Muqdisho-KNN-Maxkamadda Racfaanka ee CQS ee Soomaaliya ayaa maanta xukuno ku riday Askar ka tirsan Ciidamada Dowladda Soomaaliya oo dambiyo kala duwan lagu eedeeayy.
Saddex Alifle Boliis, Cali Mahdi Maxamed iyo Tahliil Cali Maxamed ayaa loo xiray dilka Marxuum Ex Kormeera Sedaxaad Boliis ,Xasan Aadan Ibraahim, dilkaasi oo ka dhacay gudaha Saldhiga degmada Hilwaa ee gobolka Banaadir 13-10-aad sanadkii tegay.
Saddex Alifle Boliis Cali Mahdi Maxamed ayaa loo heystaa in qoreygiisa uu kaga tagay meel cidla ah halka Tahliil oo loo diyaarinayay ciidanimo uu riday xabado sababay dhimashada Marxuum Ex Kormeera Sedaxaad Boliis Xasan Aadan Ibraahim.
Ciidamada amniga degmada ayaa isla xilligaasi ku wareejiyay labada eedeysane Hey’adda baarista Dambiyada CID.
Kadib markii ay ka guteen waajibaadkooda baarista ayay u soo wareejiyeen Xafiiska Xeer Ilaalinta Ciidamada Qalabka Sida, waxa ayna xafiiska weydiisteen Garsoorka Maxkamadda Ciidamada in loo gudbiyo xabsiga dhexe eedeysanayaasha gar-sugo ahaan 22-ka 10-aad sanadii 2018.
Xafiiska Xeer Ilaalinta ayaa maxkamadda horkeenay laba markaati, baaraha dacwadda oo si wada jir ah loo weydiiyay dhammaan su’aalo ku saabsan dilka, sawirka marxuumka iyo warqadda dhakhtarka ee muujinta dhimashada.
Ugu dambeyn Maxkamadda Sare ayaa ku kala xukuntay
• Tahliil Cali Maxamed diyo 100-halaad ah oo ah magta Marxuum Kormeer Sedaxaad Boliis Xasan Aadan Ibraahim iyo laba sano oo xabsi ciidan ah.
• Sedax Alifle Boliisk Cali Mahdi Maxamed ayaa isna lagu xukumay Sedax sano oo xabsi Ciidan ah.
Maxkamadda Sare ee Ciidamada Qalabka Sida ayaa ah halka ugu dambeyso oo uu ula Laabto xukunsanaha hadii uusan ku qancin Xukunka Maxkamadda Darajada Koowaad.
