Muqdisho-KNN-War qoraal ah oo lagu dabaacay barta Twitter-ka ee Madaxtooyada Soomaaliya ayaa Madaxweyne Farmaajo waxa uu isugu yeeray madaxda gobollada shir wadatashi ah.
Sirkaasi waxaa uu dhici doonaa 17-18 bishan September waxaana lagu qabanayaa magaalada Muqdisho, sida qoraalka lagu sheegay madaxdu waxay ka arinsan doonaan dardar galinta arrimaha Golaha Ammaanka Qaranka.
Madaxweyne @M_Farmaajo ayaa shir wadatashi ah ugu yeeray Madaxda Dowlad Goboleedyada dalka. Shirkaas oo ka dhici doona magaalada Muqdisho 17ka ilaa 18ka Sebteembar, 2018 ayaa looga wada-tashan doonaa dardargelinta hawlaha muhiimka ah ee horyaalla Golaha Amniga Qaranka.
— Villa Somalia (@TheVillaSomalia) September 8, 2018
Shirkan ayaa ah mid deg deg ah, kaa oo u eg in lagu xallinayo dhiilada madaxda Dawlad goboleedyada kasoo yeertay, gabagabadii shirka Kismaayo.
Waxa ay u muuqataa in meeshii ugu xumeed uu marayo xiriirka Dawlad goboleedyada iyo Dawladda dhexe tan iyo intii la unkay nidaamka federaalka oo hab-dhiska Dawliga ah ee Soomaalida uu xilligan ku jaan go’anyahay.
