Muqdisho-KNN- Xildhibaanada Golaha Aqalka Sare ee Baarlamanka Soomaaliya ayaa maanta meelmariyay Dhismaha Gudiga la Dagaalanka Musuq maasuqa oo ay horey u soo ansixiyeen Golaha Shacabka.
Kulanka ayaa maanta waxaa soo xaadiray 31 senator oo jka tirsan Golaha Aqalka Sare ee baarlamaanka Soomaaliya, iyadoona uu shir gudoominayay gudoomiyaha Golaha Aqalka Sare, Senator Cabdi Xaashi Cabdullaahi.
Gudoomiyaha Guddiga Garsoorka, Arimaha Diinta iyo Awqaafta, Xuquuqul Insaanka, Haweenka Iyo Caruurta, Zamzam Ibraahim Cali ayaa ka hor aqrisay sanatarada Golaha Aqalka Sare, iyadoo dul istaagtay talooyinkii lagu daray akhrinta koowaad iyo akhrinta labaad.
Sidoo kale Kulanka ayaa waxaa ku sugnaa wasiirka wasaarada cadaalada, Abuukate Xassan Xuseen Xaaji.
