Muqdisho-KNN-Wararka laga helayo Waqooyiga magaalada Gaalkacyo gobalka Mudug ayaa sheegaya in Xalay gudaha Magaaladaasi lagu dilay Xisaabiyihii Dowladda Hoose ee Gaalkacyo Axmed Deeq Cali Hayaan.
Dablayda ku hubaysan Baastoolado ayaa ku dilay Magaaladda Gaalkacyo, iyadoona falka kadib kooxdii dilka geysatay ayaa goobta ka baxsaday.
Ciidamo katirsan Kuwa Puntland oo goobta gaaray ayaa halkaasi ka sameyeey baaritaano, inkastoo ay dad badan ku soo qabteen howgalkaasi.
Axmed Deeq ayaa la sheegay in Xabada ka haleeshay Madaxa, waxaana uu ku naf baxay cisbitaalka Guud ee Magaalada Gaalkacyo ee Gobalka Mudug.
Ma jirto cid Sheegatay Masuuliyada Dilka Xisaabiyiii Dowlada Hoose Magaalada gaalkacyo ee Mudug.
Magaalada gaalkacyo ayaa waxaa ay ka mid ah tahay Meelaha inta badan Al-Shabaab ay dilalka qorsheysan ka geystaan,iyadoona ay la eegtay Masuuliyiinta ka tirsan maamulada ka arimiya Magaalada gaalkacyo ee Gobalka mudug.