Guddiga Doorashada”Ma aqbaleyno Natiijadii uu ku soo baxay Wasiir Nuux”

Guddiga Doorashada”Ma aqbaleyno Natiijadii uu ku soo baxay Wasiir Nuux”

War-saxaafadeed uu soo saaray Guddigga Hirgelinta Doorashooyinka Daban ayaa lagu sheegay inuu Guddigu aqoonsan doonin natiijada Kuraasta hannaanka lagu doortay aysan waafaqsaneyn Xeerka doorashooyinka.

Guddigu waxa uu u arkay doorashadii shalay ka dhacday Magaalada Jowhar ay tahay mid si ayaan darro ah u qabsoontay oo aan waafaqsaneyn xeerka doorashooyinka.

War-saxaafadeedka waxaa kaloo la sheegay in Guddiga oo tixraacaya warqaddii uu Guddiga hore u soo saaray 7-dii Disember ee lagu shaaciyay go’aanka laga gaaray Kursiga Beesha Jiidle, waxaana lagu cadeeyay war-saxaafadeedka in Guddiga Dawlad-goboleedka Doorashooyinka Dadban ee Hirshabeelle uusan sharciyad u laheyn in uu doorasho u qabto Musharax laga reebay tartanka.

Guddiga waxa uu mar labaad ku celiyay in dhammaan Musharaxiintii horey looga reebay tartanka aysan sinnaba uga qeybqaadan Karin hannaanka doorashooyinka dadban ee sanadkan 2016-ka, isagoo guddigu sheegay in uusan aqoonsan doonin natiijada kuraasta hannaanka lagu doortay aysan waafaqsanayn xeerka doorashooyinka.

War-saxaafadeedka waxaa kaloo lagu xusay in Webarka Beesha laga sugayo oo Masuulka ka ah kursigaasi in uu u soo xulo ergo doorasho cusub, ugu dambeyntii waxa lagu sheegay in Guddigu uu ku adkeynayo dhammaan qeybaha ku shaqada leh hannaanka doorashooyinka in ay ilaaliyaan daah-furnaanta iyo ku kalsoonaanta doorashooyinka 2016-ka.

Wararka iyo Barnaamijyada Radio Kulmiye si aad u dhageysato garaac

USA: 0016054755246 / 0017124329566
Switzerland: 0041445133004
UK: 00443309981135
Sweden: 0046812410569
Belgium: 003223033074

About admin

 
Scroll To Top