Muqdisho-KNN-Wareegto kasoo baxday xafiiska Madaxweynaha maamulka Puntland Cabdiweli Maxamed Cali Gaas ayaa waxaa xilka looga qaday Gudoomiyaha Gobalka Nugaal Cumar Cabdulaahi Farawayne, isagoona magacaabay gudoomiye cusub.
Xilkan ayaa waxaa loo magacaabay Cabdisalaan Xasan Xirsi (Gujir), waxaana uu badalidoonaa guddoomiyaha xilka laga qaaday Cumar Cabdulaahi Farawayne, kaasoo saddexdii sano ee ugu dambeysay ahaa guddoomiyaha gobolka Nugaal.
Waa guddoomiyihii afaraad oo madaxweyne Gaas gobolka Nugaal uu u magacaabo, tan iyo markii uu xilka la wareegay sannadkii 2014.
