Garoowe-KNN-Gudiga difaaca puntland oo maanta kulan ku yeeshay Magaalada Garoowe ayaa waxaa ay ka hadleen kulankooda Dil Shalay ka dhacay Gobalka Sanaag, kaasi oo loo geystay Suldaan Xasan Cali Jibriil iyo Socdaalka uu Madaxweynaha Puntland ku tagay Gobalkaasi.
Sidoo kale gudiga difaaca ayaa soo hadal qaaday hadal ka soo yeeray Xildhibaanada iyo siyaasiyiin ka soo jeeda Koonfur Galbeed, kaasi oo ku aadan in Madaxweyne Gaas uu sheegay in Al-Shabaabka ku sugan deeganada Puntland ay ka yimaadeen Deegaanada Koofur Galbeed.
Wasiirka Warfaafinta ee Maamulka Puntland Cabdi Xirsi Cali Qarjab oo la hadlay Warbaahinta ayaa difaacay Hadalka Madaxweynaha Puntland , waxaa uu sheegay in la siyaasadeeyay hadalkii madaxweyne Gaas ee ahaa in Deegaanada Puntland laga Saaro Al-Shabaab iyo Daacish, islamarkaana Waxaa uu tilmaamay in si qaldan hadalkaasi loo fasiray.
Sidoo kale Wasiirka ayaa sheegay in Shacabka Puntland ay diyaar u yihiin in ay iska difaacaan Al-Shabaab iyo Daacish.
