Muqdisho-KNN-Wararka ka imaanaya degmada Kaxda ayaa sheegaya in Maanta Ciidamo ka tirsan Milatariga iyo Booliska Soomaaliya ay ku dagaalameen degmadaasi.
Dagaalka ayaa yimid ka dib markii Ciidamo ka tirsan Booliska Soomaaliya ay weerar ku qaadeen goob la sheegay in ay Isbaaro u taalay Ciidamo ka tirsan Milatariga Soomaaliya,kadibna ciidamada kale ay iska caabiyeen ciidankii weerarka soo qaaday.
Dadka ayaa KNN u sheegay dagaalka uu ka dhacay halka loo yaqaano MCH-ka, oo ka tirsan degmada kaxda ee gobalka banaadir, iyadoona la sheegay in Ciidanka Booliska ayay la wareegay goobtii ay joogeen Ciidanka Xoogga dalka.
Inta la ogyahay labo Askari oo ka tirsan Ciidamada xoogga ayaa ku dhintay , iyadoona la sheegay in dhaawac uu soo gaaray Ciidanka Booliska.
