Wasiir ku-xigeenka Wasaaradda Gaashaandhigga Xukuumadda Federaalka Soomaaliya Cabdifataax Qaasim ayaa waxaa uu ka hadlay howlgalada ka dhan ah Al-shabaab ee ka socda Gobolada Hiiraan iyo Shabeellada Dhexe.
Wasiirka ayaa sheegay in Ciidanka dowladda howlgalkii ugu dambeeyay ay ka sameeyeen deegaano hoostaga degmada Buulo-burde ay ku dileen xubno ka tirsan Al-shabaab.
Sidoo kale Wasiir ku-xigeenka Gaashaandhigga ayaa sheegay in dagaalo kale oo ka dhacay deegaano ka tirsan Gobolka Hiiraan Al-shabaab looga qabsaday hub badan oo uu sheegay in la soo bandhigay.
Dhanka kale wasiirka oo ka hadlay howlgaladii ugu dambeeyay ee Ciidanka dowladda ay ka sameeyeen Shabeellada Dhexe ayaa sheegay in ay ciidanka xoogga la wareegeen degaano hor leh oo ay ku sugnaayeen Al-shabaab, islamarkaana khasaaro xoogan la gaarsiiyay.