Galgaduud-KNN-Dagaalamayaasha Al-shabaab ayaa Odayaal ku xiray deegaan la yiraahdo Galqoryaale oo u dhexeeya Magaalooyinka Guriceel iyo Ceelbuur oo dhamaantooda ka wada tirsan gobolka Galgaduud ee bartamaha Soomaaliya, sida ay KNN u sheegeen dadka deegaanka.
Odayaasha la xiray ayaa waxaa tiradooda lagu sheegay ku dhawaad 40 qof,waxaana halkaasi maamula dagaalamyaasha Al-shabaab.
Sababta odayaashan loo xiray ayaa waxaa lagu tilmaamay in ay tahay Arrimo la xiriira Diyo Al-shabaab ay ka doonayaan odayaashaasi.
Maamulka galmudug ayaan weli ka hadlin falkan ay shabaab kula dhaqaaqeen odayaasha.
Al-Shabaab ayaa kordhiyay dhibaatooyinka kala duwan ay ku hayaan Shacabka ku nool qeybo ka mid ah gobalka galgaduud,
Dhawaan ayay aheyd markii Al-shabaab ay odayaal ku xireen degaan hoostaga degmada Ceelbuur ee gobalka galgaduud.
