Muqdisho-KNN-War kasoo baxay Taliska Mareykanka ee la yiraahdo Africom ayaa waxaa lagu sheegay in duqeyn ay ku dileen dagaalamayaal ka tirsan Al-Shabaab ka dib howlgal ay ka fuliyeen gobolka Shabeelaha Hoose.
Howlgalka ayaa waxaa Si wadajir ah u fuliyay Ciidamada Xoogga iyo kuwa Mareykanka, waxaa uuna ka dhacay meel u dhow Deegaanka Mubaarak ee gobolka Shabeelaha hoose.
Taliska Mareykanka ayaa sheegay in weerarka lagu bartilmaameedsaday goob ay ku sugnaayeen Al Shabaab, halkaas oo ay ku dileen labo dagaalame ,halka mid kalena ay ku dhaawaceen.
Mareykanka ayaa maalmahan dambe kordhiyay Duqeymaha uu ka fulinayo gudaha Soomaaliya, ee uu la beegsanayo saldhigayada Shabaab ay ku leeyihiin Gobolada dalka.
