Muqdisho-KNN-Ciidanka Xoogga Dalka Soomaaliyeed oo Maalmihii Dambe Howlgallo qorsheysan ka waday degaanno ka mid ah Shabeellada hoose ayaa waxay ku guuleysteen in ay soo saaraan Miinooyin Al-shabaab ay ku aaseen Waddada isku xirta Dhanaane iyo Jilib Marko.
Howlgalladan oo ka dhacay degaanno ay ka mid yihiin, Dhanaane, Genershe iyo Jilib-marko ayaa waxay Ciidamadu ku dileen 18 Saraakiil iyo dagaalamayaal ka tirsan Al-Shabaab..
Jeneraal, Axmed Aadan Taliyaha Guutada 1-aad ee Ciidanka Xoogga Dalka Soomaaliya oo la hadlay warbaahinta Dowlada ayaa sheegay in howlgalka qorsheysan ee Ciidamada Xoogga Dalka halkaasi ka fuliyeen ay ku soo saareen Miinoyin ay Al-Shabaab ku aaseen Waddada hareeraheeda, si ay Shacabka iyo Gaadiidkoodaba ugu dhibaateeyaan.
Jeneraal, Axmed ayaa sheegay in Al-shabaab looga guuleystay howlgallada ka socda Dhulka Xeebta ah, isla markaana ay Ciidamadu dib u fureen Waddooyinka ay go’doomiyeen Al-shabaab.
Halkan ka Daawo Sawirada:-
