Hargeysa-KNN-Madaxweynaha Somaliland, Muuse Biixi Cabdi, ayaa kulan gaar ah Waxaa uu la qaatay xubno ka kala socda Q.M iyo urur-goboleedka IGAD,Waxaa ayna ka wada hadleen sidii loo joojin lahaa colaada ka taagan deegaanka Tuke-raq ee gobalka Sool.
Masuuliyiinta uu madaxweynaha la kulmay ayaa waxaa ka mid ah ku-xigeenka ergayga gaarka ah ee xoghayaha guud ee Qaramada Midoobay u qaabilsan Soomaaliya, Mr. Raisedon Zenenge iyo Ergeyga urur goboleedka IGAD u qaabilsan arrimaha Somaaliya Amb Mohamed Ali Guyo,
Wasiirka arrimaha dibadda, Dr. Sacad Cali Shire, oo warbaahinta la hadlay waxaa uuna sheegay in madaxweynaha Soomaaliland iyo xubnaha ka socda Q.M iyo Urur gobaleedka IGAD ayaa waxaa isku afgarteen in la ilaaliyo deganaasha deegaanka TUKARAQ ee uu dhawaan ka dhacay dagaal u dhexeeya Soomaaliland iyo Puntland.
Degaanka Tukeraq ayaa waxaa Mudooyinkii ugu dambeeyay ka taagnaa Colaad u dhexeeysa Maamulada Puntland iyo Soomaaliland,iyadoona taasi saameyn ku yeelatay Shacabka ku nool degaankaasi,inkastoo Beesha Caalamka iyo dowlada dhexe ay wadaan dadaalo lagu daminayo colaada ka taagan degaankaasi.
