Afgooye-KNN-Amaanduulaha Ciidanka xoogga dalka , Odowaa Yuusuf oo la hadlay warbaahinta , ayaa sheegay in cutubyo ka tirsan Ciidanka Xoogga Dalka Soomaaliyeed ay howl-gall ka dhan Jid gooyooyin yaallay degaanno ka tirsan Gobolka Shabeellada hoose ka sameeyay Degmada Afgooye iyo nawaaxigeeda.
Waxaa uu sheegay Amaanduulaha in Gacanta ay ku soo dhigeen Shan ka mid ah Kooxihii ay Jid-gooyada u yaallay iyo Hubkii ay wateen.
Odowaa Yuusuf , ayaa sheegay in ay u taagan yihiin difaaca Dalka, isla markaana aysan u dulqaadan doonin in la dhibaateeyo Shacabka, waajibna uu ka saaran yahay Ciidanka Xoogga Dalka Soomaaliyeed.
Ciidanka ayaa difaacyo cusub ka sameystay degaanno hoos-taga Afgooye, si loo adkeeyo ammaanka guud ee Gobolka Sh.Hoose iyo kan Degmada intuba.