Balcad-KNN-Ciidamada xoogga iyo kuwa AMISOM ayaa saakay xiray wadada xiriirisa Magaalooyinka Muqdisho iyo Balcad, kadib markii shalay qarax miino lala eegtay ciidamo ka tirsan Militariga Soomaaliya.
Goobjoogayaal ayaa KNN u sheegay in Dhaq dhaqaaq xooggan ayaa saakay laga dareemayaa wadada isku xirta Magaalooyinka Balcad iyo Muqdisho.
Qaraxa shalay ayaa haleelay mid kamid ah gawaarida dagaalka AMISOM ,waxaana ka dhashay khasaaro isugu jira dhimasho iyo dhaawac.
Ciidamada AMISOM ayaa saakay la soo sheegayaa in ay wadadaasi ay miino baaris ah ka wadaan, islamarkaana gaadiidka iyo dadka u diidaya in ay halkaasi isticmaalaan.
Dhinaca kale maalmo ka hor ayey aheyd markii Al-shabaab ay jidka u galeen kolonyo ka tirsan Ciidamada AMISOM, kuwaasi oo saldhig ku leh deegaanka Golelay ee gobalka Shabeellada Dhexe .
Al-Shabaab ayaa sheegtay in ay dileen 14 askari oo ka tirsan ciidamada dalka Burundi.