Muqdisho-KNN-IGAD waxay xaqiijineysa ixtiraamka madax-bannaanida, sharafta dhuleed, madax-bannaanida siyaasadeed iyo midnimada Soomaaliya,
IGAD waxa ay ka welwelaysaa oo ay si dhow ula socotaa xiisadda siyaasadeed ee cusub ee ka jirta Soomaaliya taas oo khatar ku ah horumarka laga gaaray sannadkii hore, Gaar ahaan qaddiyadaha Heyadda sharci-dejinta ee waddanka oo murankooda Siyaasadeed uu khatar gelinayo dadaallada ay xukuumadda hadda ku hayso dib-u-habeeynta hay’adaha amniga iyo caddaaladda, kordhinta fursadaha dhaqaalaha iyo sidoo kale bixinta adeegyada aasaasiga ah ee muwaadiniinta.
Sanadkii la soo dhaafey, Soomaaliya waxay samaysay horumar joogto ah oo ku wajahanaa ajandaha dib-u-habeeynta ee adagyada oo ay ugu wacan tahay ballanqaadka ay muujiyeen madaxda haatan ee Dowladda Federaalka ee Soomaaliya (FGS)oo sidoo kale si wadajir ah ula shaqeyneysa Dawladaha Xubinta ka ah Federaalka (FMS)
IGAD waxay soo dhoweyneysaa horumarka laga gaaray hirgelinta Golaha Amniga Qaranka iyo hirgelinta Mashruuca Nabadgalyada Qaranka, gaar ahaan Heshiiskii siyaasadeed ee Golaha Amniga Qaranka ee 6-10 Febraayo 2018, si loo aqoonsado Golaha Amniga Dowladda oo sii wadaan isdhexgalka ayadoo loo marayo Dhismaha Badbaadada Qaranka.
IGAD waxay sidoo kale soo dhaweyneysaa horumarinta qorshe ku-meel-gaar ah oo ku salaysan Sugida Amniga Deegaanada iyadoo loo eegayo in la fuliyo amniga iyo kala-soocida amniga ee AMISOM oo loo gudbinayo Ciidamada Nabadgelyada ee Soomaaliya, waxaana ay u muuqanaysaa in ay dhameystirayso howlaha Qaranka iyo fulintooda.
IGAD waxay ku amaanaysaa horumarka ballaaran ee ay sameeyeen Dowladda Federaalka Soomaaliya si ay u daboolaan shuruudaha barnaamijka IMF ee la socoshada Barnaamijka Kalsoonida Maaliyadda Dalka (SMP) oo qayb ka ah ajendaha dib-u-habeeynta hay’adaha maaliyadeed ee Dalka.
IGAD waxa ay ka digaysaa la qaso in xasillooni siyaasadeed iyo guulaha ay gaartay Dowladda Federaalka Soomaaliya 12-kii bilood ee la soo dhaafay, taas oo khatar gelineysa hanaanka xasilinta.
Ugu dambeyn, IGAD waxay ugu baaqaysaa Baarlamaanka Soomaaliya iyo Heyadda Fulinta in ay gacan ka geystaan sidii loo fududeyn lahaa soo gudbinta qodobbada muhiimka ah ee ku saabsan khariidada Road Map ka 2020 ee fulinta qaab-dhismeedka nabadgelyada qaranka, iyo horumarinta qorshaha Roadmap-ka ee gargaarka.
