Saddex qof ayaa Axadii lagu dilay toogasho ka dhacday jaamacad ku taal caasimadda Philippine ee Manila, sida ay saraakiishu sheegeen, dhacdo naadir ah oo u muuqata dil qorsheysan.
Dhacdadan ayaa ka dhacday jaamacada Ateneo de Manila iyadoo ardayda sharciga iyo qoysaskooda ay yimaadeen si ay uga qeyb galaan xaflad qalin jabin ah oo lagu waday inuu ka qeyb galo gudoomiyaha maxkamada sare ee dalka.
Ninkii toogashada geystay ayaa la xiray.
Maamulka ayaa sheegay in Rose Foregay, oo hore u ahaan jiray duqii hore ee gobolka koonfurta ee Basilan, ay gabadhiisa ay ka mid ahayd ardaydii qalin jabisay, ee la dilay.
“Waan la yaabnay oo aad uga naxay dhacdadan,” Joy Belmont, oo ah duqa qaybta dawladda hoose ee ay toogashadu ka dhacday, ayaa u sheegtay AFP.
