Muqdisho-KNN-War qoraal ah oo ka soo baxay Wasaaradda arrimaha dibadda Mareykanka ayaa shalay oo Khamiis aheyd soo saartay warqad waxa ay liiska Argagixisada ku dartay kooxda Jamaactu Al Hijra oo la sheegay inay ka hawlgasho Soomaaliya iyo Kenya, islamarkaana ay xiriir u dhow la leedahaydagaalamayaasha Al-Shabaab.
Wasaarada ayaa waxaa ay sheegtay in isbadal badan klagu sameeyay jadwalka ay ku jirtay dagaalamayaasha Al Shabaab oo Soomaaliya u qaabilsan ururka Al Qaacidda, iyadoona wasaarada qoraalkeeda ku sheegtay in ay balaarisay in liiska Argagixisada ku soo dartay ururka Jaamacatu Al-Hijra.
Sidoo kale Wasaaradda ayaa sheegtay in kooxda Al Hijra la asaasay sanadkii 2008-dii waxaana lagu dhisay magaalada Nairobi ee dalka Kenya,iyadoona wasaarada ay tilmaamay inay tahay xubin Al Shabaab ee u qaanilsan Kenya.
Qoraalka ay soo daabacday wasaarada oo aad u dheeraa ayaa waxaa kale lagu shaaciyay in Ururka Jaamacatu Al Hijra ay gacan ka geysatay askareynta xubnaha Shabaab ku biiraya, waxaan ay fududeysay in xubnaheeda ay si caadi ah ugu safraan dalka kenya.
