Xafiiska Qaramada Midoobay ee Soomaaliya ayaa ka jawaabay go’aanka dhowaan ka soo baxay dowladda Soomaaliya ee lagu go’aamiyay xirada xafiiska UNSOM.
Afhayeen u hadlay xafiiska QM ee Soomaaliya ayaa sheegay in go’aanka dowladda uusan lama filaan ku noqon, isla markaana muddo xileedka xafiiska iyo shaqaalaha uu ku egyahay dhammaadka sannadkan.
“Muddada xafiiska UNSOM waxa uu dhammaan doonaa marka uu howshiisa dhameysto ama go’aan rasmi ah oo ka yimaada Soomaaliya, waxaa xusid mudan in dib u eegis lagu sameeyay istaraatiijiyadda UNSOM ay dhacday labo sano ka hor, iyadoo xoogga la saarayo xaaladda isbedbedelka ah, iyadoo qeyb ka ah isbedelkan. Xafiiska UNSOM ee Soomaaliya waxaa loo bedeli doonaa kooxda Qaramada Midoobay ee Soomaaliya.”
Geetaannus ayaa ka hadlay walaaca laga qabo faragelinta laga yaabo in lagu sameeyo siyaasadda Soomaaliya, isagoo yiri “Qaramada Midoobay waxaa weli ka go’an in ay Soomaaliya ku taageerto qorshe ay hormuud ka tahay Soomaalida laftirkeeda, joogitaankayagu ma ahan oo kaliya in aan la shaqeyno Soomaaliya balse waxaa naga go’an in aan caawinno oo aan caawinno Soomaalida meelo kala duwan leh. “
