Diyaarado dagaal ayaa waxaa ay duqeymo la beegsadeen saldhigyo Al-Shabaab ay ku leeyihiin degmada Bu’aale ee gobolka Jubbada Dhexe.
Duqeynta ayaa la sheegay in lagu dilay saraakiil iyo dagaalamayaal ka tirsan Al-Shabaab.
Injineer Cabdi Xuseen Shiikh Maxamed Wasiirka Wasaaradda Wafaafinta ee dowlad goboleedka Jubbaland ayaa sheegay in duqeymahaas lagu beegsaday saraakiil sar sare oo ka tirsan Al-Shabaab.
Wasiirka ma uusan sheegin magacyada saraakiisha duqeynta lagu dilay, iyo taradooda saxda ah.
Dhanka kale ma jiraan weli wax war ah oo ka soo baxay dagaalamayaasha Al-Shabaab.