Garoowe-KNN-Wararka Ka imaanaya Mgaalada Garoowe ayaa sheegaya in Maamulka Puntland uu xalay joojiyay Kulanka dadweyne uu madaxweynaha Soomaaliya ku qaban lahaa, hotel ku yaalla magaalada Garoowe.
Kulankan oo sida boorkiisa ku xusan ay soo qaban-qaabisay, xarunta cilmi-baarista ee Center For Policy Alternatives oo fadhigeedu yahay Garoowe, ayaa sida la sheegay ku saabsanaa, hannaanka doorashooyinka dalku wajahayo iyo doorka bulshada rayidka ah.
Sababta loo baajiyay kulanka ayaa waxaa lagu sheegay in ay tahay, xilli haatan uu khilaaf u dhexeeyo Madaxda Dowladda Dhexe iyo Maamulka Puntland, waxaa ayna Puntland sheegtay inaan lagu soo wargelinin arintaasi, sida uu KNN u sheegay Wariye Madax Banaan oo lagu magacaabo Saciid Maxamed Cali.
Ilaa iyo Hada Ma jiraan wax war ah oo ka soo baxay Maamulka PUntland, kaasi oo ku aadan wararka sheegaya in kulanka dadweynaha laga baajiyay madaxweyne Farmaajo.
