Garoowe-KNN-Taliyaha ciidanka Daraawiishta Maamulka Puntland Sarreeye Gaas Cabdishukri Cabdullaahi Xuseen ayaa la sheegay in warqad is-casilaad ah uu u gudbiyay madaxweynaha maamulka Puntland Siciid Cabdullaahi Deni.
Sababta iscasilaada taliyaha ayaa waxaa lagu sheegay in ay tahay, kadib markii isfaham waa iyo khilaaf soo kala dhex galay isaga iyo madaxweyne Deni oo ku aaddan jawaabta puntland ka bixinayso abaabulka Somaliland ku qaadday degaanno ka tirsan Gobolka Sanaag.
Wali Ma jirto faahfaahin rasmi ah uu ka bixiyay Taliyaha sababaha keenay inuu iska casilo xilkaasi.
Balse warar qaar ayaa sheegaya inuu dhaliilsan yahay habkii looga falceliyey xiisadaha colaadeed ee ka taagan Gobolka Sanaag.