Walaasha hogaamiyihii hore ee Kooxda Daacish dhawaanna ladilay ee Abu Bakr al-Baghdadi ayaa lagu qabtay waqooyiga dalka Suuriya Sida ay sheegeen masuuliyiinta dowladda Turkiga haweenaydan oo 65 sano jir ah ayaa lagu qabtay meel u dhaw magaalada Azaz.
Masuuliyiinta Turkiga ayaa sheegay in qabashada haweenaydan ay u fududaysay kadib markii ay heleen xogo sirdoon oo ku saabsan kooxda Daacish.
Ciidamada gaarka ah ee dowladda Mareykanka ayaa horay u sheegay in hogaamiyihii kooxdan Al-Baqdaadi uu isdilay xilli bishii lasoo dhaafay ay hawlgal ka sameeyeen waqooyi galbeed ee dalka Suuriya.
Dilka Al-Baqdaadi ayuuna madaxwaynaha Mareykanka ku sheegay in ay tahay guul wayn oo dowladda Mareykanka usoo hoyatay.
