Itoobiya-KNN-Negeri Lencho Wasiirka Warfaafinta Dowladda Itoobiya ,ayaa Maamulka Somaliland Waxaa uu ku eedeeyay in 3,000 oo Oromada ay Si Awood ah uga Qixiyeen degaannada Waqooyiga ee uu ka arimiyo Maamulka Somaliland.
Sidoo kale Wasiirka ayaa sheegay in Oromada lagu bartilmaameedsaday degaannada Maamulka Somaliland iyo Ismaamulka Soomaalida ee Itoobiya,Waxaa uuna ku baaqay in arrintaas la joojiyo.
Waxaa uu Tilmaamay Wasiirka Warfaafinta in dowladda Federaalka Itoobiya ay waddo baaritaan la xiriira wixii ka dhex dhacay Oromada iyo Soomaalida.
30,000 oo Soomaali iyo Oromo ah ayuu sheegay wasiirka warfaafinta inay ka barakaceen labada ismaamul ee Oromada iyo Soomaalida,hayeeshee arrintaasna ay dowladda Itoobiya xil weyn iska saartay Sida uu hadalka u Dhigay Wasiirka Warfaafinta Itoobiya.
Ugu Dambeyntii 43 Qof oo Soomaali ah ayaa lagu dilay magaalada Hawaay ee Oromada Dalka Itoobiya,halkaas oo uu ka dhashay dagaal isir ah oo u dhaxeeya Oromada iyo Soomaalida.
Waxaana jira in Saameyn Arintan ay ku yeesheen Soomaalida ku nool Deegaanada Ismaamulka Soomaalida Itoobiya.
