Muqdisho-KNN-Madaxwaynaha dalka Mareykanka Donald Trump ayaa soo jeediyay in macllimmiinta oo la hubeeyo ay mustaqbalka ka hortagi karto toogashiinka ka dhaca iskuulada Mareykanka.
Madaxwayanaha ayaa sheegay in iskuulada oo hubka loo dheereeyo ay uun dhiiri galinayso in ay weeraro dheeraad ah ay dhacaan.
Madaxwaynaha Mareykanka ayaa xusay in maclimiinta oo qaata hubka qarsoon ay gacan ka gaysan karto ka hortagidda toogashooyiinka iskuulada ka dhaca.
Mr Trump ayaa hadalkan jeediyay xilli uu aqalka cad kulan kula yeelanayay dadkii ka badbaaday togashadii ka dhacday iskuul ku yaalla gobolka Florida.
Ardaydan ayaa madaxwayne Trump u sheegay in ay doonayan in marka ay iskuulka joogaan ay dareemaan in ammaankoodu sugan yahay .
Hindisaha madaxwayne Trump ee ah in macliminta iskuulada la hubeeyo ayaa waxa dhaliilsan qaar ka mid ah dadka Mareykanka.
Mark Barden oo wiilkiisa Daniel sanaddii 2012 lagu dilay toogasho ka dhacday goob iskuul ah ayaa sheegay in aysan taasi ahayn jawaabta laga bixinayo ka hortaga toogashoonka ka dhaca iskuulada.
Qaar ka mid ah waalidiinta iyo ardayda ayaa waxa ay ku baaqayaan in la dajiyo sharci lagu difaacayo ardayda iyo guud ahaan bulshada.
