Ceel-Macaan-KNN-Degaanka Ceel-macaan ee gobolka Shabeellaha Dhexe ayaa maanta waxaa ka dhacay is rasaaseyn u dhexeysay ciidan hubeysan oo ilaalo ka hayay Kaawo ku taalla degaanka Ceel-macaan iyo ciidan la sheegay inuu watay wasiiru dowlaha wasaaradda gaadiidka iyo dekadaha maamulka Hirshabeelle Cusmaan Xaadoole.
Wariyaha KNN ee Shabeelaha Dhexe ayaa soo sheegaya in marka hore labada ciidan ay wada murmeen, kadibna uu dagaal ka bilowday, iyadoona israsaaseyntaasi uu khasaare ka dhashay.
Inta la ogyahay 5 qof ayaa ku dhintay tiro intaa ka badan waa ay ku dhaawacmeen,iyadoona dadkii ku dhaawacmay loo soo qaaday isbitaalka Keysaney ee ku yaala magaalada Muqdisho.
