Dib u dhac ku yimid Shirkii lagu xalinayay Galmudug.

Muqdisho-KNN-Waxaa maanta lagu waday in magaalada muqdisho ka furmo shir lagu dhex-dhaxaadinayo madaxda gal-mudug ee uu khilaafka blase waxaa lagu soo waramayaa in dib u dhac uu ku yimid shirkii uu ku baaqay madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo, kaasi oo lagu dhex dhexaadin lahaa madaxda Galmudug ee uu ka dhaxeeyo khilaafka xoogan.

Shirkan oo qorshaha uu ahaa inuu furmo maanta oo bisha September ay tahay 24, ayaa waxa uu ujeedkiisu ahaa sidii xal-waaraha looga gaari lahaa xaaladaha cakiran ee ka jirta degaanada gal-mudug oo ay ugu horeyso khilaafka u dhaxeeyo madaxda ugu sareysa Maamulka Galmudug.

Shirkan ayaa inuu dib u dhac ku yimaado waxey timid kadib markii madaxweynaha Galmudug Axmed Ducaalle Geelle uu ku gacan seeray baaqa Farmaajo, wuxuuna tilmaamay dhibaatada Galmudug ay kaga timaado madaxtooyada Soomaaliya islamarkaasina halkaasi laga soo abaabula sida lagu yiri war-saxaadadeed kasoo baxay madaxtooyada gal-mudug

Dhinaca kale garabka kale ee uu hoggaamonayo madaxweyne ku xigeenkii gal-mudug maxamed cabdi xaashi carabey oo lahadlay KNN ayaa sheegay in garabkooda shirkaas ay soo dhaweynayaan islamarkaasina in ay ka qeybgalaan shirka diyaar ay u yihiin.

Khilaafka galmudug ayaa salka waxaa uu ku hayaa sida masuuliyiinta maamulkaas ay sheegeyn midowgii labada maamul ee ahlu-sunna iyo gal-mudug