Wararka naga soo gaaraya Gobolka Gedo ayaa waxay sheegayaan in dawlada federaalka Soomaaliya ay mar kale diyaarad sida ciidamo ku gaysay magaalada Doolow ee gobolkaasi.
Ciidamada ay geysay dawladdu magaalada Doolow ayaa waxa ay qayb ka noqonayaan ciidamo boolis iyo militeri isugu jira, kuwaas oo horay u joogay magaaladaasi, degmooyin iyo deeganno kale oo ka tirsan gobolka Gedo.
Degmada Doolow ayaa waxaa maanta laga dareemayaa dhaq-dhaqaaqyo ay sameynayaan ciidamada sida gaarka ah u tababaran ee Gor-Gor , kuwo ka tirsan militeriga Soomaaliya iyo kuwo boolis ah oo isugu jiray Haramcad iyo kuwo horay u joogay gobolka, waxayna saraakiishu sheegeen in dhaq-dhaqaaqyadaas ay ku xaqiijinayaan ammaanka deegaanada gobolka Gedo.
Taliyaha xasilinta gobolka gado Bakaal Kooke oo la hadlay warbaahinta ayaa sheegay in Al-shabaab laga saari doonno gobolka gedo, waxaa uuna fariin culus u diray dadka ku sugan gedo oo uu sheegay in ay bixiyaan warbixinada gobolka.
