Baydhabo-KNN-Ciidamada ka tirsan militariga soomaaliya ayaa
gabi ahaanbi la sheegay in ay isaga baxeen deegaannada Deynuunay iyo
Goof-gaduud buurey ee gobolka Baay.
Wararka ayaa sheegaya in dagaalamayaal ka tirsan Al-Shabaab ay saakay la
wareegeen deegaannada ay ka baxeen ciidamada xoogga dalka.
Deegaanka Goof-gaduud buurey ayaa maanta waxaa maamulaya xubno ka tirsan
Al-Shabaab, sida ay goobjoogayaal u sheegeen idaacadda Kulmiye.
Wararka ayaa intaasi waxaa ay ku darayaan in cabsi xoogana ay soo wajahday
dadka ku nool deegaanka Goof-gaduud buurey ee gobolka Bay.
Dhanka kale War qoraal ah oo ka soo baxay Al-Shabaab ayaa waxaa lagu sheegay
in ay si buuxda ula wareegeen Degaanada goofgaduud Buurey iyo Daynuunay ee
gobalka bay.
Deegaanka Deynuunay ayaa waxaa shalay ka dhacay dagaal u dhexeeyay ciidamo
ka tirsan militariga soomaaliya iyo dagaalamayaal ka tirsan Al-Shabaab,
iyadoona dagaalkaasi uu khasaaro soo gaaray dhinacyadii dagaalamay.