Muqdisho-KNN-Abaanduullaha Ciidanka Xoogga dalka Odowaa Yuusuf Raagge oo la hadlay Idaacada ku hadasha Afka Ciidamada Qalabka Sida ayaa waxaa uu sheegay in Howlgal qorsheysan ay ciidamada xoogga ka sameeyeen inta u dhaxeysa Jaziira ilaa iyo Magaaladda Marko, islamarkaana ay u suurta gashay in dagaal ay kula wareegaan deegaanada kala Ceel Ow Maki, dhannaane, Gandarshe iyo Jilib Marka,xili ay mudo maamulayeen dagaalamayaasha Al-Shabaab.
Sidoo kale Abaanduullaha ayaa waxaa uu sheegay in ka badan 13 saraakiil iyo dagaalamayaal ka tirsan Al-Shabaab, islamarkaana Ciidamada xoogga ay ka qabsadeen gaadiidka dagaal iyo hub.
Abaanduullaha ayaa waxaa uu tilmaamay in ay sii wadi doonaan Howlagalada ka dhanka ah Dagaalamayaasha Al-Shabaab, Islamarkaana ay dhawaan ka saari doonaan degaanada ka tirsan Gobalka Shabeelaha Hoose.
Dhawaan ayay aheyd markii ciidamada Xoogga dalka ay la wareegeen Magaalada Marka,kadib markii dagaal xoogan ay kala kulmeen dagaalamayaasha Al-Shabaab.
