Muqdisho-KNN-Guddomiyaha Gobolaka Banaadir Cabdiraxmaan Cumar Cusman Yariisow, Wasiirka Dhalinyarada iyo Cayaaraha Marwo Khadiijo Maxamed Diiriye iyo xubno kale oo ka socday Wasaaradda Dhalinyarada iyo Cayaaraha ee Xukuumadda Soomaaliya ayaa maanta Dhagax dhigay wadada hormarta Garoonka Kubadda Cagta ee Stadium Muqdisho.
Mas’uuliyiintaas ayaa waxa ay sheegeen in dhismaha Garoonku uu marayo meel gabagabo ah.
Guddoomiye Yariisow oo warbaahinta kula hadlay halka dhismaha wadada laga bilaabay ayaa sheegay in wadadaas ay muhiim u tahay isku socodka dadka iyo gaadiidka iyo sidoo kale adeegsiga Garoonka Kubadda Cagta ee Stadium Muqdisho
Kadib markii ay ciidamda AMISOM ka bexeen Garoonka kubadda Cagta ee Stadium Muqdisho ayaa dowladda Soomaaliya waxa ay dib u dayactir ku bilowday dhismaha uu ka koobanyahy Garoonka Stadium Muqdisho.
