Muqdisho-KNN-Qaramada Midoobe ayaa waxaa ay qorsheynaysa in ay Soomaaliya u soo magacawdo ergay cusub ,kaasi oo badali doona Ergaygii hore ee Qaramada Midoobe u qaabilsanaa Soomaaliya.
Soo magacaabista Ergayga cusub ayaa imaanaysa kadib markii bishan January ay dowlada Soomaaliya Ceyriday wakiilkii xoghayaha guud ee Qaramada Midoobe u qaabilsanaa Soomaaliya Mr Nichalos Haysom.
Afhayeenka labaad ee Qaramada Midoobe Farhan Haq, ayaa sheegay in xoghayaha guud ee QM Antonio Guterres, uu kalsooni buuxdo ku qabay Mr Haysom, uuna aad uga xunyahay go’aanka ay dowlada Soomaaliya ku ceyriday.
Ku xigeenka Afhayeenka Qaramada Midoobe Farhan Haq, ayaa waxaa uu sheegay in Antonio Guterres xoghayaha guud ee Qaramada Midoobe uu go’aansaday in Soomaaliya uu u soo magacaabo Ergay cusub.
Nichalos Haysom wakiilkii hore ee xoghayaha guud ee Qaramada Midoobe u qaabilsanaa Soomaaliya ayaa xafiiska Qaramada Midoobe ee Soomaaliya baneenaya in ka yar afar bilood uu ka shaqeenayay dalka.
