Baydhabo-KNN-Magaalada Baydhabo ee Gobalka bay ayaa maanta waxaa ka dhacay doorashada Kursi ka mid ah Golaha Shacabka ee baarlamaanka Soomaaliya.
Sida uu qorsha ahaa waxaa la filayay in ay u tartamaan doorashada Musharixiinta kala ah.
Isaaq Khaliif Sheekh
C/qadir Shekh Maxamed Nuur
Xasan Macallim Ibraahim
C/laahi Sheekh Maxamed
Balse wararka qaar ayaa sheegaya in goobta ay doorashada ka dhacaysay uu ku sugnaa oo kaliya C/laahi Shekh Maxamed, isagoona doorashada ku guuleystay.
Tirin ay sameeyeen Gudiga doorashooyinka qaranka ayaa waxaa ay ku sheegeen in Cabdullahi Sheekh Maxamed uu helay 35 cod, halka Isaaq Khalif Duurey uu helay 4 cod, iyadoona Cabdiqadir Sheekh uu helay 2 cod.
Guddiga doorashooyinka Qaranka ayaa Magaalada Baydhabo kaga dhawaaqay in doorashada maanta uu ku guuleystay Cabdullaahi Sheekh Maxamed.
Kursiga doorashaddiisa ay ka dhacday Magaalada Baydhabo ayaa horay waxaa uga geeriyooday Xildhibaan Khaliif Sheekh C/laahi Dheere .
