Banaanbax weyn ayaa ka soconaya xarunta dugsiga tababarka booliska ee Janeraal Kaahiye, waxaana soo qaban qaabiyey Maamulka gobolka Banaadir,kaas oo looga soo horjeedo dagaalamayaasha Al-Shabaab.
Banaanbaxa ayaa waxaa ka qeyb galaya Guddoomiyaasha degmooyinka Gobolka Banaadir, Haween iyo dhalinyaro u fara badan , kuwaasi oo laga keenay degmooyinka.
Bananbaxayaasha ayaa waxaa ay wataan Boorar ay ku qoran yihiin erayo ay ka mid ah yihiin soo sheeg Al-Shabaab, Ardaydeena waa mustaqbalkeena iyo turkiga waa walaalaheena.
Banaanbaxa ayaa Maamulka gobolka Banaadir waxaa uu sheegay in loogu baroor diiqayo dadkii ku geeriyoodey qarixii ismiidaaminta ahaa ee 28-kii Bishii December ee sanadkii la soo dhaafay ee 2019 ka dhacay Isgoyska Ex-Koontorool Afgooye ee Muqdisho.