Muqdisho-KNN-Xildhibanada Golaha shacabka ee Baaralamanaka Soomaaliya ayaa waxaa ay kulan ku yeesheen magaalada muqdisho, waxaa ayna kulankooda kaga hadleen dhacdadii dhawaan ka dhacday degmada Yaaqshiid ee Gobalka Banaadir, Taasi oo ku aadaneed in qoys dhan ay dileen , kadibna ay gubeen nin lagu magacaabi jiray Axmed Mukhtaar Saalax .
Xildhibaanada kulanka ku sugnaa ayaa waxaa ay aad ugu doodeen falka loo geystay Axmed Mukhtaar, waxaa ayna ku tilmaameen mid ka baxsan diinta islaamka.
Xildhibaanad Aamina Maxamed Cabdi Gudoomiye Ku-Xigeenka Gudiga Arimaha Bulshadda Golaha shacabka ee Barlamaanka Soomaaliya Ayaa si kulul arintaasi ugu hadashay, waxaa ayna sheegtay in arintaasi ay tahay mid aan loo dulqaadan Karin.
Sidoo kale Xildhibaan Aamina ayaa mudanayaasha Golaha Shacabka ugu baaqday in Arintaasi ay ka dhiidhiyaan.
Xildhibaanad Aamina Ayaa Ka Codsatay Hay’adaha Garsoorka Ee Dawladda soomaaliya in falkaasi ay jawaab Deg-Deg ah ka bixiyaan.
Xildhibaan Cabdi Shire Ciyaar Jecel ayaa dhankiisa sheegay in uusan seexan afartii habeen ee ugu dambeeysay sababo la xiriira falka naxdinta leh ee loo geystay Axmed Mukhtaar Saalax.
