Ciidamo ka tirsan Militeriga Soomaaliya ayaa qarax miino lagu eegtay inta u dhaxeysa degmooyin Doolow iyo Luuq ee gobolka Gedo.
Kolonyada ciidanka ayaa waxaa la socday saraakiil iyo askar kale, iyaga oo halkaasi ka waday howlgal ka dhan ah dagaalameyaasha Al-shabaab.
Qaraxa miino ayaa sababay dhimashada saddex askari iyo dhaawaca 11 kale, siday xaqiijiyeen saraakiisha ciidanka.
Dhaawacyada ayaa waxaa kamid ah abaanduulaha guutada 10-aad ee qaybta 43aad ee ciidanka xoogga dalka Soomaaliya Rashiid Bohol.
Sidoo kale, Saraakiisha ayaa sheegay in ay Al-shabaab ka saareen deegaanno u dhaxeeya degmooyinka Doolow iyo Luuq.
