Qoraal kasoo baxay Xukuumadda Soomalilan ayaa looga hadlay hadal lagu daabacay Wargayska the Times of Israel kaa oo lagu sheegay in wasiir ka tirsan Xukuumadda Soomalilan uu Israel kaga qeeyb galay shir ku saabsan iskaashiga wadamada Afrika iyo Israel.
Qoraalka ayaa lagu yiri “Warar aan Sal iyo Raad toona lahayn ayaa lagu baahiyay Wargayska the Times of Israel kaas oo ay ku sheegeen wargaysa in Wasiirka Wasaaradda Gaashaandhigga Soomalilan ka qayb galay shir lagaga hadlayay iskaashiga Israel iyo Wadamada Africa .
Waxa ay sidoo kale sheegeen in uu yahay been cad warka kasoo baxay Wargayska the Times of Israel, uuna Wasiirka Wasaaradda Gaashaandhigga Abdiqani Maxamuud Caateeye (Fariid) uu ku mashquulsanaa howlaha dowladda uu u haaayo.
“Waana been cad oo marag ma doona Wasiirka Wasaaradda Gaashaandhigga Abdiqani Maxamuud Caateeye (Fariid) waxa uu Mudooyinkii u dambeeyay ka Shaqaynayay hawlaha Qaranka ee horyaala waxa uu ka mid ahaa gudidii qaban qaabada maalinta qaran ee 18May waxaana uu ahaa gudoomiye ku xigeenka gudida 18may, Wakhtigaa uu wargaysku ku sheegay in uu shirka ka qayb galay Wasiirku waxa uu ku mashquulsanaa qaban qaabada Xuska maalinta Qaran ee 18may, ayaa sidoo kale lagu yiri qoraalka kasoo baxay Maamulka Soomalilan.
Qoraalka kasoo baxay Soomalilan ayaa waxaa lagu soo gabagabeeyay “Wararka noocaan ah waxa loogu talagalay in sumcada Qaranka Somaliland lagu waxyeeleeyo.
